المساعد الشخصي الرقمي

مشاهدة النسخة كاملة : طريقة عمل كتف الخروف


هيفولا
10-04-2014, 11:00 PM
طريقة عمل كتف الخروف
.. طبق رائع وسهل للعزايم


http://static.hawaacdn.com/hw-uploadcenter/up/sites/up.hawaaworld.com/files/links/5c2dee68753393f002775c3a8a7d9c75.jpeg

السلام عليكم ورحمة الله وبركاته ..

كررت في عزايمي برمضان مرتين عمل كتف الخروف ،
كونه طبق مفضل ولذيذ جداً والأهم من هيك انه سهل وممكن تحضيره مسبقاً
يعني مع عجقة العزومة ما فيه غلبة كتيرة ..
ولانه كتار اللي سألوني عن الطريقة ويبدو انها كل شوي بتضيع في صفحات المواضيع
، قررت انزل الطريقة في موضوع مستقل،
خاصة اني صورت الخطوات من قبل تحسباً لهيك شي http://staticfiles.hawaaworld.com/images/hawaaworld/smilies1/smile12.gif

أولا بدك تشتري من عند اللحام كتف خروف يفضل يكون صغير
.. وزنه بيكون بين 2-3 كيلو بالكتير ..
أول واهم خطوة تغسلية كوووووووويس تحت المية وما تخلي ولااا اي شي مشكوك بأمره
http://staticfiles.hawaaworld.com/images/hawaaworld/smilies1/smile12.gif شيلي أي قطع مكسورة من العظم او اذا في دم أو دهون زايدة
.. ورح تلاحظي انه الكتف في متل فتحه أو جيب
(عادة بيفتحها اللحام اذا بدك تحشي الكتف) لا تنسي تنضفيها تمااااام ..

بعد التنضيف ممكن تأكدي على الكتف بأنك تفركيه بالملح وزيت الزيتون
و تتركيه شوي وترجعي تغسليه منيح .. و هيك بنكون جهزناه للتتبيل ...

طبعا هاد الشغل كله قبل العزومة او الطبخ بيوم ..
أحسن عشان الكتف يتشرب التتبيلة ويكون طبخه تاني يوم سهل جدا ..

هلا بسكين حاد شوي بنعمل ثقوب في كل مكان في الكتف،
في اللحم وبين الأضلاع وفي كل مكان .. عشان تتشرب التتبيلة

التتبيلة عبارة عن :
حوالي فنجان كبير من الخل
، 7-10 فصوص توم مهروس، عصير ليمونة كبيرة او 2 صغار ،
فنجان كبير زيت زيتون ، بهارات مشكلة مطحونة،
فلفل أسود مطحون، لو حبيبتي شوية بابريكا مطحونة وقرفة وسماق
.. كميات صغيرة، وكمية من الملح طبعا...
و بهارات صحيحة (قرفة وبهار حلو وفلفل أسود وورق غار) ..

ملاحظة:
في ناس بيحطو شوية لبن زبادي، وفي ناس بيحطوا معجون البندورة،
وكلها امور اختيارية طبعا..
وهي الكتف الجميل متبل وجاهز لدخول التلاجة لتاني يوم.
غطيه بكيس نايلون منييح واتركيه يتشرب النكهات.

http://static.hawaacdn.com/hw-uploadcenter/up/sites/up.hawaaworld.com/files/links/de888dd7dd40caa80e815df55967dcc9.jpeg

تاني يوم ، قبل وقت الأكل بتلات ساعات أو اكتر شوي
، بنطلع الكتف من التلاجة ورح نلاحظ انه في مية كتيرة حواليه،
وهي عصارة اللحمة اللي نزلت بسبب التتبيلة..
طبعا نضيفة ورح نخليها لوقت الطبخ ..

بنرجع نفرك اللحمة كمان مرة بالمية اللي حواليها،
وبنزيد ورق الغار و بنفرم بصلة أو 2 نغطي فيهم الكتف،
و بنحط الكتف مع المية اللي حواليه مع البهار والبصل وكل شي داخل ورق القصدير و نغلقه بإحكام.. و ممكن لو حبينا نحط مكعب ماجي معه..

http://static.hawaacdn.com/hw-uploadcenter/up/sites/up.hawaaworld.com/files/links/054a42128ad3225d2bb9ae4b7fffbd1d.jpeg


http://static.hawaacdn.com/hw-uploadcenter/up/sites/up.hawaaworld.com/files/links/6f98292215bc530ebf317b4d5a5e1793.jpeg

طبعا انا في كل مرة عملت كتفين عشان يكفي للأعداد الكبيرة ...

بنملا الصينية بالماء و بنغطيها هي كمان بالقصدير ..
و بندخل الصينية للفرن على درجة حرارة 200 تقريبا ..

بعد ساعتين تقريبا تفقدي الكتف ان كان مستوي
(بادخال السكين فيه او التذوق لو ما كنت صايمة)
.. طبعا الوقت حسب الحجم .. انا استغرق معي 3 ساعات الا شوي ..

هيك شكله اول ما نطلعه من الفرن

http://static.hawaacdn.com/hw-uploadcenter/up/sites/up.hawaaworld.com/files/links/5c2dee68753393f002775c3a8a7d9c75.jpeg


وبعدها، بنكون جهزنا الرز اللي بنحبه،
سادة او بخلطة اللحم المفروم مع المكسرات ..
و بنحط الرز في طبق التقديم و فوقه الكتف،
و بنزين بالمكسرات المقلية والبقدونس المفروم .
. أو أي طريقة انت بتحبيها ..
و هيك بيكون جاهز للأكل http://staticfiles.hawaaworld.com/images/hawaaworld/smilies1/smile12.gif

http://static.hawaacdn.com/hw-uploadcenter/up/sites/up.hawaaworld.com/files/links/5c2dee68753393f002775c3a8a7d9c75.jpeg

الف هنا وعافية




هيفولا:o