المساعد الشخصي الرقمي

مشاهدة النسخة كاملة : طريقة عمل الكشرى المصرى


هيفولا
10-24-2016, 09:20 PM
[center]طريقة عمل الكشرى المصرى


https://scontent-mxp1-1.xx.fbcdn.net/v/t1.0-9/14724363_851437508292180_8385914905416207270_n.jpg ?oh=59660532007f6ce2ceb3d37798282c71&oe=58A9C211

مقاديرالكشرى:

كوبين أرز مصرى + كوبين ماء ساخن + كوب عدس بجبة ( عدس بنى) + بصلة كبيرة مقطعة شرائح رفيعة
+ نصف كوب زيت ( أو كوب ألا ربع حسب كمية البصل )+ ملح وفلفل وكمون
+ كوب مكرونة مرمرية مسلوقة ( أو مكرونة أسباجتى وتقطع )
+ حمص شام مسلوق .

مقادير صلصة الكشرى :

2كوب عصير طماطم +_ 2ملعقة كبيرة صلصة طماطم
+ ملعقة صغيرة ثوم مفروم + ملعقة صغيرة سكر + ملح وفلفل+ شطة حسب الرغبة
+ ملعقة صغيرة كمون + ملعقة متوسطة خل أبيض.

مقادير الدقة:
كوب ماء+ ملعقة متوسطة ثوم مفروم + ملعقة كبيرة خل + ربع كوب عصير ليمون + ملعقة صغيرة كمون
+ ربع ملعقة صغيرة ملح + شطة حسب الرغبة ( ودى مقادير أخرى للدقة:نصف كوب ماء + ملعقة صغيرة ثوم
+ 2ملعقة صغيرة خل+ ملعقة صغيرة عصير ليمون + نصف ملعقة صغيرة كمون + ملح + شطة)

مقادير الزيت المشطشط وبيقدم مع الكشرى:
3ملاعق كبيرة زيت + ملعقة كبيرة شطة + قليل من الخل.

الطريقة:
أولا نقطع البصلة الكبيرة شرائح رفيعة ونرش عليها شوية شوية خل وملعقة سكر وشوية دقيق
،ثم نضع فى مقلاة على النار نصف كوب الزيت ونتركة يسخن ونحمر البصل مع تقليبة حتى يصبح محمر حلو ومقرمش
،وهنا أهم ملحوظة فى الكشرى الزيت اللى تم تحمير فية البصل حا نعمل بية الكشرى،

ثانيا :
ننقع العدس ربع ساعة ثم نرمى ميتة ،ثم نضعة فى وعاء على النار ويغطى بالماء حتى يغلى ثم نهدىء النار
ونتركة حتى ينضج ،مع تتبيلة فى الاخر بملح رشة كمون ،ثم نحضر وعاء الارز ونضع 5ملاعق كبيرة من زيت تحمير البصل
ونضع الارز بعد غسلة وتصفيتة جيدا من الماء ونشوحة فى الزيت الساخن 5دقائق،ثم نصب علية كوبين الماء الساخن
ونضع الملح رشة كمون (حوالى ملعقة ملح صغيرة على كل كوب ) ونترك الارز حتى يتشرب الماء ثم نهدىء النار،ونحضر العدس
ونضعة على وجة الارز ولكن بدون تقليبة يترك فقط على وجة الارز ،وبعد 10 دقائق نحضر شوكة
ونقلب العدس مع الارز ونتركة يكمل نضجة ،ونترك الكشرى حتى ينضج (( ملحوظة هامة :فى طرق أخرى بيتم تحمير شعرية مع الارز
بتاع الكشرى لو حد حابب يعملها ممكن يتم تحمير ربع كوب شعرية قبل الارز ثم توضع مع الارز بعد تشويحة جيدا
وبيتم وضعربع كوب ماء ساخن )،

ثالثا :
حانعمل صلصة الكشرى ،نحضر وعاء ونضع فية 2ملعقة كبيرة من زيت تحمير البصل ونشوح فية الثوم ،
ثم نضع فوق الثوم صلصة الطماطم وتقلب ثم عصير الطماطم ونقلب،والسكر ونترك الخليط حتى يغلى ونهدىء علية النار
وتترك حتى تتسبك الصلصة كويس وتعمل فقاقيع صغيرة كتير،ثم نتبل الصلصة بالملح والفلفل والكمون ونتذوقها
،ونضع فى النهاية الشطة وملعقة الخل وتترك ثوانى تغلى ثم نغلق النار.

رابعا :
نجهز الدقة، بنحضر كزرولة ونضع فيها كوب الماء مع الثوم المفروموالكمون وعصير الليمون والملح والشطة
ونترك المكونات حتى تغلى ثم نضع الخل ثم نرفع الخليط من على النار ويصب فى بولة
( وممكن لو مش حابين يكون فى قطع الثوم بنصفى الدقة وتصب فى بولة) .

خامسا :
نسلق المكرونة وتصفى ،وبعد تصفيتها نضع عليها ملعقة من زيت تحمير البصل وتقلب. وأخير نعمل الزيت المشطشط :
نحضر طاسة،ونضع فيها 3ملاعق كبيرة من زيت تحمير البصل ونتركة يسخن كويس ثم نصب فوقة ملعقة كبيرة شطة
وتترك تتحمر ثوانى ثم نصب فوقها 2 ملعقة كبيرة صلصة طماطم ونترك الخليط يغلى شوية ثم نصب فوقها ملعقة صغيرة
خل ويترك يغلى ثوانى ثم نرفع الزيت المشطشط ويوضع فى بولة صغيرة، وبعد نضج الكشرى نرفع الغطاء شوية على جنب
ويترك ثوانى يتهوى،ثم نغرفة فى طبق التقديم وفوقة كمية من المكرونة المسلوقة وصلصة الكشرى والبصل المحمر
وحمص الشام المسلوق المتبل ونقدم الكشرى وبجابنة باقى الصلصة فى بولة والدقة فى بولة والزيت المشطشط
فى بولة وباقى المكرونة وحمص الشام ونقدمة وبالهنا والشفا