المرقوق والمطازيز

[هيفولا]

المرقوق والمطازيز







المرقوق


طبعا لكل وحدة طريقتها وهذي طريقتي المتواضعة في المرقوق





اولا:


نسوي كشنه بصل +طماطم +ماجي وفلفل حار ونبهر





ونملح واضفت عيدان القرفة والليمون الاسود


http://forum.hawahome.com/nupload/75461_1303035131.jpg


ثانيا :


احط لحم الدجاج ولو كان لحم غنم الذ بكثير واحركة لين يتشوح مظبوط


http://forum.hawahome.com/nupload/75461_1303035209.jpg


ثالثا :


انزل الخضار عليها


بطاطس +كوسة +فاصوليا +جزر –واحركهم مضبوط


http://forum.hawahome.com/nupload/75461_1303035261.jpg


رابعا :


اضيف الماء واخليه زايد شوي علشان العجينه بعدين بتتشربة


http://forum.hawahome.com/nupload/75461_1303035301.jpg


خامسا :


اعجن عجينة من البر +ماح وماء فقط وتكون متماسكة شوية



واريحها لحد ما يستوي الايدام



سادسا :


اذا استوي الايدام

افرد العجين واقطعة باي شكل احبه






وممكن احطه على الايدام وبعدين اقطعة بالسكين
http://forum.hawahome.com/nupload/75461_1303035414.jpg

احركة واذوق الملح وبعدين اقلل النار


واخليه من ثلث الي نصف ساعة


مع متابعته علشان لايحترق او يلتصق من تحت
http://forum.hawahome.com/nupload/75461_1303035448.jpg (http://forum.hawahome.com/nupload/75461_1303035448.jpg)
واحضره في صحن او بادية وبالهنا




طريقة ثانية


طبعا كل له طريقته في عمل المرقوق

وعلى فكره ترا المرقوق اخو المطازيز لكن المرقوق اكبر والمطازيز اصغر

, والمرقوق لايزم يرق طازج بينما المطازيز ممكن عملها من قبل وتنشيفها او فرزنتها

,,,لكن حنا من النوع اللي طازج في طازج ونفرزن في اضيق الحدود

امي موسوسه بالتسمم !!

المقادير: لحم حاشي+ خضار +عجينه


بالبدايه احمسي كميه حليله من البصل ( حليله يعني كثيره)

وشرايح فلفل بارد مع حبة ليمون اسود وعودين قرفه الحركة ذي اختياريه
لكن تعطي نكهه ما حصلتش

وبعد ما يتحمر البصل اضيفي قطع اللحم وقلبيها لحد ما يتغير لونها

او لحد ما تنشف مويتها

بعدين اضيفي الطماط المطحون والصلصه وخليها لحد ما تسبك

بعدين اضيفي البهارات والملح والفلفل الحار
( لا يفوتكم فلفل ابوي اللي جايبه طوله ذراع )

اضيفي كميه مناسبه من الماء وخلي اللحم ياخذ له غلوه محترمه
بعدين اضيفي الخضار وهي عباره عن بطاطس + قرع
( اهم شي القرع مرقوق بدون قرع مهوب مرقوق )
+ كوسه + فاصولياء او لوباء + باذنجان , طبعا التقطيع يكون كبير نوعا ما

عشان يكون شكلها واضح عند التقديم
وهنا صورة الخضار بعد ما استوت طبعا تشيلين جزء من الخضار
وخصوصا الباذنجان علشان ما تنهري من الطبخ


نجي للعجينه تعجن بماء دافي وتكون وسط لا رخوه مره ولا قاسيه مره ,

نجي هنا لاهم مرحله وهي مرحلة الرق وهنا تبان قرامة المرأه
تاخذين قطعة العجين وتبدين تفردينها بين ايدينك نفس طريقة الخباز
لين توصلين للحجم اللي تبين بس لا يصير اكبر من استدارة القدر
وتبلشين بالعجينه تلبد على بعض وبعدين تنزلينها على المرق

وتغطين القدر وهكذا على وحده وحده
وقبل ما تنزلين اي قطعه تحركين اللي قبلها على جنب
( طبعا النار عاليه )

وبعد ما تنتهين من الرق تخلين النار عاليه شوي لمدة ربع ساعه مع التقليب
وبعدين تهدين النار على آخر درجه وتخلينه نصف ساعه

بعدين اغرفيه في صحن عميق وزينيه بالخضار واستمتعي بالدفء والشبع

الذي يدوم ليله كااااااملة

:o