بفتيك اللحم

[هيفولا]

تبليه ملح و فلفل و مية بصل
و حطيه في التلاجة وياريت يبات ليلة في التتبيلة
لما تيجي تقليه تضربي بيض و شوية فلفل صغيرين
و تجهزي طبق فيه دقيق و طبق فيه بقسماط متبل بالتوابل
اللي تحبيه لو عندك ثوم بودرة وبصل بودرة وبابريكا وكاري
و تحطي البفتيك في الدقيق ثم البيض ثم البقسماط
وأهم حاجة تضغطي عليه كويس علشان الخلطة تمسك عليه
و رصيه ف صنية ودخليه التلاجة على الأقل نص ساعة
بس مش فوق بعضه
و تجهزي زيت سخن أوي وغزير وتقلي فيه البفتيك
بس مش تخليه على النار كتير علشان ماينشفش
و لو اللحمة بتاعته كبيرة بتحطيه لما يتلون اللون الذهبي
تهدي النار شوية علشان يستوي\



طرريقة تانية
تعمليه بيكاتا بالمشروم أو بدون لو مش بتحبيه
بتجيبي طاسة فيها معلقة زيت وزبدة على حسب كمية البفتيك
وتقلي قطع البفتيك زي اللحمة كباب الحلوة كده يعني اللحمة تاخد لون
بس خدي بالك قطعة قعطة مثلا أو مش تملي الطاسة
أوي علشان ماتنزلش ميتها
و تكوني مجهزة بصل مقطع مكعبات صغيرة بس مش مبشور
وتحطيه في الطاسة بعد ماتشيلي اللحمة وتخلصي قليها
كلها وتشوحي البصل وتضيفي عليه معلقة دقيق ولو حابة مشروم تحطيه معاهم
و بعدين لما تتقلب كلها مع بعض كده
تضيفي نص كوب لبن و علهي معلقة زبدة أو لو عندك كريمة لباني يبقى أحسن ولما تغلي شوية تضيفي اللحمة وتهدي النار عليها شوية لحد ماتستوي و ألف هنا و شفا وبيتقدم جنبها رز أبيض ومممكن خضار سوتيه



بصى يا سمسمة اهم حاجة تكون اللحمة ناعمة مش خشنة وتقطعيه شرائح رفيعة على اد ما تقدرى وتدقيها شوية بالشاكوش اللحمة علشان ترق شوية وبعدين تعملى تتبيلة من ملح وفلفل ومية بصل وشوية لبن صغيرين او زبادى وانا باضيف معلقة مستردة وتوابل لحمة واسيبهم ساعتين وبعدبن تحطيهم فى دقيق وبعدين بيض وبعدين بقسماط وتقلى بصراحة جوزى وولادى بيقولوا احلى بفتيك بناكله ونفس الطريقة للبانيه وبالهنا