العشا النهارده كريب

[هيفولا]

العشا النهارده كريب

فى لحظه تجلى قرب موعد العشاء
جلست فى الشرفه
وفضلت افكر
هتشعـــــى اااااااااااايه

زهقت من العشا التقليدى

(بيض - جبنه - زبادى الخ الخ الخ )

قولت لما اقوم اجرب فيهم حاجه جديده
الكــــــــــــريب


http://files2.fatakat.com/2012/2/13291700563358.jpg

اتخذت القرار وذهبت فى طريقى الى المطبخ
وكانت هذه البدايه

اولا المقادير
كوبايه دقيق
عدد اتنين بيضه
كوبايه لبن
شويه قانيليا علشان ريحه البيض

الحشو
جبنه رومى
بسطرمه
صلصه او طماطم
فلفل رومى
وزعتر
بيدى طعم خطير
وممكن زيتون
وكل واحده وحابه تعمل الحشو ايه
ممكن شاورمه فراخ
وممكن لحمه مفرومه على الصاجه
او سجق او تونه
وممكن تهمليه حلو كمان يتحشى
شيكولاته ومكسرات اوى مربى وكريمه
كل واحده ومزاجها وابتكاراتها

الطريقه
تاخدى مقدار من الخليط بالكبشه فى طاسه سخنه فيها نقطتين زيت
وتسبيها تحمر من تحت شويه هتلاقيها نطرت من الاطراف
تشليها وتقلبيها ع الوش التانى لغايه ما يتحمر بردو
وتعملى كده فى المقدار اللى عندك كله
بعد ما تخلصيه
تكون محضره الحشو
هتبقى الكريبايه على شكل دايره
تيجى فى ربع واحد من الدايره
وتحطى الصلصه الاول وبعدين البسطرمه والجبنه الرومى عليها
وبهدين الزعتر والفلفل الرومى
وبعدين تطبقيها على شكل ربه وبراحه وعلى مهلك علشان الحشو مش يقع
وتاخديها وتحطيها فى الطاسه السخنه على الوش الاقرب للحشو وتحطى
عليها طبق علشان يثبتها وتمسك فى بعضخا والحشو مش يقع منها
وبعدين تقلبيها على الوش التانى بعد الجبنه ماتسيح
وتسبيها تقمر او تنشف شويه وخلى بالك من الحشو علشان ميقعش
وتطلعيها على منديل وتحطي الكميه كلها فى طبق التقديم
بعد ماتخلصيها كلها
والف هنا وشفا
ملحوظه
اهم حاجه لما تاخدى بالكبشه من الخليط
وتحطى فى الطاسه تبقى طبقه رفيعه
علشان انتى هتطبقيها على اربعه

ده البيض واللبن

http://files2.fatakat.com/2012/2/13291690164353.jpg

ده لما حطيت الدقيق عليهم وضربتهم فى الخلاط ضربا مبرحا

http://files2.fatakat.com/2012/2/13291691429430.jpg


اخدت بالكبشه شويه من الخليط ده وحطيتهم فى مقلايه
وكنت حاطه نقطتين زيت بس فى الاول
بعد كده محتطيش ومبقتش تلزق لما سخنت اوى


http://files2.fatakat.com/2012/2/13291693734336.jpg


دى اول كريبايه عملتها الاطراق محرمشه
ممكن تشليها بسهوله بس بيبقى طعمها حلو فاسيبتها

http://files2.fatakat.com/2012/2/13291695113740.jpg


دى بعد ماحشيتها
نسيت اصورها قبل ما اقفلها

http://files2.fatakat.com/2012/2/13291696408762.jpg

وبعدين تسخنى المقلايه تانى
ومحطيش فيها زيت ولا حاجه وتحطى فيها الكريبات
وخلى بالك انها مفتوحه علشان الحشو ميقعش منها
وهتسبيها شويه لغايه الجبنه ماتسيح
وتنشف شويه من بره تبقى مقرمشه كده

http://files2.fatakat.com/2012/2/13291698045783.jpg


وتحطى من فوقيها طبق وتضغطى عليه شويه علشان تبقى مستويه
وتمسك فى بعض ومتفكر والحشو يقع منك وانتى بتقلبيها
تقلبيها ع الجمبين وتتاكدى من الجمب اللى فيه الحشو انه الجبنه ساحت

http://files2.fatakat.com/2012/2/13291699725683.jpg

دى بعد ما خلصت خالص والجبنه ساحت جواها وقرمشت من الجمبين

http://files2.fatakat.com/2012/2/13291700563358.jpg

تتقدم وهى سخنه والجبنه سايحه جواها وبتشد
ومعاها شويه مخلل حلوين كده
والف هنا وشفا


http://files2.fatakat.com/2012/2/13291701701474.jpg



الف هنا وعافية

هيفولا