المساعد الشخصي الرقمي

مشاهدة النسخة كاملة : المعمول السعودي بالدقيق الاسمر


هيفولا
10-05-2014, 10:41 PM
المعمول السعودي بالدقيق الاسمر




http://files2.fatakat.com/2014/7/14059697388113.jpg

بدون سميييد
وهو اصوله بالدقيق الاسمر
وهو معمول لذييييذ اووي وطعمه مميز
وكماااان فيه الياااف لانه بيتعمل بالدقيق الاسمر
وطبعا حبيباتي ممكن نعمله كله بالدقيق الابيض العااااااادي
بدون دقيق اسمر خااااااالص
لو مش بنحب طعم الدقيق الاسمراو مش متعودين على طعمه

بس قبل مااكمل دي الكوباية اللي عايرت بيها الدقيق
والسمنة باننا نوصل الدقيق لحافة الكوب ونمسح الدقيق الزاايد بسكينة
عشان يتساوى السطح ويبقى املس

http://files2.fatakat.com/2011/5/13051323005460.jpg

ومعايرها نفس معيار الاكواب المعيارية بالضبط

بسم الله

مقادير المعمول السعودي
كوبين دقيق اسمر (دقيق بلدي )بالنخالة
كوبين دقيق عاااادي ابيض
يعني الحصيلة 4 كوب دقيق
كوب ونص سمنة - 3 ملاعق كبيرة قشطة
معلقة كبيرة سكر - ربع معلقة صغيرة ملح
معلقتين كبااار حليب بودرة - معلقتين كبااار جوز هند نااااااعم
معلقتين صغيرين خميرة
ندوبها في 4 ملاعق صغيرة مية ومعلقة صغيرة سكر
ربع معلقة صغيرة بكينج بودر
معلقتين كبااااار حليب سااااايل للعجن
ربع معلقة صغيرة حبهاااان ( هيل مطحووون )


ولو مش عندنا الدقيق الاسمر او لو مش حابين نشتريه
نعمل الآآآآآآآآتي
نعاير كوب وربع دقيق عااادي ابيض
وكوب وربع رّدة نااااعمة ( نـُخــاااالة )
ونطحنهم في الكبة او بالفودر بروسيسور مع بعض
وبكده يكون عندنا دقيق اسمر بدون ماااانشتريه
وناخد من الدقيق الاسمر المطحون ده
كوبين دقيق اسمر عشان مقادير المعموووول بكله سهولة
لو حااابين نعمل المعمول بالدقيق الاسمر
ولو مش حابين معمول بالدقيق الاسمر
نعاير كل المقدااار دقيق ابيض
ونكمل المقادير والطريقة عاااادي
بدون اي اختلاااف ان شاء الله

الحشوة
كوب ونص عجوة مفرومة
نعجنها مع معلقتين كباااار زبدة طرية
ومعلقة صغيرة قرفة
ومعلقة كبيرة سمسم

وبسم الله نبدأ الطريقة بالصور

http://files2.fatakat.com/2013/7/13736632696500.jpg

اول حاجة نسمي الله وندوب الخميرة مع السكر والمية
وندخلها الفرن مطفي عشاااان تتفاااااعل

http://im77.gulfup.com/A0vxDF.jpg

اول حاجة نحط الدقيق الاسمر في حلة ستنالس

http://im77.gulfup.com/wZuzMK.jpg

وعليه نحط الدقيق الابيض ونقلب بالمعلقة كويس اوووي
عشان نوعين الدقيق يختلطوا مع بعض ونسيبهم جنبنا في المطبخ

http://files2.fatakat.com/2013/7/13741368842376.jpg

ونحط السمنة في حلة على نار عالية لمدة 6 دقايق بالضبط ان شاء الله
عشان تقدح هتسيح في الاول
وبعدين هتسخن اوووي وتقدح ونعرف
انها قدحت بمجرد مااا نحط فيها سمستين مثلا
هنلاقي السمسم ينزل لتحت ويطلع لفوووق بسرعة اووي
ويحمّر بسرعة اووووي ويطرقع ويعمل صوت عااالي بنفس الوقت زي الصورة
بكده السمنة تكون قدحت بفضل الله

http://im77.gulfup.com/UjZ1nJ.jpg

ونسمي الله ونصب السمنة المقدوحة
على الدقيق في الحلة على مرتين ونشوف آآآد ايه
السمنة بتغلي وتفور
يارب يجرنا من النار ان شاء الله

http://im77.gulfup.com/9a1bh6.jpg

والسمن لسسة بتغلي على الدقيق
نقلب بمعلقة ستنالس تقيييلة زي كده
ونقلب كل الدقيق المختفي في الجوانب
عشان كل الدقيق في كل حتة يتشرب السمنة
ويكون كل الدقيق لونه عسلي فاااتح

http://im77.gulfup.com/Tn6uv0.jpg

ونبس الدقيق بالسمنة بظهر المعلقة
من كل الجوااانب زي الصورة وفي كل اتجاهات الدقيق

http://files2.fatakat.com/2014/7/14059352692622.jpg

ولما نتأكد ان كل الدقيق بقى لونه عسلي من السمنة
وكله اتشرب السمنة المقدوحة
نبتدي نبس الدقيق بالسمنة بظهر المعلقة زي الصورة
يعني نضغط بظهر المعلقة بقوة عالدقيق لمدة 5 دقايق كده
والبّس مفيييد اوووي واساسي بالكحك والمعمول لانه بيخلي الدقيق يتشرب كل السمنة
وبالتالي لما الدقيق يتشرب السمنة
هنلاقي المعمول هيطلع ناااعم ويدووب في الفم
ان شاء الله
ودلوقتي نسيب الحلة تبرد خااالص
تحت المروحة مثلا لمدة ساااعة
ولما تبرد نحط الخميرة
لاننا لو حطينا الخميرة والعجينة سخنة
الخميرة هتموت ومش هتتفاعل ابداااا
http://files2.fatakat.com/2014/7/14059359335578.jpg

