عجة بطاطس

[هيفولا]

عجة بطاطس




http://im21.gulfup.com/TGMe1.gif



http://im14.gulfup.com/8MC14.gif


http://im14.gulfup.com/IYZl1.gif



ايه رايكم فى الصورة دى عجبتكم
دى عجة عملتها بطريقة الشيف يسرى
وزودت عليها كام حاجة
تعالوا اقولكم عملتها ازاى

المقادير
2 بصلة كبيرة
3 حبات بطاطس مابين كبيرة و وسط
4 بيضات
2 ملعقة دقيق
كوب جبن شيدر مبشور
حوالى 10 فلفلات خضر متوسطين
1 ملعقة صغيرة كركم
ملح وفلفل اسود
رشة زعتر
رشة توم بودر
رشة متغذية كزبرة ناشفةههههه
ولو عندك كزبرة وبقدونس اخضر حطيهم
انا مالقيتش عشان كده حطيت كزبرة ناشفة

الطريقة
نبدا بسم الله
هنقطع البطاطس مكعبات صغيرة ولو حبيتى تبشريها براحتك
واحطها فى مية بتغلى حوالى 5 دقايق
بعد كده نسحبها بالمصفاة من المية المغلية
ونحطها فى ماية ساقعة ونسيبها فيها

نفرم البصل فى الكبة او تبشريه لو حبيتى
ونحطه ع النار فى ملعقتين زيت زيتون
يادوب ياخد لون بسيط نضيف عليه البطاطس
بعد مانصفيها من المية الساقعة
ونقلبهم مع بعض
ونحط عليهم
الملعقة الصغنونة كركم
والملح والفلفل الاسود
ورشة الزعتر ورشة التوم البودر
والكزبرة الناشفة
ولو لقيتى بقدونس وكزبرة خضرة ضيفيهم
بعد كده نفرم الفلفل الاخضر فى الكبة
او نقطعه قطع صغيرة
ونضيفه عليهم
ولو حبيتى كمان تضيفى طماطماية
او اتنين مقطعة صغير هتبقى احلى واحلى


بعد كده نجيب بولا فاضية
ونحط فيها ال4 بيضات عليهم رشة فلفل اسود عشان الزفارة
ونخفقهم كويس جدا
بعد كده نضيف عليهم كوب الجبن الشيدر وملعقتين الدقيق
لو عايزة تزودى الدقيق عن كده براحتك
بس الخليط هيكون قوامه كويس بالملعقتين
المهم هنخفق الجبنة والدقيق مع البيض كويس

بعد كده نرفع البصل والبطاطس وكده من على النار
ونضيفهم على الخليط فى البولا ونقلبهم مع بعض كويس

بعد كده هنجيب صينية وندهنها بحبة زيت
ونصب فيها الخليط وندخلها فى الفرن لغاية
لما تفصل من جوانب الصينية ويحمر الوش بتاعها
وتبقى بالمنظر ده

http://im14.gulfup.com/zvnS2.gif


وديه بعد ماقطعت منها حتة وقدمتها فى طبق

http://im14.gulfup.com/8MC14.gif

http://im14.gulfup.com/EWpc3.gif

بس كده خلصت
وبالهنا والشفا
وماتنسوش تجربوها لو عجبتكم برضه


الف هنا وعافية

هيفولا