بيت عطاء الخير الاسلامي - تعالوا نعمل احلي جلاش بالجبنه الرومي

احلى جلاش بالجبنه الرومي

المقادير
عدد لفه ونصف جلاش .
ربع كيلو جبنه رومي مقطع شرائح .
كوب لبن بارد .
عدد 2 بيضه .
قليل من الفلفل الاسود .
سمنه سايحه.

الطريقة
نحضر صنيه مربعه كبيره وندهنها سمن او زبده.

نضع أول راق في الجلاش وكمان راق اخر ثم ندهنه بالسمن
ونكرر هذه العمليه حتى يكون عدد الرقات اصبح 7 .

ولما نوصل للراق السابع من الجلاش نضع الجبنه الرومي
ونوزعها علي كل الجلاش لحد لما تغطيه كاملاَ .

نحضر باقي راقات الجلاش ونضعه علي الجبنه الرومي
وبين كل راقين ندهن السمنه ومتكونش السمنه كتير
عشان متتقلش علي المعده.

عند وصول عدد رقات الجلاش 7
نكون اكتفينا بالعدد ده من الرقات .

نحضر البيضتين ونضعهم في طبق غويط ونضع عليهم كوب
اللبن وقليل من الفلفل الاسود ونخلطهم جيداَ .
ثم نضعهم على الجلاش
وندخلهم الفرن في درجة حراره متوسطه .

ولما وش الجلاش يبقي ذهبي
نطفي عليه.
ونقدمه
وبالهنا والعافية