المساعد الشخصي الرقمي

مشاهدة النسخة كاملة : هى وهو


حور العين
12-17-2015, 10:30 PM
من:الأخت الزميلة / أمانى صلاح الدين
هى وهو
منقول لروعته
هي..تيجي بالمحايلة

هو..يجي بالدموع

هو ينسى..

وهي شايلة

اللي كان..

أصل وفروع

هي تتقل..هو يسأل

هي تسأل..هو يتقل

هي أسهل فـ الخصام

هو أعقل فـ الكلام

هو يبدأ بالسلام

هي تسبق فـ الرجوع

هو روحه بين إيديها

وهي كل اللي مراضيها..

يوم ماخافت خاف عليها

وضمّها بين الضلوع

هي هي

وهو هو

كل ما يحبّوا اللي باين..

كل ما يبان اللي جوه

كل ما يخبّوا التباين..

الاختلاف يظهر بقوة

هي أقوى..بالأمومة

وهو أضعف..بالأبوة