كيف أتخلص من البرص فى المنزل

[حور العين]

الابنة / أسماء المرسى
كيف أتخلص من البرص فى المنزل

البرص أذا دخل البيت دخل معة الرعب و القلق للزوجة و الأولاد ،

و أصبح كابوسا في الحياة.

عموما كمعلومة قد تفيدك الفتحات حول التكييف في الحائط ،و الشبابيك

المفتوحة ، هي من أهم مداخل البرص للبيت ، فيجب أن تتأكدي من

تقفيل هذة الفتحات، ووضع السلك علي الشبابيك خصوصا المطبخ

و الحمام ، أو المواجهه للحدائق أذا كانتي معرضه لدخول البرص.

هناك بعض الأفكار التي قرأتها للتعامل مع وجود البرص ،

أولا الطرق متنوعة علي الأنترنت :

يقال ضعي بيض في المكان ، لأن البرص بيعتبرة بيض أفعي فيخاف

و يهرب ( جربت هذه الطريقة و لم تفلح )

تبخير البيت بالمستكه طارد للبرص لأنه يكرة رائحتها.

مسح حواف الشبابيك و الفتحات بزيت السيارات.

بالنسبة للطرق المجربة و فعلا جابت نتيجة

لو في برص فعلا بالمكان ،و عندك الجرأه انك تقتليه أو زوجك معاكي

و يقدر يقوم بالمهمة ، بالنيابة عنك رشي مبيد حشرات في مكانة .. اللي

حيحصل أنه حيدوخ ، و مش حيسيطر علي حركتة ، ساعتها سهل

قتلة بعصا أو شبشب.

الطريقة التانية : شبيهه بقتل الفئران .. أحضري لاصق فئران علي

كرتونه ، و أفرشيه عليها و كرري علي كذا كرتونه ، بمعني يكون عندك

قطعتين تلاتة ووزعيهم في كذا مكان في الغرفة اللي مختفي فيها و أقفلي

الباب ، فرصة قوية جدا أنك تمسكيهم بالطريقة دي ، و كرري الحكاية

دي علي كذا يوم ، لحد ما يتمسك ، بس طبعا خللي بالك في وجود الأطفال

، علشان ما يقفوش علي الورق و يأذيهم، المهم توزعي الورق حول

المكان اللي مستخبي فيه.

بالنسبه للوقاية :

سد الفتحات زي ما قلنا كلها ، كما لو عتب الباب عالي

عن الأرض ممكن تسدي الفرق بأي مشاية صغيرة ، لأن السلم

من الأماكن اللي بيتواجد فيها.

عند العطار نبات أسمة شيح .. النبات دة طارد للثعابين و الزواحف ،

تقدري تشترية و تجيبي صرر صغيرة أو أكياس من التل ، من محلات

مستلزمات السبوع ، ووزعي فيه الشيح ووزعيه عند الشبابيك

و البلكونات ، و أي مكان ممكن يدخل منه ، و كل شهر غيري

الصرر بأخري جديدة.