[هيفولا]

الحمام المحشي والمشوي






* . * المكونات
~~~~~~~~~~~~~~
عدد خمس حمامات
- خمس قبضات من الارز

(معيار احتياج كل حمامة اننا بناخد لكل
حمامة قبضة ارز بايدينا)
- عدد2 بصلة متوسطة - فلفل اسود - ملح - قرنفل
- حبهان(هيل) - ورق لورو - 2ملعقة سمن بلدى او زيده

* . * طريقة التحضير
~~~~~~~~~~~~~~~~
بجهز الحمام جيدا ثم يدهن بالليمون

(الليمون من شانه ان يخلصنا
من اى روائح غير مستساغة للطيور حتى بعد الطبخ).

نقطع بصلة
من الاتنين تقطيع صغير بس مش نفرمها.

هنغسل الارز كويس
ونحط عليه البصلة المقطعة صغيرونحط ملعقة صغيرة فلفل اسود
ومطحون حبتين قرنفل بالعدد وحوالى معلقة ملح

او على حسب مابتفضل ست البيت


ونحط كمان معلقتين الزبد او السمن البلدى.


هنحشى الحمام ونلاحظ ان كل حمامة بتاخد مقدار قبضة ارز واحدة
بنحشى الحمامة من قلبها

ونحشى كمان بين جلد الصدر ولحم الصدر

بس مش نملى الارز كتير لان حجمه بيزيد لما بيستوى.

ونقفل الحمامة كويس اما عن طريق خلة السنان

او اننا بنحط رجليها الاتنين
(رجلين الحمامة طبعا)على شكلx

فى الفتحة الطبيعية الموجودة اسف البطن.

بنسيب الحمام على جنب


وفى الاثناء دى بنكون حطينا حلة مية
على النار وحطينا كمان فيها البصلة التانية


وباقى البهارات الى قلتلكم عليها.

لما بتغلى المية بنحط فيها الحمام


ولما يبدا الغليان بنهدى النار
ونسيبه يستوى على نار هادية


علشان الجلد مش ينقطع ويطلع الارز برا .

بعد نص ساعة تقريبا من بعد ماهدينا النار على الحمام


بنمسك واحدة من الحمام ونكسر جناحها طبعا


لو انكسر بسهولة بنتاكد ان الحمامة استوت


ولو عاوزة درجة نضج على مزاجك

تقدرى تتحكمى يعنى لو عاوزة لحم الحمام يكون مش ناضج اوى


مش تتركيه النص ساعة بس النص ساعة بتكون كافية جدا


على نضج الحمام والارز كمان


.وينرفع الحمام من على النار

وبندهنه بشوية صلصة طماطم او لو مش عاوزين

على طول نحمره فى معلقة سمن او زبد مع شوية زيت.

الاكلة دى طعمها رائع ولا يمكن مقاومتها ..

... وبالهنا والشفا




هيفولا