أطعم ساندوتشات فراخ بالفرن ...بالصور

[هيفولا]

أطعم ساندوتشات فراخ بالفرن ...بالصور







http://files2.fatakat.com/2012/10/13494486388784.jpg

السلام عليكم ورحمة الله وبركاته

تنفع فطار أو عشا أو حتى للأطفال أحيانا في المدرسة ...

المقــــــــادير :
1- هنعجن عجينة مكونة من الآتي :
3 كوب دقيق منخول - كوب ماء دافئ
- ربع كوب ماء دافئ
يدوب فيه معلقة ونص خميرة فورية و2 ملعقة سكر
- 2 علبة زبادي - ملعقة سكر
(كده الاجمالي 3 ملاعق سكر)
- ملعقة بودر - ملعقتين حبة البركة
- 7 ملاعق لبن بودرة - نص ملعقة ملح

هنحط كل المكونات الجافة على الدقيق المنخول
بعدين نضيف الزبادي وبعد كده الخميرة المذابة
وبعدين تحطي نص كوب الماية وتعجني
وكل ماتحتاجي مية تضيفي شوية صغيرين
عشان ممكن ماتحتاجيش كل الماية (على حسب نوع الدقيق)
بعد ماتتعجن كويس أوي نحط 3 ملاعق زيت بالضبط
ونساوي العجينة بيهم ونغطيها ونسيبها تخمر ...

دا شكل العجينة بعد العجن :

http://files2.fatakat.com/2012/10/13494463943580.jpg

سيبتها تخمر بالضبط ساعتين الا عشر دقائق .
.هي ممكن تخمر في أقل من كده ..
بس عشان أنا عملتها الساعة 2 ونص الفجر فالجو بدأ يبرد بالليل
وبالتالي خمرت في وقت طويل .
.المهم بقى شكلها كده :

http://files2.fatakat.com/2012/10/13494465237741.jpg


2- تاني مكونات محتاجينها لعمل الحشو :
فراخ ، طماطماية ، 3 بصلات ،
فلفلاية (اختياري) ، 3 مثلث جبنة ، بشر طماطماية ،
ملح وفلفل ، 3ملاعق طحينة سائلة
(ممكن الفراخ تكون بايتة عندك ومستوية
(دي اللي استخدمتها)
أو حتى فراخ نية مفيش مشكلة ) .
..
http://files2.fatakat.com/2012/10/13494459055985.jpg

في الوقت اللي الخميرة بتخمر فيه نروح نجهز الحشو :
نقطع البصل صغير ونحطه في مقلاة ع النار مع 3 ملاعق زيت
وندبلهم كويس أوي وننزل بالفلفل الأخضر أو الأحمر مقطع صغير برضو ..
.وبعدين تقليبتين ونضيف الفراخ المقطعة ونضيف كمان بشر الطماطماية
ونقلبهم لحدما الطماطم تتبخر مايتها
ونضيف ملح وفلفل ونحط الجبنة المثلثات ونقلب لحد ماتدوب الجبنة .
.نطفي النار ونضيف الطحينة وبكده يكون الحشو انتهى ..

http://files2.fatakat.com/2012/10/13494468583811.jpg
أنا ضفت حاجة مش مهمة أوي ..
بس بتدي غناوة في الطعم كده .
.جبنة مطبوخة نوع تاني غير المثلثات
قطعت منها مكعبات وحطيتها على الخلطة قبل ماأطفي النار
بحيث تدوب نص دوبان كده وتدي الطعم الحلو
دي صورتها ..ممكن أي نوع مختلف

http://files2.fatakat.com/2012/10/13494470737632.jpg

بعد كده تجيبي بقى العجينة وتعملي منها الأشكال اللي تحبيها
أنا جبت دائرة من العجينة وبططتها أوي بحيث تبقى رقيقة
بس مش لدرجة القطع يعني وحطيت في طرفها الحشو وبعدين لفتها رول
وعملت شكل تاني زي القطايف كده وقفلتها كويس ..
(أنا فردتها رقيقة عشان عايزاها خفيفة وفاضية من جوة وانت واختيارك)

بعد ماتخلصي كل الكمية ادهني وشها
بـ (بيضة عليها 3 ملاعق لبن وربع ملعقة نسكافيه)
ورشي سمسم
وسيبيها تتخمر تاني نص ساعة أو ربع لو المكان دافي

http://files2.fatakat.com/2012/10/13494478222103.jpg

ودا شكل القطايف :

http://files2.fatakat.com/2012/10/13494479221793.jpg

ندخلهم بقى في فرن سبق تسخينه عشر دقايق كده على درجة حرارة 200
- وانت جاية تدخلي الصينية الفرن امسحي على وشها تاني من الخليط بتاع البيض -
على الشبكة في نص الفرن مش عالصاجة ..
وبعد 5 دقايق بالضبط بصي على الساندوتش من تحت هتلاقيه احمر .
.طفي النار تحت وولعي الشواية ياخد وش دهبي
بس خدي بالك عشان بتتحمر بسرعة.
.وهتكون بفضل الله بالشكل دا

http://files2.fatakat.com/2012/10/13494486388784.jpg

وبصي شكلها من جوة ..لذيييييذة وفاضية مافيهاش عجين كتير :

http://files2.fatakat.com/2012/10/13494489143350.jpg

وزووووم ان : http://files.fatakat.com/smilies2012/smiley-smile.gif

http://files2.fatakat.com/2012/10/13494490051574.jpg

بنتي حبيبتي كانت جنبي وأنا بشتغل
فقلتلي عايزة واحد بالشيكولا .
.قلتلها حااااضر وعملتلها واحد فعلا بس غلط غلطة ..
اني كترت الشيكولا فيه والعجينة رقيقة
فسخونة الشيكولا كانت عالية أوي راحت طالعة من الساندوتش
فالمفروض اما كنت أقلل الشيكولا فيها أو اني أثخن العجينة شوية .
.لكنها أكلتلها بألف هنا وعجبتها الحمد لله
دا شكلها :

http://files2.fatakat.com/2012/10/13494492557064.jpg

الف هنا وعافية



هيفولا
:o