ولما بردت العجينة نحط بقى الخميرة والقشطة والحليب البودرة وجوز الهند والسكر والملح
والحليب الساااايل ونقط روح الموز
او بدلها نحط القرفة او لو مش بنحب القرفة
نحط ربع معلقة صغيرة حبهان

http://files2.fatakat.com/2014/7/14058847377154.jpg

ونعجن المعمول مع كل المكونات دي كويس
اوووي بايدينا لمدة دقيقتين كده

http://files2.fatakat.com/2014/7/14058847817067.jpg

وده شكل عجينة المعمول بعد ماعجناها طرية وجمييلة اوووي
وطبعا لون العجينة بني فااتح زي الصورة
لانه بالدقيق االاسمر ( الدقيق الكامل بالرّدة )
وطبعا حبيباتي نقدر نعمل كل مقدااار المعمول بالدقيق الابيض
بدون دقيق اسمر ونحذفه خااالص من المقادير
لانه فيه كتييير منا مش بيحب طعم الدقيق الاسمر ابدااا
وهيكون لون العجينة فااااااتح مش غامق

http://files2.fatakat.com/2013/11/13841018741045.jpg

وآخر حاجة نعجن العجوة مع الزبدة والسمسم
والقرفة في طبق زي كده
ونروح نحشي المعمول الجمييل بفضل الله
http://files2.fatakat.com/2014/7/14058848893531.jpg

وبسم الله نبدأ تشكيل المعمول
ناخد قطعة عجين قد عجين الجمل بقشره
ونكور كورة ملساااء زي الصورة

http://files2.fatakat.com/2014/7/14058849147714.jpg

ونحط فيها كورة عجوة متوسطة
بحيث مش تكون كبيرة اوووي ولا صغيرة اووي
لان لو كترنا الحشوة بالمعمول العجوة هتطلع من المعمول في الفرن
وتتحرق فااا خير الامور الوسط

http://files2.fatakat.com/2014/7/14058849447478.jpg

ونقفل كورة المعمول عالعجوة زي كده
ونكور العجينة بين راحة ايدينا عشان تكون كورة ملسااء
وناعمة بدون اي فتحة فيها

http://files2.fatakat.com/2014/7/14058849809156.jpg

ونبطط كورة العجين في الاشكال الجاهزة بتاعة المعمول

http://files2.fatakat.com/2014/7/14058849988008.jpg

ونضغط عالشكل من فووووق عشان تنزل العجينة
http://files2.fatakat.com/2014/7/14058850308922.jpg

ونسحب العجينة من الشكل برفق زي الصورة
وهتطلع معانا بكل سهوولة ان شاء الله

http://files2.fatakat.com/2014/7/14058851711212.jpg

ونرص المعمولات كل واحدة جنب اختها
في صينية مش مدهونة زي كده
ونكمل تشكيل المعمول على خيرة الله
مش بياخد وقت خااالص

يتبع

هيفولا
10-05-2014, 10:45 PM
بسم الله نكمل

http://files2.fatakat.com/2014/7/14058851486490.jpg

ونرصه بالصواااني زي كده
ونسيبه على جنب بالصواااني يخمر نص سااااعة قبل ماااا ندخله الفرن
وممكن نعمل ميني معمول
صغننين وعساسيل لو حد عامل ريجيم
ياااكل واحدة صغنونة مش هتأثر ان شاء الله

http://files2.fatakat.com/2014/7/14058852722125.jpg

ولما نخلص كل الكمية وبعد ماسيبناه يخمر نص ساعة
ندخل المعمول فرن حرارة هاااادية 160 الى 170
صنيتين من تحت وصينيتن على الرف الاوسط
لمدة عشر دقااااايق من تحت

http://files2.fatakat.com/2014/7/14058853318518.jpg

وبعد عشر دقايق لما نلاقي
المعمول بقى لونه دهبي من تحت زي الصورة
نبدل الصواني ونحط الصواني اللي تحت نطلعها فوووق عالرف الاوسط وننزل الصواني اللي عالرف الاوسط نحطها عالصاجة تحت لمدة عشر دقايق برده لغاااية مااا المعمول يبقى
لونه دهبي من القاااعدة
ولما كل المعمول يبقى لونه دهبي من القاعدة
نطفي الفرن من تحت خااااالص
ونشغل الشواية على صواني المعمول
عشان تتحمر بلون دهبي جميييل وطبعا واحنا مراقبينه حبيباتي
لانه مش بياخد وقت في السواااا ابدااا
ومش ينفع نسيبه خاالص ان شاء الله


بسم الله نكمل
صور المعمول

http://files2.fatakat.com/2014/7/14059697388113.jpg (http://forums.fatakat.com/thread5476324)

http://files2.fatakat.com/2014/7/14059699154176.jpg





http://files2.fatakat.com/2014/7/14058881455580.jpg

وبيتكسر بايد واااحدة من نعومته

http://files2.fatakat.com/2014/7/14058882083636.jpg

بيدووب ومحشي بالتمر اللذيييذ
اتفضلوا حبيباااااتي


وبكده الحمد لله والشكر لله خلصت
وباااالف هنا وعافية على قلوبكم حبيباتي
ويااارب يعجبكم


هيفولا:o