ومن احياها ...!!!
السلام عليكم ورحمة الله وبركاته
اهلى صحابى جيرانى دنيتى ورفقتى الطيبة على هذه الشبكة
بجد وبكل صدق وحشتونا جدااااااااااااااااااااااااااا
http://www.al-wed.com/pic-vb/37.gif
صدقا افتقدتكم يا من رأيتكم بروحى قبل بصرى
ربى يجمعنى بكم فى الدنيا على طاعته وبمسرى حبيبه
صلى الله عليه وسلم وفى الاخرة على حوض حبيه وبجنانه
امين يارب
الله يتقبل طاعتكم ويعلى ايمانياتكم ويثبتكم على الحق
اكيد البطاريات الايمانيه مشحونه كويس جدااااااااااااااااا
اللى مش محجبة اتحجبت واللى حجابها متوسط ظبطت
واللى بيدخن قلل والمتدين العصبى واخلاقه صعبه شويات
اصبح احسن او حاول كلنا حاولنا وكان شعارنا رمضان السنه
دى هيغير حياتى يارب يثبتنا واياكم على الحق طيب اكيد دوام
الحال من المحال والحالات الايمانيه بتتزايد وتتناقص وجدت
اجمل الاشياء لاستكمال الخير واعلاء الهمم الصحبة الطيبة
والاجمل الارتباط بمكان خيرى كدار مسنين او ايتام اونفع عام
للارتقاء بمجتمعنا ومن ثم امتنا رغم انى مش زرت دار ايتام
ولا مسنين قبل سابق لكن تمنيت ورتبت مع اصدقائى كثيرا ولكن
لم يقدر لى فكنت بطريقى بالمواصلات رأيت مبنى جميل جدا
ظننته فيلا او شركة على طراز عالى جداااااااااااااااااا لكن
سبحانك ربى تخيلوا ان المكان دا كان مكان خيرى لدار ايتام
ومسنين قلت خير ازور المكان والاطفال وامهاتى الحبيبات لكن
بصدق وجدت اكثر مما تخيلت وجدت بالمكان انشطة عديدة لم
اعرفها الا بعد زيارتى للمكان بالرغم من سماعى بشكل دائم عن
الدار وفروعها الا ان الانشطة اكثر مما تخيلت الانشطة اكيد دار
الايتام والمسنين هذا ما كنت اتخيله فقط ولكن وجدت
http://www.al-wed.com/pic-vb/37.gif
نشاط خاص بالمكفوفين
يقوم هذا النشاط على التسجيل للمكفوفين والكتابه لهم على
الكمبيوتر ثم التحويل لطريقة برايل وايضا دورات لتعليم برايل
للمبصرين من المكفوفين لان الجميع لديه ما يعطيه سواء مبصر
او غير مبصر
http://www.al-wed.com/pic-vb/37.gif
ايضا نشاط دروس تقوية
فبالتالى يتعلم الغير قادر ويزكى المتعلم عن علمه
وايضا تتقارب الفئات وتذوب الفروق
http://www.al-wed.com/pic-vb/37.gif
خامسا نشاط الريسيكل
او اعادة التصنيع الذى يقوم بفرز الكتب واعادة بيعها بمعارض
بسعر رمزى وايضا الكتب الدارسية واعطائها لمستحقيها وعمل
مكتبه بالكتب القيمه والمراجع والاستعاره لموظفى ومتطوعى
الدار وبيع الورق الغير صالح للاستخدام بدلا من حرقه
والاستفاده بعائده
http://www.al-wed.com/pic-vb/37.gif
سادسا نشاط محو الاميه
ومحاولة جذب الاشخاص الذين لم يقدر لهم التعلم سواء
لتسربهم او لظروفهم الحياتيه
http://www.al-wed.com/pic-vb/37.gif
سابعا نشاط اعادة فرز الملابس والاحذية
اعزكم ربى
تخيلوا وجت المتبرعين بيفرزوا مع المختص فى الفرز
واكيد بتتكوى وتتغسل
اه لازم لاننا بنكمل بعض والمستفيدين اخواتنا ولابد ان نحب لهم
ما نحب لانفسنا زى ما قال رسولنا حبيبنا صلى الله عليه وسلم
http://www.al-wed.com/pic-vb/37.gif
ثامنا نشاط المساعدات
