صفحة بيت عطاء الخير
بطاقات عطاء الخير
تويتر عطاء الخير الرسمي
مجموعة بيت عطاء الخير الرسمية
بحث في موقع الدرر السنية
 

بحث عن:

ابحث بالموقع
تاريخ اليوم:

  المستشار نبيل جلهوم  
المهندس عبدالدائم الكحيل الدكتور عبدالله بن مراد العطرجى بطاقات عطاء الخير
دروس اليوم أحاديث اليوم بطاقات لفلي سمايل


مجموعات Google
اشترك فى مجموعة بيت عطاء الخير
البريد الإلكتروني:
زيارة هذه المجموعة

تسجيل دخول اداري فقط

إضافة رد
انشر الموضوع
 
أدوات الموضوع انواع عرض الموضوع
  #1  
قديم 07-04-2012, 10:59 PM
هيفولا هيفولا غير متواجد حالياً
Super Moderator
 
تاريخ التسجيل: May 2010
المشاركات: 7,422
افتراضي تجهيزات رمضان



تجهيزات رمضان

السلام وعليكم ورحمة الله وبركاته

كيفكم ياحوائيات وكل سنة وانتم طيبين بمناسبة قرب قدوم رمضان

>>مابقي له شي
الله يعيده علينا وعليكم بالخير والبركات

طبعا المشكلة الاساسية الكل يعاني منها
كثرة الشغل برمضان وقصر الوقت

ولقيت ان السبب الرئيسي
هو المطبخ
دافنين حالنا فيه



ولقيت حلول ان شاء الله تفيدكم وماتكون مكررة
وابغى دعواتكم لامي


الحلول
بالنسبة للشوربات في انواع زي شوربة الفطر وشوربة العدس

وشوربة الصينية بالدجاج المفتت والذرة تحتاج لخلاط كهربائي براون
فيها ملحق الهرس تركبيه زي العصاية وبدل ماتجيبي القدر
وهوا حار للخلاط التقليدي لاء براون بنفسها تيجي للقدر
الحار وتهرس الشوربة بدون أي خطورة انها تطرطش
او لاسمح الله انك تحركي القدر من مكان لمكان
كمان العصيرات

الفرش اجيب الفواكه واقطعها بنفس الجك اللي ح اقدم فيه
واجيب الملحق حق الهرس وادخله بوسط الجك واهرس الفواكه
ثواني وسار عصير عصير
بدل الخلاط التقليدي المتعب

السعر اخدتها من الوكيل ب 400 ريال والصناعه بولندي

تجميع بولندي مو صيني زي اللي بيعملو عروض عليها
بالماركتات
يعني حتفيدكم مو بس لرمضان لجميع الاوقات

ثاني جهاز :
قدر الضغط ما رح ننسا قد ايش يختصر عليك سلق اللحمة

بدل مااسلق اللحمة 60 دقيقة الى75دقيقة عشان تنضج
مع الضغط 30 الى 35 بالكثير
وقيسو بقية طبخاتكم

زي المحاشي وورق العنب والدجاج

ثالث جهاز:
الغلاية :مهمة عند الطبخ يعني باقل من دقيقة اكون حصلت على ماء مغلي

بدل مااحط البراد التقليدي لعشر دقايق او اكثر
اذا كانت الموية كثير

وانتو عارفين رمضان يكثر استخدام الماء المغلي
لطبخ الشوربة والقهوة
والخ
مو معقول اجلس 10 دقايق بس عشان استنا موية تغلي

والوقت يمر وانتو عارين برمضان كل دقيقة تكون مهمه



رابع جهاز :
الماكرويف
مهم للتسخين وخصوصن للناس اللي يفرزنو



خامس جهاز :
العجانة
راح تختصر الوقت والجهد الكثير ولمعلومكم العجينة بالعجانة

تيجي احسن بالطعم والخبز والشكل من اليدوي يعني عجينة الكنز
لماتجريبها يدوي مو زي الالة اسالو اللي عندهم عجانات
كيف تطلع عجينة فطايرهم زي المحلات
وطبعا احنا نبغا نختصر الوقت والجهد ونبغا الجودة
لحد الان ماعندي عجانة بس ان شاء الله اشتريها

سادس جهاز :

الفرادة حقت العجين ودي عندي بس يدوي مو كهربائي
صراحة مااعرف افرد عجين سمبوسة الابيها
تختصر وقت وجهد يعني العجين لما يتخمر يقسم الى كور متساوية

لماابداء افرد الكورة الواحدة تطلع معايا فرد طولي
وانا اختار سماكة الفرد خفيف ولا متوسط
يعني تطلع لي على الرخام عجينة رفيعه على طول الرخام

وبنفس الوقت احط الحشوة واقلبها زي البطانية

واقطعها سار بف بدقايق جهاز الحمدالله

الالة دي ريحت ناس كتير


خلصنا من الالات والاجهزة
راح نتكلم عن المواد الغذائية
اللي ح تريحك طول السنة سواء برمضان او غيره

المواد الغذائية السهلة التحضير :



