[حور العين]

من :الابنة / أسماء المرسى
إزاي اطلع أبني حنين ورحيم وشخصيته سوية؟


صاحب أبنك من وهو صغير، قرب منه واحتويه وخليك حنين عليه،

لما يغلط علمه الصح من غير عنف، عاقبه في مصروفه في الهدايا في

الخروج في الحاجات الحلوة اللي بتشتريها ليه، وعقاب مؤقت



اوعى تقلل من كرامته أو تستخدم العنف معاه لان نتيجته عكسية ، وممكن

يكرهك ، او يتعقد نفسيًا ، خليه يخاف من زعلك مش من ايدك هتفرق كتير



علمه الحرام والحلال، طلع صدقة قدامه، اديله فلوس يطلعها بنفسه للفقراء

وفهمه بتعمل كده ليه عشان تزرع في قلبه الرحمة، واوعى تأذي أمه قدامه

لأنه ممكن يكرهك بسبب أذيتك ليها، واختلافكم يكون بعيد عنه، لأن الخناقات

والخلافات بتأثر في الطفل



اتكلم عن أمه بالخير، والأم تتكلم عن الأب بالخير حتى لو كارهين بعض!



قبل ما تقسى على طفلك بص في عينه كويس عشان العين اللي بصالك

دي بتسجل كل لحظة أنت بتقسى عليه فيها!