اللى بيبحث عن من يستحق بالفعل واكيد مساعدة دورية ليست
موسمية كرمضان او عيد الاضحى لا طبعا لو احنا بنحتاج فى
الاوقات دى بس يبقى هم زينا الاهتمام بيكون طول العام بفضل
الرحمن
http://www.al-wed.com/pic-vb/37.gif
تاسعا نشاط انوار الدار
اللى بيهتم بالشباب وبيقيم العديد من الندوات فى اللغات
والكمبيوتر والتنمية البشرية وغيرها العديد
http://www.al-wed.com/pic-vb/37.gif
عاشرا نشاط الاطعام
اللى هدفه مش يخلى حد جعان برمضان او غير رمضان
http://www.al-wed.com/pic-vb/37.gif
وكل ده تحت اشراف نشاط كبير اسمه نشاط المتطوعين
اللى بيستقل ويشرح للناس
واكيد بيكون فى رحلات ترفيه لنروح عن القلوب كما علمنا
اشرف الخلق صلى الله عليه وسلم
http://www.al-wed.com/pic-vb/37.gif
وكمان فى ندوات فضفضة وحوارات
بين الجميع لتتقارب القلوب ويحدث التالف باذن الرحمن اه كنت
هنسى فى مركز لذوى الاحيتاجات
( صم وبكم وتخاطب وتوحد وخلافهوالكل بالمجان )
ومن متخصصين فى مجالهم .
امانشاط الامومة والطفولة فياااااااااااااااااااااااا
وجدت به نشاط جميل جدااااااااااااااااااا
http://www.al-wed.com/pic-vb/37.gif
نشاط الاخ الاكبر
انك تكون اخ اكبر لطفل كمذاكرة وزيارة وفسح وخروج
بس بعد اجتياز الاختبار اصله يا جماعة مش لانه يتيم يبقى
ازوره مره ويرتبط بى وبعدين يتالم لتركى له لا اخواتنا واطفالنا
غالين شعور جميل جدا من القائمين على النشاط نحسبها صح
اصلى اذا طفل عندنا مثلا اتالم لفراق احد كوالده سيجد من
يعوضه كامه اما هؤلاء فكيف سيكن الوضع بصدق غالين جدا
يكفى بقربنا منهم سنقترب من رسولنا حبيبنا
http://www.al-wed.com/pic-vb/37.gif
اما النشاط الثانى هو الابن البار
او الابنه الباره تخيل تختار ام لك تشعرها بالامومه وما تالمت
منه من ابنائها بصدق فى زيارتى وعن نفسى قلت صعب جدا
نزعل بابانا او ماماتنا وعهدت ربى وهحاول اوفى بعهدى مع
ربى ومش ازعلهم خاصة امى حتى لو ظنيت ان الموضوع بسيط
لا صعب ارى دموعها وان كانت داخلية كما رأيتها بامهاهتى
بالدار يا جماعة بكلمكم عن اخر دار انشات لجمعية لها الان اكثر
من 50 فرع بجميع المحافظات فى اقل من 10 سنوات لم يخطر
ببالى مما اعجبنى فى البداية الا انها تقتصر على نشاطين ايتام
ومسنين ولكن ان دل يدل على الاخلاص وان الله لا يضيع اجر
من احسن عملا انشطة كتيرة جدا وفرت اشياء تخيلنا اننا لسنا
بحاجة لها كالاوراق وحرقها فحافظنا على بلدنا وبيئتنا وايضا
اعادت لنا عائد واستغلينا اكيد وقت الافراد وتوحدت القلوب
وذابت الفروق وشعرنا بنعم ربنا كالمسكن او الملبس او الاكل
او نعم ربنا التى لا تعد ولا تحصى وقلنا الحمد لله بجد من القلب
وحاولنا نبر اهلنا ومش نزعلهم خااااااالص وربنا المستعان
وتصدقنا بعلمنا وعلمنا اخواتنا وامهاتنا وروحنا عن قلوبنا
وشعرنا اننا لنا فايدة وغيرنا منتظرنا ليس لشئ الا لانه بيحبنا
ساعات بتكون ناجح دراسيا وعمليا وكلت وشربت وكل شئ لكن
مش سعيد ليه ؟؟؟ لانك غذيت جسدك ( الطين ) وتركت روحك
اللى بتسعد بسرور الاخرين ومساعدتهم وكمان المكان ده
اسعدنى بتوفيره فرص عمل للشباب والاجمل اننا مش هنقول
