المساعد الشخصي الرقمي

مشاهدة النسخة كاملة : رقاق طرى وفطير وبالصور


هيفولا
11-06-2012, 11:26 PM
رقاق طرى وفطير وبالصور





http://files2.fatakat.com/2012/4/13357259853377.jpg
بصو بقى انا دايما
بتهف عليا حاجات كانت ماما بتعملهالنا وكانت بتبقى رووووووعه
واهمها الفطير والرقاق او البتاوى

وقد كان وتم بحمد الله
يلا بينا نشوف ازاى::

اولا الرقاق الطرى :::
عجينته سهلة جدا
دقيق عليه رشة ملح ورشة سكر
وبعدين ضيفت عليهم زبادى وزيت
وقلبتهم مع بعض
وكانت العجينة مفرولة شوية بالشكل ده
http://files2.fatakat.com/2012/4/13357248919252.jpg

وبعدين كملت العجن باضافة مياه قليلة
بضيفها شوية بشوية لحد ماتلم العجينة معانا
ونعجنها كويس اوى وهتبقى بالشكل ده
وتفتح وتبقى ناعمة

http://files2.fatakat.com/2012/4/13357249398956.jpg
نغطيها ونسيبها ترتاح شوية وتبقى كده

http://files2.fatakat.com/2012/4/13357250008242.jpg
وبعدين نقطعها كور صغيرة
او على حسب الحجم اللى انتى عايزاه
انا عملتها صغيرة على حسب حجم
الطاسة التيفال
اللى سويتها فيها

http://files2.fatakat.com/2012/4/13357250637264.jpg

بعد ماقطعتها سيبتها شوية ترتاح بردو
علشان نعرف نفردها كويس
وتبقى طرية وجميلة كده

واجهز عدتى بقى ههههههه
طبق كبير وفيه فوطة نضيفة
وطبعا بطل القصة
الطاسة الجميلة بتاعتنا
بنسخنها كويس اوى

http://files2.fatakat.com/2012/4/13357252112182.jpg
وعلى بال ماتسخن
نفرد الرقاق واحده واحده بالشكل ده

http://files2.fatakat.com/2012/4/13357251263450.jpg

وانا براحه على ايدى علشان يبقى رقيق وخفيف
ونفردها فالطاسة ونهدى النار عليها بحيث مش تتحرق منك
ولا تتلسع وتبقى مستوية كويس

http://files2.fatakat.com/2012/4/13357254178346.jpg

شايفين بعد مابدأت تستوى
بقت عاملة ازاى وازاى اتنفخت وقبت
اقوم قالباها على طول بقى عالوش التانى

http://files2.fatakat.com/2012/4/13357254961084.jpg


واكون مجهزة التانية وهكذا
وعلشان الوقت بقيت افرد اكتر من واحده بالشكل ده

http://files2.fatakat.com/2012/4/13357256394382.jpg

بحيث مضيعش وقت لانها مش بتاخد وقت
مجرد ثوانى لكل وجه

وكل واحده تخرج احطها على طول فالطبق والفها بالفوطة
علشان يفضل طرى وسخن كمان
ومش ينشف منك

http://files2.fatakat.com/2012/4/13357255755140.jpg

وهكذا

http://files2.fatakat.com/2012/4/13357258319653.jpg

شوفو شكله عامل ازاى
ودى كمان

http://files2.fatakat.com/2012/4/13357259853377.jpg

ماشاء الله كان حلو بشكل بجد ريحة وطعم واااااااااااااااو
بصراحة مقدرتش اقاوم الريحة وقلت ادوق بس ههههه

http://files2.fatakat.com/2012/4/13357257373709.jpg

وبالف هنا على قلوبنا بقى هههههههههه


يارب يكون عجبكو وتكون طريقتى سهلة وواضحه
وبجد يابنات لو جربتووه مش هتبطلوه لالالالالا


بالشكل ده


http://files2.fatakat.com/2012/4/13357253514434.jpg


ثانيا الفطير

عجينته سهله جدا
يدوب دقيق عليه رشة ملح وسكر
ونعجنه كويس اوى اوى بالمياه
وبتبقى العجينة بالشكل ده بعد ما لمت

http://files2.fatakat.com/2012/4/13357276029614.jpg
واسيبها ترتاح شوية
على بال مانجهز عدتنا بردو الصوانى والزيت
والقشطة والحشو لو حابين
بعد مايرتاح نقطعه على عدد الفطاير اللى هنعملها
انا بحبه يكون خفيف وصغير بردو
بعملته بالحجم ده

http://files2.fatakat.com/2012/4/13357277118314.jpg

وبردو نريحها شوية لسهولة الفرد
وندهن الرخامة زيت وندهن ايدينا كمان
ونبدأ نفردها بالراحة كويس اوى اوى اوى
بحيث تبقى رقيقة اوى اوى
زى ماشايفين كده فالصورة شايفين ولو عرفتى ترقى اكتر من كده
يبقى ميت فل وعشرة ههههههههههه

http://files2.fatakat.com/2012/4/13357277711942.jpg
وطبعا ادهنها زيت تانى او مكس زيت وسمن زى ماتحبى

http://files2.fatakat.com/2012/4/13357278236570.jpg

واطبقها كل طرفين على بعض اليمين عالشمال
والعكس والطرف اللى فوق عاللى تحت والعكس
واسفة مش عرفت اصور الخطوات دى لان ايدى كانت كلها زيت
فمعرفتش امسك الموبايل

وهتبقى مربعة بالشكل ده
http://files2.fatakat.com/2012/4/13357278872666.jpg

وطيعا ادهن زيت بين كل طبقة والتانية واحاول ادخل هوا
بين كل طبقة بردو على اد مااقدر
علشان يبقى مورق وجميل

http://files2.fatakat.com/2012/4/13357280553169.jpg
وانقلها بعد ماطبقتها فصينية مدهونة زيت
وافردها بالراحة فالصينية وادهن وشها قشطة

http://files2.fatakat.com/2012/4/13357281208825.jpg

وادخلها الفرن الساخن من قبلها

وده شكلها فالفرن شايفين قبت وعلت ازاى
وطبقاتها هشة جدا
والقشطة سايحة عليها واااااااااو

http://files2.fatakat.com/2012/4/13357281695805.jpg

وفيه فطيرة انا زودتلها رشة جبنة عالوش كمان

ولو هتعمليها محشية يبقى بنحط الحشو فالنص بعد مااتفردت فالاول خالص
وبعدين اطبقها عالحشو انا كنت حاشية واحده بالجبنة الرومى
ودى كان شكلها فالفرن والجبنة سايحة ونايحة فوقيها


http://files2.fatakat.com/2012/4/13357285515153.jpg
ودى شكلها بعد ماخرجت شايفين اللون والشكل عامل ازاى
طبعا مالحقتش اصورها سليمة هههههههه
على طول اتخطفت فلحقتها بالعافية

http://files2.fatakat.com/2012/4/13357284272316.jpg

ودى الصورة جماعية للرقاق والفطير

http://files2.fatakat.com/2012/4/13357284965175.jpg




الف هنا وعافية

هيفولا

:o