كيكة التفاح

[هيفولا]

كيكة التفاح







http://img94.imageshack.us/img94/7343/50443529.jpg


http://img96.imageshack.us/img96/1914/29110041.jpg


سهله ولذيذه وخفيفه وشكلها مرتب ,
والأهم اغراضها متوفره .

| المقادير والطريقه مع بعض | :

أول شي نجيب 3 حبات تفاح أحمر
ونقشرهم ونقطعهم لمكعبات متوسطه .
ونحطها بقدر ونصب عليها ربع كاس ماي .

ونخلي النار عاليه لما يبدى الماي يغلي
بعدها نقلل الحرار ونخليها متوسطه ونغطي القدر
ونخلي التفاح يطبخ بالماي والبخار .

على ما ننتهي من هالخطوه نكمل باقي الخطوات .

نجيب تفاحه ونقطعها بالنصف .. بالطول .
وبعدين ناخذ كل نصف ونقطعه لشرايح رقيقه
عشان تكون تغطيه للكيكه من فوق .

وبعد كذا نعصر عليها ليمون ونغطيها .

الحين نجيب التفاح اللي ع النار
ونحطه بالقالب اللي بنخفق فيه الكيك ..
ونبدى نخلطه مع نص كاس سكر واحنا نخلط بينهرس التفاح تقريبا .

بعد كذا نضيف عليه نص كاس زيت ونخفق لما يتجانس الخليط ,
نضيف حبتين بيض - كبيره - وحده ورى الثانيه + رشة فانيلا , ونخفق .

بعدها نضيف كاس ونص طحين متعدد الاستخدامات
+ ملعقه صغيره مليانه بيكنج باودر +
نص ملعقه صغيره - مو مليانه -بيكربونات الصوديوم
+ نص ملعقه صغيره قرفه مطحونه + رشة ملح .

ونخفقها شوي شوي بالبدايه بعدين نزيد السرعه .

بعدها نصبها في صينية للكيك مدهونه بزيت .

ونصف فوقها التفاح بهالشكل :

http://img6.imageshack.us/img6/2972/img5850hp.jpg


نبدا نصف شرايح التفاح من الأطراف للداخل ,
وحده بعدها فوق الثانيه تقريباً .. مثل كذا :

http://img85.imageshack.us/img85/3866/img5851bx.jpg

- صورتها بالصحن عشان نسيت اصور الخطوه من البدايه ع الكيك -

بعدين ندخلها الفرن مشغل مسبقاً على درجة حرارة 360
لمدة نص ساعه تقريباً ..
أو لما نغرس سكين أو عود اسنان ويطلع نظيف .

ونحمرها شوي من فوق وبعدين ندهن التفاح بالشيره ونقدمها .



http://img534.imageshack.us/img534/3379/64809724.jpg


الف هنا وعافية



هيفولا:o