[حور العين]

من : الدكتور / ولاء صلاح جوده يرحمها الله

هل المرضي المصابين بالسرطان اكثر عرضه للاصابه بالكورونا

منطقيا المفروض الاجابه نعم لان المرضي دول تكون مناعتهم ضعيفة خصوصا مع العلاج

فبالتالي تكون احتمالات إصابتهم بديهيا اكتر

مفيش غير دراسه واحده عملتها الصين طبعا تجاوب علي السؤال ده

وتصورا ان الاجابة علي ضوء الدراسة الوحيده دي ان مرضي السرطان مش اكثر عرضة للاصابة بالكورونا ولا حاجه

نعيد تاني مرضى السرطان غير معرضين أكثر من المرضى العاديين للإصابة بكورونا

وهنقول الارقام اللي في الدراسة لان الارقام مبتكدبش

من ضمن 2000 مصاب الكورونا كان عدد اللي منهم مصاب بالسرطان

ووفي مراحل العلاج المختلفة 18 حاله يعني بنسبة 9 في الألف

نقول كمان كل 1000 عيان أورام بياخد علاج دلوقتي ,,ممكن يصاب منهم 9 عيانين بالكورونا

نسبه مش عاليه

نزيد كمان من ضمن ال18 دول 14 كان عندهم تاريخ مرضي للتدخين,و12 كان عندهم اورام في الرئه

بمعني اخر يعني من الاول الرئه بتاعتهم فيها مشكله بتخلي التقاطهم للفيرس

ومدي قدره الرئه علي مقاومته اضعف بكتير من العادي

طب العيانين دول فرقوا في حاجه بعد ما اتصابوا بالكورونا عن العيانين العاديين المصابين بالكورونا

ايوه العيانين دول كانت نسبه انهم يوصلوا لمرض شديد في الرئه يحتاج الي تنفس صناعي اكتر من العيانين العاديين

وده برضه بديهي لان الرئه بتاعتهم تعبانه من الاول حتي من غير اصابه بالفيرس

نيجي للاهم طب هل كان معدل الوفيات فيهم اعلي من الاشخاص السلام

الاجابه لا كان زيه وي الحالات السليمه اللي بتصاب بالكورونا

يبقي نطلع من التساؤل ده بايه

الاحتياطات لمقاومه الكورونا مهمه جدا جدا في مرضي الاورام خصوصا اللي تحت العلاج حاليا

مفيش اي ادويه زياده لمحاربه الكورونا في الاورام عن غير الاورام

الاهم ان يتعمل كل حاجه علشان لا تصاب بالكورونا وانت عندك ورم

ولو حصل العلاج برضه حيكون فعال في المرضي دول

مهم اوي ان المناعه متقعش ويتم استعاده عدد كرات الدم البيضاء بسرعه

العيان يتعزل تماما طول م مناعته قليله لغايه ما ترجع لطبيعتها