ورق عنب بصبار"تمر هندي"ودبس الرمان

[هيفولا]

ورق عنب بصبار"تمر هندي"ودبس الرمان

اول شي نبتدي مع مكونات الحشو ...

نحتاج زجاجة ورق عنب - - ربع كوب دبس الرمان - بصلة كبيرة مقطعة صغار -2 فص ثوم مهروس - طماطة كبيرة مقطعة صغار - شدة شبنت وشدة بقدونس مفرومة - كوب وربع عيش " رز " - ملعقة كبيرة بهارات مشكلة - ملعقة صغيرة فلفل اسود مطحون - ملعقة صغيرة ملح - 2 ملعقة كبيرة زيت زيتون- بطاط مقطع دوائر لقاع الجدر ...

الطريقة ...

نحط زيت الزيتون ونحمس معاه البصل وبعدين الثوم .
نضيف لهم الطماط والشبنت والبقدونس .
بعدين نضيف العيش " رز " والبهارات والملح والفلفل .


هذا شكل الحشو ...

http://www.lakii.com/img/all/Jul10/NSBkc407021535.jpg


نجهز الجدر ونحط في قاعته شوي زيت زيتون وبعدها نرص البطاط المقطع دوائر ...

وهذا شكله ...

http://www.lakii.com/img/all/Jul10/wsbqME07021537.jpg

نجهز ورق العنب ونحط في كل وحدة مقدار ملعقة كبيرة او على حسب حجم الورقة ...

انا عن نفسي استخدمت آلة شريتها من السوق عجيبة بالشغل وتسهل عليج اللف ..

وهذا شكلها ...

http://www.lakii.com/img/all/Jul10/nXH3ME07021549.jpg


نرص ورق العنب فوق طبقة البطاط ...

وهاذي اول طبقة ...


http://www.lakii.com/img/all/Jul10/Zrwof707021538.jpg


ونلف باقي ورق عنب حتى تنتهي الكمية ...

وهاذا الشكل النهائي بعد لف كل الكمية ...


http://www.lakii.com/img/all/Jul10/gNneKk07021548.jpg



نجهز الصلصة ....


مكوناتها عبارة عن ...

نص كوب دبس الرمان - علبة تمر هندي " صبار "
مذوب في كوبين ماي - علبة معجون طماط
- ملعقة كبيرة سكر - رشة ملح ..

هاذي صورة بعض المكونات ... تمر هندي " صبار " - دبس رمان - زجاجة ورق العنب ...

http://www.lakii.com/img/all/Jul10/2uAFxg07021536.jpg

نبتدي بنقع الصبار في ماي وبعدين نشخله من الشوائب حتى يصير عندنا سائل صافي ..
ونضيف له باقي المكونات ..

من الممكن زيادة السكر او تقليل بعض المكونات .. على حسب الذوق ..

ومن الممكن زيادة الماي على حسب الحاجة ...
نصب الصلصة على جدر ورق العنب اللي لفيناه ...

وهاذي صورتهم ...

http://www.lakii.com/img/all/Jul10/Rk2U8v07021549.jpg

نحطه على نار عالية بالبداية حتى يبتدي بالغليان ...
بعدين نحطه على نار هادية حتى يستوي او يبتدي الماي ينشف ...
بالاخير نغرفة في طبق .. وبالعافية ...

هاذي صورة شكله النهائي ...

http://www.lakii.com/img/all/Jul10/fHh9wK07021549.jpg

تبون الصرااااحه طعمه عجيب وحاااااامض حلو ...