البشاميل :
الكل يعاني من تحضير البشاميل متعب وبياخد وقت
انا لقيت بالسوبر ماركت خلطة البشاميل حقت كنور جدا رائعه
زي حقت المطاعم بدون ماتضيفي ملح لان الملح فيها
فقط حليب بارد الباكيت الواحد يبغاله 2 كوب حليب بارد
واضيفي ملعقة الشاي
بهارات ايطالية او اوريغانو
وحتدعولي دقايق بسيطة

و البشاميل جاهز زي حق المحترفين



الدجاج :
في دجاج ينباع بالسوبر ماركت مقطع الى ارباع ومحطوط بصحون

ماعليكي الا انك تغسلية وتسلقيه

يوفر عليكي 10 دقايق حقت التقطيع


صلصة البيتزا:
انا استخدم صلصة جاهزة تنباع حقت شركة فرشلي

وكمان شركة ايطالية مااعرف اسمها
المهم طعمها مقارب لبيتزا هت

ماعليك الا انك تدهني البيتزا فيها
ولقيت صلصات المكرونات واللزانيا جاهزة
ماعليك الا اضافتها للحم

والطعم جدا رائع زي حقون المطاعم


صلصات وتتبيلات السلطات :
شركة فرشلي وقودي وكنوروغيرها ماخلو شي

كل شي منزلين له خلطة بقارورة محكمة الاغلاق


الخضار :
البازيلاء والجزر المكعبات والفاصوليا استخدمي المجمدة
وبالنسبة للخضروات الورقيه تغسل وتفرم زي البقدونس والكزبرة
وتفرز باكياس شفافة وبعض الهايبرماركت تلاقي عندهم جزر مقشر ومكيس
وكوسة محفرة اوالورق عنب مغسل ومسلوق ومكيس والبامية مكيسة
بس موكل الهايبرات للاسف
انت وحظك

الان نيجي للتحضيرات المسبقة لرمضان
اعاده علينا وعليكم بالخير :

1- نلف سمبوسات بالرقاق الجاهز زي المثلث والسجاير

والسبرنق رول والمطبق ونكيسها بالعدد ونكتب
مثال
كل عشرة سنمبوسات سجاير بكيس ونكتب من برا
سجاير باللحم او الجبن او الخضار ...الخ
واي شي تحبي تفرزنيه من الكفتات والكبة


2- نطحن كمية كبيرة من الهيل ونضعه بعلبة محكمة الاغلاق

عشان مانفقد ريحته


3- نقلي مكسرات الحلويات والرز الكوزي والعربي
مثل الصنوبر والزبيب واللوز وشي نخليه صحيح وشي نطحنه للحلويات


4- الشيرة نعمل كمية كبيرة منها بشعبان واحتفظي بها بعلبة

عشان تستخدميها في سقي حلوياتك

لاتستهونو بالشيرة
انا قلت لقريبتي انا اعمل الشيرة قبل رمضان استهونت بالموضوع
تقول هي كل يوم بيومه بصراحه اشوفو غلط
البوتجاز بنهار رمضان يكون حار وساخن مزحوم قدور
مو معقول اسوي شيرة فرضا لا سمح الله انكب
الشيرة خطيرة زي الزيت

5- البسكوت ينطحن وكل باكيت بكيس
عشان الوصفة
مثلا مكتوب فيها 2 باكيت بسكوت مطحون حتاخدي كيسين
وعلى كدا قيسي

6- البهارات لازم نتاكد منها سواء الصحيحة او المطحونة
ونكتب على العلب من برا اسم البهار
عشان يسهل عليك وعلى اللي يساعدوك


7- العصير نسويه بجك المويه حق الرحلات واحطه بالتلاجة

وكل ماخلص الجك حق التقديم اعبي من المخزون اللي بالتلاجة

8- نطحن السكر بكمية تكفيكي لحلوياتك كل واحده ادرى بنفسها
انا عن نفسي استخدم علبة الكرافت السائلى الكبيرة واعبيها سكر مطحون


9- البصل الشرائح المحمس اقليه وله استخدامات كتير برمضان
للكشري وحراق اصبعه وغيره ويتفرزن

10- البصل يقشر ويكيس بالثلاجة والثوم يقشر ويكيس بالثلاجة
بس ماافرمه الا وقت الطبخ لان البصل يفقد خواصة بعد التقطيع
وكذلك الثوم
ويقشرالجزر كمان

11- عيش الفتوش يقطع ويقلي ويكيس ويفرزن للسلطات

12- عصير الليمون المركز انا اشتريه من الماركت

يوفر عليا العصر ومهم للتتبيلة اللحوم والسلطات

وان شاء الله استفدتو
محتاجة دعواتكم
وسامحوني لو نسيت شي ماكتبته

نقلته لاهميته

هيفولا

نقرتين لعرض الصورة في صفحة مستقلة





التعديل الأخير تم بواسطة هيفولا ; 07-08-2012 الساعة 06:04 AM
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



ديزاين فور يو لحلول تقنية المعلومات