الشباب المستهتر الفاضى وخلافه لا ورب العباد شبابنا بخير
وعنده كتير جدااااااااااااااااااااا تخيلوا ان اى شخص يحتاج فصيلة
دم هيلاقيها فى الدار دى لان بها اكثر من 3000 متطوع بكل فرع
http://www.al-wed.com/pic-vb/37.gif
من الاجمل
ان ياتى لك بالهدية ام تطلبها اى ياتى لى بها حفاظا لهم وايضا
لانى كما ساعطيه سرور سيعطينى ثواب ورضا وسكينة لا تقدر
بثمن فهو محتاج لى وانا ايضا احتاج له المعارض الخاصة
بالملابس والاحذية اعزكم ربى ايه رأيكم تكون مجانية
لا المحتاج مش هيشعر بالعزة وانه اشترى بماله وان كان زهيد
وايضا كلا منا مختلف فى اختياراته وذوقياته فالافضل ان يختار
المحتاج ما يود لا نفرض شئ عليه يلا بقى فيد مجتمعك ووطنك
وامتك وشارك واتعرف واتغير للاحسن واستغل وقتك وشبابك
وعمرك وادخل سرور على غير وعلى نفسك وحاول ثم حاول ثم
حاول تتغير مع والديك ومش تزعلهم ولا تكون سبب دمعه من
دموعهم صحيح نسيت اقول اسم الدار دار رسالة وما اجمل
شعورنا بان تغير مجتمعنا رسالة لابد منها وحق له علينا
والاجمل ان الموضوع بدأ بفكرة لمهندس مغترب ويحزننى ان
كثير من المغتربين الا من رحم ربى يقولون ياه بلدنا مش ادتنا
حاجة مهما اجد ساحب وطنى وان لم يعجبنى حالها ساعمل على
تغيرها وقدوتى فى ذلك رسولى حبيبى الذى اخرج من وطنه ولم
يقل الا انكِ يامكة احب بلاد الله الى

مجرد كلمة القى بها المهندس المغترب بعد عودته الى وطنه
بمحاضرة مجرد محاضرة . عملت ايه لوطنك ؟؟؟ ومن ثم الكلمة
غيرت كثير وبدأت بنشاط طلابى بهندسة القاهرة ثم قطعة ارض
وبنيت من تبرعات ثم فرع تلو الاخر صدقا انى اغبط صاحب
الكلمة واشعر بمدى اخلاصه نحسبه كذلك ولا نزكيه على الله
مش تستهين باى كلمة لانها ممكن تكون نور او نار خير
او شر ورب عمل صغير كبرته نية ربى يرزقهم الاخلاص والقبول
http://www.al-wed.com/pic-vb/37.gif
اكيد صاحب الفكرة احيا فينا الخير والهمة وذكرنا بفطرتنا الجميلة
{ و من أحياها فكأنما أحيا الناس جميعا }‏

مجتمعى وطنى امتى اهلنا اخواتنا امهاتنا سيكمل كلا منا الاخر
مش فى جعان او عريان او مكتئب او زعلان لان المسلم للمسلم كالبنيان
وكلنا هنشعر ببعض ونغير من نفسنا ومجتمعنا ووطنا الاصغر بلادنا ثم
وطنا الاكبر امتنا
ولنتذكر ان الله لا يغير ما بقوم حتى يغيروا ما بانفسهم
يارب عقدنا النية وانت خير معين وولى ونصير
انت وهو وهى كمان يلا بسرعة يلا قوام فكر قرر ايه هيكون منك
لوطنك مجتمعك امتك ؟؟؟ اكيد كتير جدااااااااااااااااا لان الانسان
بفطرته بيحب الخير ولكن احيانا نجد صدى بالقلوب مجرد نثر
الغبار سيعده لفطرته الطيبة وروحه الجميلة التى من روح
الله عز وجل
وهنتنافس ففى ذلك فليتنافس المتنافسون
وهنسارع وسنسارع الى مغفرة من ربنا وجنة عرضها
السماوات والارض
سباق تنافس ايثار
ولن نقف الا فى الجنة ولن نستريح الا بها موطنا الاول
ربى يتقبل طاعاتكم ويسعد قلوبكم برضاه عنكم ...
ودمتم باذن ربى فى طاعة ورضا ويقين وسعادة بإسعاد الاخرين ...

إن لم تزد على الحياة شيئاً ..فلا تكن زائد عليها