[هيفولا]

السر فى قلى السمك زي المطاعم

معايا سر لقلى السمك بدون حرق الزيت او تدخين الشقة او الريح

انت طبعا تتبلى السمك بالكمون وكزبرة ناشفة وملح وليمون وخل وثوم للى عايزة
يتبل من برة ومن جوة المهم تحضرى طبق
عميق وبه حوالى 4 معالق دقيق وعليه حبة مية ونصف ليمونة ومعلقة صغيرة خل وملح وحبة فلفل اسود

وترب الخلطة دى فى بعضها بحيث يكون زى الزبادى كدا

وغطسى السمك على الجنبين بدل الدقيق الناشف وبكدا الزيت
لا يحترق منك ثم غطى اثناء القلى الصينية باى شى وبكدا الشقة

لم تدخن وكمان السمك هايحمر حلو كمان متخافيش السمك مش هايطرى
ممكن تحطى مع القلى حبة من الفانيليا

صدقينى سوف تقضى على الريحة تماما ومش هاتحسى باى زفارة

انا شفت المطعم بيعمل كدا
بس لا تكثرى من الفانيليا
وبعد القلى طلعى السمك فى مصفى ليصفى الزيت

وبكدا هايكون مقرمش وزى بره ولونه فاتح.....

يلا جربوها

وبالهنا و الشفا


هيفولا