رولات لازانيا

[هيفولا]

رولات لازانيا




http://www.yumyume.com/image.php?width=415&height=291&image=/uploads/thumb/recipe_089fcfc519bbb1421d30546f4581ec61.jpg

يم يم يم

بصراحه لذيذه وشكلها راقي وطعمها مثل المطاعم الايطاليه
<<==== كلش 24 ساعه بالمطاعم الايطاليه https://s3-eu-west-1.amazonaws.com/staticfiles.forum.hw/images/hawaaworld/smilies1/smile36.gif
واول مره سويتها انجنو عليهااهلي وخلصوها كلها ودوخوني فيها

الزبده انها لذيذه وشكلها راقي ومشرف جدام ضيوفج
خصوصا اذا قدمتيها في طبق بايركس راقي وزينتيها

المهم مابي اقرق عليكم وايد بس امااااااااانه جربوها وادعولي https://s3-eu-west-1.amazonaws.com/staticfiles.forum.hw/images/hawaaworld/smilies1/smile56.gif
مو بس تردون وتعلقون على كلامي ابيكم تجربون وماراح تندمون
بس اللي ماتعرف تسلق اللازانيا بتتوهق شوي

ولايغركم طول الوصفه بس انا دقيقة حيل بالتفاصيل عشان ماتصعب عليكم
=========================

https://s3-eu-west-1.amazonaws.com/staticfiles.forum.hw/assets/images/loader.gif

https://s3-eu-west-1.amazonaws.com/staticfiles.forum.hw/assets/images/loader.gif

المقادير :

-لزانيا شرايح مستطيله
-صلصة البيتزا الجاهزه ( انا استعمل العلالي )
- قشطة الخفق حجم وسط (كريمه العلبه الحمره) KDD
- كاس صغير جبن كرافت او علبه وسط جبن كرافت ازرق (جبن تشدر مبشور )
- لحم غنم مفروم نص كيلو ( بصله ناعمه.. ثوم .. 2 م ك صلصه طماط .
. كزبره ناعمه .. مكعب ماجي واحد .. كزبره ناعمه .. بهارات .. فلفل اسود )
-قليل من جبن مبشور ( موزاريلا )

الطريقه :

اول شي نسوي الحشوه

*نحمس اللحم المفروم بدون دهن ( لان فيه دهن وايد
وهذي طريقتي في الحمس مااضيف دهن كلش )
وبعدين بس يتغير لون اللحم نضيف بصل مفروم ناعم
( انا اسوي البصل في خلاطه براون لانها تنعمه حيل واحفظ كميه بالفريزر )
وثوم ونحركه دقيقتين تقريبا
و نضيف كزبره ناعمه وحبة ماجي وبهارات وفلفل اسود
و2 ملعقه كبيره من صلصة معجون الطماطم ونحرك
ونضيف نص كوب ماي ونخليه حتى ينشف الماي
( لاتضيفون ملح لان حبة ماجي وحده تكفي نص كيلو لحم )
لاتحطون هيل ومسمار ودارسين لانه مايعطيها النكهه الايطاليه
واذا فيه زعتر بري ( اوريغانو ) ضيفوه بعد لانه يعطي نكهه ايطاليه على الاكل


* نسلق المكرونه ( اللزانيا ) بماء مغلي مع الملح وقليل من الزيت
.. ثم تصفى وتبرد تحت صنبور الماء ( نسلق 4-6 حبات
كل مره حسب حجم القدر وبعدين نطلعهم شوي شوي
ونحطهم في مصفاة ونصب عليهم ماي بارد )
والافضل ننفض الماي ونحشيها بالحشوه على طول
عشان ماتنشف اللزانيا وتلصق على بعض

*نأخذ كل قطعه من اللزانيا ونضع بها الحشوه ونلفها ونرصها بصينية بايركس
*نغطي اللزانيا بصلصة البيتزا .

* خلطة الوجه :
نسخن قشطة الخفق على النار قليلا ..
ثم نرفعها ونضع عليها جبن كرافت او جبن كاس
( انا احب كرفت او امريكانا )
وبصراحه انا اسويها بالشدر بس الطريقه الاصليه بجبن كاس
بس ماكان عندي جبن كاس هذاك اليوم ..
وانتو جربوها بالطريقتين كيفكم

ثم نضع هذه الخلطة فوق صلصة اللزانيا ..

* ثم تدخل الفرن ربع ساعه تقريبا والنار من اسفل.. ثم تحمر من أعلى ..
وممكن رش قليل من جبن الموزاريلا أعلاها اخر شي قبل ان نطفأ النار بدقيقه .

باختصار
1- الطبقه الاولى : لازانيا ملفوفه
2- الطبقة الثانيه : صلصة البيتزا
3- الطبقة الثالثة : صلصة الكريمه
4- الطبقة الرابعه : جبن موزاريلا مبشور
* وبعدين طلعيها وقدميها ..
كل قطعه لحالها ( سهلة الأكل ) ..



رولات اللازانيا

من وصفات المطبخ الايطالي الرائعة، والتي تتميز بالطعم الشهي
مقارنةً بالمدة القصيرة التي تُعد فيها،

نقدم اليكِ طريقة عمل رولات اللازانيا اللذيذة ..

http://www.yumyume.com/image.php?width=415&height=291&image=/uploads/thumb/recipe_089fcfc519bbb1421d30546f4581ec61.jpg
المقادير


جبنة فيتا ,2 كأس
سبانخ مفروم ناعم,1.50 كأس
بصل مفروم ناعم, حبة
ثوم مفروم ناعم,3 فصوص
قشطة الخفق ,1.50 كأس
لازانيا ,
معجون طماطم ,0.50 كأس
جبنة موزاريلا مبشورة, كأس



طريقة التحضير

-اسلقي اللازانيا في مقدارٍ من الماءِ والملح.
-جهزي الحشوةَ بمزج الجبنةِ والسبانخ معاً.
-حمري البصلَ والثومَ معاً وأضيفي اليهم قشطة الخفق وحركيهم لمدة دقيقتين ثم ارفعيهم عن النار.
-ضعي مزيج قشطةِ الخفق في صينية بايركس.
-ضعي كميةً من الحشوةِ داخل قطعة اللازانيا ولفيها، ثم قومي بترتبيهم في صينية البايركس.
-ضعي طبقةً قليلةً من معجون الطماطم على وجه لفائف اللازانيا
وادخلي الصينية إلى الفرن لمدة 15 دقيقة.
-عندما تُخرجين الصينية ضعي فوق لفائفِ اللازانيا جبنة الموزاريلا وقدميها ساخنة.

===============