المساعد الشخصي الرقمي

مشاهدة النسخة كاملة : طريقة عمل عجينة الميل في بالصور والخطوات


هيفولا
10-18-2013, 06:58 AM
طريقة عمل عجينة الميل في بالصور والخطوات




http://2.bp.blogspot.com/-K5QdVybqV1Y/T04v-7-US5I/AAAAAAAAIQI/lEzrgz7emnw/s1600/%D9%85%D9%8A%D9%84+%D9%81%D9%8A.jpeg


اولا المقادير للعجينة

حوالى كوب و نصف دقيق
180 جرام زبده جامده" من التلاجة
يعنى مش بدرجة حرارة الغرفة "
كوب الا ربع ماء للعجن
ممكن اكتر او اقل حاجة بسيطة حسب الدقيق
ذرة ملح


الطريقة

سهلة جدا والله مش صعبة

نجيب الدقيق على السطح الرخامى او الترابيزة " يكون سطح املس "
و نعمله زى الهضبه كدا و نعمل فى قلبه حفره زى فوهة البركان

و بعدين نبتدى نضيف الماء داخل الحفرة و نلم الدقيق عليها
و نعجن لغاية ما تتكون معانا عجينه مبتلزقش
و تلم كل الدقيق اللى على السطح

http://www.supertoinette.com/photo/pate_sablee11.jpg

http://www.supertoinette.com/photo/pate_sablee12.jpg

بعدين نحط العجينه فى كيس نايلون فى التلاجة للمدة ربع الى نص ساعة
عشان تكون ارتاحت و بردت و الزبدة ال هنضيفها متسيحش فيها بسهولة

بعد ربع ساعة نخرجها من التلاجة و نبتدى نفردها على هيئة مربع
و نجيب قطعة الزبدة بتاعتنا و نحطها فى نص العجينة
و نقفل جوانب العجينه عليها زى كدا

http://www.supertoinette.com/photo/f/f_abaisse9.jpg


انا قطعت الزبدة قطع صغيرة نسبيا و وزعتها فى قلب العجينه
http://www.supertoinette.com/photo/pate_feuilletee07.jpg

بعدين نقفل اهو

http://www.supertoinette.com/photo/pate_feuilletee08.jpg

بعدين نبتدى نفرد بالنشابه

http://www.supertoinette.com/photo/pate_feuilletee09.jpg

بعدين نطوى

http://www.supertoinette.com/photo/pate_feuilletee10.jpg

و نرجع نفرد بالنشابه
و ياريت لو مثلا فردنا بالطول و طوينا بالعرض
بعد كدا نفرد بالعرض و نطوى بالطول
يعنى نحاول نفرد الزبده داخل العجينه فى كل الاتجاهات

و لو حسينا ان العجينه هتبتدى تلزق على السطح او ان الزبده
بتخرج نحط العجين فى التلاجه ربع ساعة ترتاح و تجمد
و نخرجها و نرجع نفردها و نطويها كمان كام طيه
و نرش السطح بالدقيق رشات خفيفة ضرورى جدا
النقطة دى لسهولة الفرد و عدم التصاق العجين

كل ما عمليه الطى و الفرد دى بتزيد كل ما بتدى معانا
نتيجة مدهشة بعد كدا فى الخبز و الطعم

انا عملتها اربع مرات
و بين كل مرةومرة كنت بريحها فى التلاجة ربع ساعة
و ارجع اكمل

لغاية ما هنلاقى ان العجينة بقى لونها اصفر
نتيجة انها شربت كل الزبدة اللى حطيناها
و لما نفردها او نطويها مفيش زبدة هتخرج منها لانها دابت خلاص جواها

و طريقة فرد الزبدة فى العجينة بالشكل دا
هو اللى بيخلى العجينه مورقة و هشه زى ما بنشوفها
و بتديها الطعم المميز اللى كلنا بنحبه

المهم

دلوقتى العجينة جهزت عندنا خلاص و بقيت اخر تمام بالشكل دا


و فى مليون فكرة ممكن نستخدمها فيهم

انا عملت منها تورتة ميل فى
و كمان اصابع الساليزون المدهشة بالبسطرمة

لو هنعمل تورتة ميل فى

هنفرد جزء من العجينة يعنى حوالى اربعين سم فى تلاتين
و بنرققها جدا يا جماعة زى الصورة كدا بالظبط وانا عملتها كدا


و بعدين نحطها فى الصاج بتاعنا و نشكها بالشوكة
عشان متنتفخش فى الخبز بالشكل دا


و انا دهنت الوش بيض و دخلتها الفرن على الشبكة
فى الرف الاسفل لمدة ربع الى تلت ساعة تقريبا على نار متوسطة
و خرجت جميلة

بعد كدا عملت
الباسترى كريم

و مقاديره

اتنين اصفر بيض مع بيضة كاملة
كوب و ربع لبن
فانيليا
ملعقة كبيرة نشا
ملعقة كبيرة دقيق
و ثلاث ملاعق سكر
و نقلب ع البارد لغاية ما كل المكونات دى تندمج
و تدوب مع بعض تماما و بعدين نبتدى نرفعها على النار
و نقلب لغاية ما تتخن معانا و توصل للقوام المناسب
وهو بيبقى تخين شويه زى الكاسترد كدا او اتخن كمان حاجة بسيطة

بعدين بنبتدى نجيب العجينة بتاعتنا
واللى اصبحت رقاقة كبيرة هشه و جميلة و نقطعها نصين او ثلاثة
على حسب عدد الطبقات اللى حابن نعملها لقالب التورته
و نهذب الجوانب

و العجينة بيبقى شكلها من الداخل بالظبط جميلة جدا
"انا اصلى مش مصدقة انها نجحت معايا
شكلا و طعما للدرجة اللى حصلت http://www.haridy.com/ib/images/smilies/image5.gifhttp://www.haridy.com/ib/images/smilies/image5.gif"

نجيب كيس نايلون " من اكياس التلاجة العادية "
او كيس كريمة و نفتح الكيس من جهة واحدة فتحة بسيطة
بحيث نقدر نصب بيه الكريم باسترى فوق الرقاقة الهشه زى كدا


و نكرر عملية الحشو و الطبقات
" انا عملت طبقتين بس عشان كنت عامله عجينة قليلة "

نسد اى ثغرات و نهذب الجوانب كدا

http://2.bp.blogspot.com/-K5QdVybqV1Y/T04v-7-US5I/AAAAAAAAIQI/lEzrgz7emnw/s1600/%D9%85%D9%8A%D9%84+%D9%81%D9%8A.jpeg
دا الشكل النهائى ليها و نرش عليها سكر بودرة
و نقدمها مع الشاى يا سلام ولا اروع
و زى الجاهز بالظبط مفيش اى فرق غير اننا ضامنين الصنعة
و النضافة و موفرين اكتر من70 فى الميه من تمن الجاهز

لو عاوزة تعملى كمية كبيرة ممكن تجهزى لعجينة
و تحتفظى بيها فى الفريزر فى شكل لفات فى اكياس نايلون
لحين الاستخدام بتخرجيها و تسيبيها تلين و تشكليها زى ما تحبى

كيلو الدقيق بياخد كيلو الا ربع زبدة
و يطلع معاكى كمية رهيبة من الحلويات و الساليزون و المقبلات المختلفة


الف هنا وعافية

هيفولا:o