المساعد الشخصي الرقمي

مشاهدة النسخة كاملة : تورتة الفدج


هيفولا
05-19-2013, 05:56 PM
تورتة الفدج

http://files2.fatakat.com/2012/2/13293906594090.jpg



http://files2.fatakat.com/2012/2/13293872367075.jpg

كيكة الفدج لها اكتر من طريقة
بس اهم حاجة في الآخر انها تطلع كثيفة ورطبة

المفروض تتزوق بصوص الفدج
بس الكيكة تقيلة جدا فعملت كريم شانتيه بالكاكاو
وزينتها بصوص شوكولاتة من فوق

المقادير

2 كوب دقيق
1 كوب كاكاو( انا استخدمت نسكويك فقللت كمية السكر)
معلقة صغيرة بيكنج بودر
1/2 معلقة صغيرة بيكنج صودا
رشة ملح
كوب سكر بني غامق ناعم+كوب سكر أبيض
(انا حطيت كوب ونص سكر ابيض بس محطتش بني)
2 بيضة
كوب ماء دافئ
1/2 كوب حليب رايب
1/2 كوب زيت
معلقة صغيرة فانيليا

لكريمة الكاكاو
2 كيس كريمة خفق
ملعقة كبيرة كاكاو او لغاية ما اللون يظبط
نص معلقة فانيليا
حليب مثلج كمية اقل من اللي مكتوبة عالكيس

صوص الشوكولاتة
(لا تعمليه غير في الآخر وقت التزيين)
2 شوكولاتة جالاكسي سادة
حبة حليب صغيرين
معلقة كاكاو مدوبه في اقل كمية مية

الطريقة

أولاً، نحضر الكريمة بضرب كل المكونات بالمضرب الكهربائي
لحد ما تتقل وتمسك، نشيلها في الثلاجة لحد ما يجي وقت التزويق

لتحضير الكيك، نخلط كل المكونات الجافة
( الدقيق، الكاكاو، البيكنج باودر، البيكنج صودا، الملح)
ونخلط كل المكونات السائله مع السكر
( السكر البني، السكر الأبيض، البيض، الفانيليا،
الزيت، اللبن الرايب والماء الدافئ)

نضيف كل المكونات الجافة على المكونات السائله ونخلط كويس جداً
بعدين تجيبي صينية الخبز مقاس 24 وتبطنيها بمادة دهنية وكاكاو
وتسوي نص المقدار وبعد ما تطلعيها اقلبي الكيكة
وبطني الصينية تاني لو محتاجة وسوي النص التاني
خدي بالك مبتاخدش وقت كبير عشان طبقة رقيقة
انا خدت معايا حوالي 20 دقيقة على درجة 180


نجمع التورتة
الطبقة الولى بعدين كريمة بعدين الطبقة التانية بعدين غلفيها كلها بالكريمة

بسرعة بسرعة روحي حضري صوص الشوكولاتة على حمام مائي
عالنار دوبي الشوكولاتة وزودي عليها الحليب لغاية القوام المطلوب
وزودي عليها ملعقة الكاكاو اللي مدوبه في ميه عشان تغمق اللون
وصبيه عالتورتة
مشيت فيها ظهر السكينة خفيف عملت شكل دوامة

بس كده



http://files2.fatakat.com/2012/2/13293903239134.jpg


صورة من الجو

http://files2.fatakat.com/2012/2/13293891148951.jpg


هيفولا

:o