الأم المرعبة..

[هيفولا]

الأم المرعبة..




اتمنى لكم قراءة مفيدة
مقال الأم المرعبة
***********************


-لسانك دا هاقطعهولك لو ما بطلتش رد عليا
-لو ما جيتيش هنا دلوقت انا هاقوم اجيبك من شعرك و اديكي علقة اعدمك العافية
-لو ما قعدتيش وبطلتي تنطيط انا هاقوم اكسر رجليكي دي عشان تتكسحي
-انا هاموتك
-ربنا ياخدكو ويريحني
-نزل عينك في الارض و انت بتكلمني
-هاجيب الحزام ولا الشبشب اقطعه على جتتك لحد ما يبانلك اصحاب !!




اه اه في امهات و اباء بيقولوا كدا لولادهم
اه وربنا
تلاقي الاب ولا الام وهي بتتوعد ابنها كأنها بتصور فيلم رعب،
هاجيبك من شعرك و احبسك في الاوضة و الفار ياكلك
ويطلع الخيال البعبعي بقى على العيال
انا مش هاقول ان دا غلط عشان انتو عارفين ان دا غلط
و بتعملوه
و بتستهلوا ترعبو العيال بدل ما تربوهم
اه وربنا اللي بيعمل كدا مش قليل الحيلة في التربية
لانه لو بيعرف يربي مش محتاج افلام الرعب دي على الاطلاق
اللي بيربي بيعرف يأدب ولاده بدون عقاب مفزع
وكلام فارغ زي اللي بيتقال فوق دا
اقروا الكلام كدا بعين الطفل، وشوفوا الهراء اللي بيتقال
ليه بابا ولا ماما يقطعولي لساني
ليه انزل عيني في الارض وانكسر و اكون ذليل
و انا عايز اشوف وش بابا ولا ماما تعبيره بيقول ايه بيهزر دا ولا بجد؟
ليه بابا و ماما بيكرهوني الى هذه الدرجة
ليه شايفين موتي راحة ليهم، طب خلفوني اصلا ليه
ليه يكسروا رجلي عشان ما امشيش تاني

و انا باحب العب و اتنطط و هم مش زعقولي امبارح
ليه ماما تجيبني من شعري و بتكرهني عشان عايزاني اتوجع

لأنها لما كانت بتسرح لي شعري امبارح وجعني و قولتلها الشعر بيوجع
و اصلا بقى ليه ماما وبابا بيقولوا كلام كدب

عشان هم بيقولوا الكلام دا كله بدون ما يعملوا منه حاجة

يعني هم مش بيقولوا الحقيقة وبيقولوا كذب
للي بيقول لولاده الكلام دا
بتقولوا كدا ليه؟؟
ليه بتتحولوا لأشكيف مخيف وتقولوا كلام يدمر نفسية ولادكم
ويخليهم يخافوا او يستخفوا بيكو وباللي بتقولوه اصلا؟
وليه بقى ترجعوا تندمو وتبطبوا وتدلعوا دلع غلط بردو؟
دي مش التربية ولا ربنا اداكم النعمة دي عشان تعملوا فيها كدا
فرغوا شحنة الغضب بعيد عن اولادكم وفكروا قبل ما تتكلموا
وشوفوا تأثير الكلام وبعدين اتكلموا
فلنقل خيراً او لنصمت !!




عجبني فنقلته


هيفولا:o