كريسبي الدجاج في البيت اروع

[هيفولا]

كرسبي الدجاج في البيت اروع

كرسبي الدجاج معشوق الصغار
ماتفوتي وصفته وجربي اعمليه بالبيت
أكيد بتضمني نظافته وبتطمني على أولادك شو بياكلوا
المقادير:
نص كيلو صدور دجاج مقطعين الى شرائح عريضة
بهارات لتتبيل الدجاج
(بصل بودرة /ثوم بودرة/ببريكا/
زنجبيل بودرة /بهارات دجاج/ملح / فلفل أسود)
دقيق
بيضة
نشا
بيكنج باودر
مكعب ماجي
خس مقطع
كاتشب ومايونيز
الطريقة:

بنتبل قطع الصدور بالبهارات وتترك لمدة ساعتين عالأقل
بضيف عليهم البيضه وبخلط
بوعاء بضيف النشاء والدقيق والبيكنج باودر ومكعب الماجي المبشوروبحب أضيف كمان البصل البودرة والتوم البودرة
وبقلبهم مع بعض
عالنار بحمي مقلاية بزيت غزير أهم شئ
ببدأ أغمس قطع الصدور بخليط الدقيق من غير الضغط عليه
لحتى أحصل على التعرجات والقرمشه
وبقليهم على دفعات
واذا حسيتي انو النار حاميه كتير خفضيها وقت القلي
بصفيهم على شبك حديد لحتى يضل مقرمش ومايرطب
ببدأ أحشيهم بالخبز
مع اضافة الخس والكاتشب والمايونيز
أو على حس بالرغبه
وممكن تتفنني بالصوص
يقدم بجانب البطاطا المقلية
وصحة ومية هنا جربوها كتير طيبة ومقرمشة