|
المعمول بطريقة الشيف/ لطيفة
قدمت دورة (حلويات العيد) وكانت دورة جميلة جدا واستمتعت أنا والمشاركات واستفادو جدا جدا وفرحو انهم اتعرفو عليا , وزي اي حاجة اعملها في موضوع هوايتي هواية الطبخ بحب أوثق كل حاجة بالصور علشان تبقى مرجع ليا وتوثيق لإنجازاتي في المجال ده . هنا في أول يوم عملت المعمول ودي الطريقة المصورة الي وزعتها على المشاركات علماً إني دوراتي أقصى عدد بيكون هو 7 علشان لازم الكل يعمل ويطبق قدامي وأقدر أخد وأدي في الكلام مع كل المشاركات عكس لو كان العدد كبير http://files2.fatakat.com/2011/11/13203937921342.jpg ظبطت الدنيا وكنت جايبة كل حجاتي وهنا لما بدأنا نتكلم عن المكونات والبداية http://files2.fatakat.com/2011/11/13203936315152.jpg هنا بعد ما خلصنا كلام عن المكونات كلها . بدأنا نقيس المقادير ونجهز مكونات المعمول http://files2.fatakat.com/2011/11/13203943645591.jpg بإسم الله نبدأ طريقة المعمول ح ستخدم اكواب القياس او الاكواب المعيارية لكن ممكن تستخدمي كوباية الماية العادي بشرط تبقى نفس مقاس الكباية لقياس كل المقادير . http://i982.photobucket.com/albums/a...bescites/2.jpg المقادير : 250 جرام زبدة (كوب وربع) 1/2 كوب سكر بودرة 1/4 2 كوب دقيق فاخر منخول 1 معلقة صغيرة باكنج باودر المكونات الاضافية : رشة ملح وللنكهة 1/2 ملعقة صغيرة من الفانيليا ملاحظة فوق في ورقة الدورة مكتوب حليب سائل 1/4 كوب ممكن ما نستخدموش غير لو كانت العجينة مفرولة شوية ويادوب شوية علشان زيادة بتخلي المعمول ناشف جدا http://i982.photobucket.com/albums/a...bescites/3.jpg وللحشو : وحنحتاج تمر او عجوة منزوعة النوة . وحنضيف عليها شوية زبدة طرية ورشة قرفة ورشة فانيليا ونعجن العجوة كويس علشان المكونات تندمج مع بعض وبتكون الحشوة رائعة فوق الوصف عن تجربة والكل بيسألني عن سر العجوة الجميل http://i982.photobucket.com/albums/a...bescites/4.jpg وحنعملها كور صغيرة بالصورة دي وحنخليها على جنب http://i982.photobucket.com/albums/a...bescites/5.jpg وللتشكيل المعمول ح نحتاج للقوالب المعمول ده شكل القوالب الي نازلة جديد بلاستك وفيها اكتر من شكل . بس القديمة الاصلية بتكون خشب وفيه موديل واحد بس http://i982.photobucket.com/albums/a...bescites/6.jpg هنا صوره قريبة لشكل القالب من جو وشكل الرسومات . http://i982.photobucket.com/albums/a...bescites/7.jpg يتبع |
طريقة عمل عجينة المعمول :
طريقة عمل عجينة المعمول : نحط الزبدة الطرية الباردة في وعاء مع السكر البودرة ونبدأ نخفقهم http://i982.photobucket.com/albums/a...bescites/8.jpg في معظم البسكويتات يفضل استخدام الزبدة الطرية البادرة مش الطرية الي سايحة قوي لضمان نتيجة رائعة وطعم مميز شوفوا هنا الزبدة توزعت بس مفرولة لو كانت الزبدة طرية كانت دوبت السكر ودي تكه مهمة . http://i982.photobucket.com/albums/a...bescites/9.jpg ومع الخفق بدأت الزبدة تندمج مع السكر http://i982.photobucket.com/albums/a...escites/10.jpg هنا مع الخفق المستمر بقت زي الكريمة http://i982.photobucket.com/albums/a...escites/11.jpg وهنا لما خفقنا اكتر بقى لونها فاتح وده المطلب http://i982.photobucket.com/albums/a...escites/12.jpg ح نضيف كمية الدقيق كلها ونبدأ نعجن بإدينا http://i982.photobucket.com/albums/a...escites/14.jpg بصو هنا في البداية بقت العجينة مفرولة بس متماسكة وبتفرول بسهولة يعني ما تعجنتش بسرعة وده علشان الزبدة لسه باردة بس طرية http://files2.fatakat.com/2011/11/13204039206189.jpg http://files2.fatakat.com/2011/11/13203930053350.jpg خدت العجينة على رخامة وعجنتها ودعتها كتير لحد ما بقت طريقة وجميلة جدا وملمسها ناعم http://i982.photobucket.com/albums/a...escites/18.jpg وهنا لما لمتها وبقت كورة لاحظوا http://i982.photobucket.com/albums/a...escites/17.jpg وهنا للتوضيع بصو كورة ال عجينة جميلة ازاي http://i982.photobucket.com/albums/a...escites/19.jpg بصراحة بحب أنظم خطواتي وبعد ما بعجن العجينة وبخلصها على طول في لحظتها بعملها كور وحطها في طبق بالصوره دي http://i982.photobucket.com/albums/a...escites/20.jpg يتبع |
تشكيل المعمول :
تشكيل المعمول : حنحتاج إلى العجين الي عملناها كور , وقالب التشكيل , وللحشو العجوة الي جهزناها , ودقيق علشان نرش شوية في القالب , وصواني نرص فيها http://i982.photobucket.com/albums/a...escites/21.jpg نختار اي شكل من القوالب ونرش شوية دقيق بالصوره دي http://i982.photobucket.com/albums/a...escites/22.jpg وناخد كورة عجينة ونفردها بإدينا على شكل دائرة ونحط في النص كورة عجوة بالصورة دي http://i982.photobucket.com/albums/a...escites/23.jpg نقفل الكورة المحشية كويس جدا ونحطها في القالب المرشوش بالدقيق ونضغط عليها ومش حنخاف انها لزقت علشان رشينا الدقيق في القالب. http://i982.photobucket.com/albums/a...escites/24.jpg وح نخبط حرف القالب وحتنزل متزوقة وجميلة حسب شكل القالب اللي اخترناه http://i982.photobucket.com/albums/a...escites/25.jpg والمقدار ده حيديكي 22 معمول حجم وسط زي بتاعي او 15 حجم كبير . http://i982.photobucket.com/albums/a...escites/28.jpg خبز المعمول :- والمعمول بيتخبز على حرارة هادية حوالي 130 ونحط الصاج في الرف من تحت وحياخذ 10 دقايق وبعد كده نحمر الوش علشان يبقى دهبي أسيبكم مع الصور http://i982.photobucket.com/albums/a...escites/29.jpg وده الشكل من جوه . المعمول بقى حاجة لازم تكون موجودة على السفرة الصبح للفطار لانو رائع وجميل وهش ومقرمش بطريقة رهيبة ومغذية والعجوة مع الزبدة عاملة شغل جامد جدا جدا . لازم تجربوه http://files2.fatakat.com/2011/11/13204037076864.jpg هيفولا:o |
| All times are GMT +3. The time now is 03:42 PM. |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd.