|
بيتزتي بالتفصيل تنافس بيتزا هت وتحدي
بيتزتي بالتفصيل تنافس بيتزا هت وتحدي 🍅مع طريقة عمل صلصة البيتزا 🍅 السلام عليكم ورحمة الله وبركاته http://static.hawaacdn.com/PE/2012/06/01/10/ApPRa-1.jpg http://static.hawaacdn.com/PE/2012/06/01/10/hjh1h-1.jpg http://static.hawaacdn.com/PE/2012/06/01/10/207Sd-1.jpg النهاردة هااقدملكوا بيتزا ولا المطاعم بل تنافسها مش في الشكل بس ولكن في الطعم كمان بجد نفس طعم عجينة بيتزا هت واجمل أنا عندي الأولاد بيحبوا البيتزا اللي أنا بعملها اكتر من اللي بنشتريها من برة وانا متأكدة اللي ها اجربها تصدق كلامي اولاً أنا أضفت للعجينه مكون بسيط وهو دا سر المطاعم ها اقولكوا عليه ف المكونات مقادير العجينه 6 كوب دقيق علبة زبادي 2 كوب حليب سايل دافئ 5 معلقه كبيرة زيت زيتون 1/4 كوب سكر 2 م ك خميرة م ص بيكنج بودر رشة ملح والمكون البسيط اللي أضفته هو 1/4 م ص ثوم بودر او ممكن تحطي 1/2 م ص صدقوني بتطلع العجينه روووعه نفس المطاعم الطريقه نخلط الحليب الدافئ والزيت والزبادي في خلاط الطعام ثم نضيف له كوب دقيق والخميرة والسكر ونخلط حوالي ثلاث دقائق ثم يصب الخليط في وعاء ويضاف لباقي كمية الدقيق بعد ما أضفنا الدقيق البيكنج بودر والملح يعني مش بحط ب ب والملح في الخلاط لا بخليه مع الدقيق ونعجن كويس جداً لو في واحدة فيكم مضايقه من حاجه تحط همها في العجين والصراحه أنا بحب اعجنها علي الرخامه. وبطريقة حورية المطبخ أكيد كلكوا عارفينها بتدي نتيجه هايله للمعجنات وأكيد انتوا لاحظتوا دا في كل معجناتي ( ثقه هه) المهم دي الصور توضح http://static.hawaacdn.com/PE/2012/06/01/10/oMje1-1.jpg ودي صورة قبل وبعد التخمير العجينة بتختمر بسرعه جداً http://static.hawaacdn.com/PE/2012/06/01/10/55atB-1.jpg وعما العجينه تختمر نكون جهزنا الصلصه نقطع بصل ونشوحه مع شوية زيت ثم نشوح معاه فلفل اخضر مقطع أنا بحب اشوحهم ع النار شويه أحسن لانها بتدي طعم حلو ثم نضيف الطماطم المقطعه ونغطي حوالي خمس دقائق لغاية ما كل حاجه تلين ثم نفرمها في المفرمه ونرجع نحطها ع النار تاني ونضيف لها صلصة طماطم ومعلقة كاتشب وملح وفلفل اسود وكسبرة ناشفه وشوية شطه للي يحب ومعلقه صغيرة سكر عشان يدي توازن وماتكونش حامضه ونسيبها تتسبك ع النار لغاية ما تنشف من المايه وتكون الصلصه متماسكه ومفيش فيها ولانقطة مايه والصور توضح http://static.hawaacdn.com/PE/2012/06/01/10/OkYlX-1.jpg http://static.hawaacdn.com/PE/2012/06/01/10/31iny-1.jpg http://static.hawaacdn.com/PE/2012/06/01/10/0e5Ak-1.jpg http://static.hawaacdn.com/PE/2012/06/01/10/mGXM2-1.jpg ملحوظه مهمه جداً جداً لازم ولابد الصلصة تكون باردة بمعني ممنوع تحطيها علي العجينه وهي ساخنه دا بيفسد العجينه ومش هاترتفع وتنفش معاكي والسر دا أنا لاحظته من نفسي من خلال خبرتي في المطبخ يعني أنا بجهز منها كميه وبحطها ف الفريزر ولما احب اعمل بيتزا بطلعها واخليها تفك او احطها فك الميكرويف يارب تكون النقطه دي وضحت نيجي لتشكيل البيتزا نقطع العجينه كور كبيرة ع حسب حجم الصينيه وبفردها الاول بالنشابه وبعدين احطها في صينيه مدهونه وافردها كويس وأحاول اعمل لها حواف يعني تكون الأطراف مرتفعه شويه عن الوسط ثم نضع الصلصه http://static.hawaacdn.com/PE/2012/06/01/10/gNKgF-1.jpg تابعوا معي باقي الموضوع لانه طويل شويه سوف اشرح كل نوع بالتفصيل بإذن الله يتبع |
أنا قطعت كور صغيرة من العجين وحشيت كل قطعه نقانق وحطيتها ع الأطراف وبعد ما حطينا الصوص ترش عليه جبن موزاريلا وساعات بعمل خليط من الموزاريلا والشيدر والقشقوان http://static.hawaacdn.com/PE/2012/06/01/10/5E9kn-1.jpg وهنا حبيت أغير في الشكل وعملتها كب بيتزا http://static.hawaacdn.com/PE/2012/06/01/10/uJEAU-1.jpg http://static.hawaacdn.com/PE/2012/06/01/10/c6bCX-1.jpg ودي البيتزا التقليديه http://static.hawaacdn.com/PE/2012/06/01/10/a9QC2-1.jpg http://static.hawaacdn.com/PE/2012/06/01/10/6JOob-1.jpg وأضفت ع الوجه شرايح رفيعه جداً من الفلفل الاخضر والبصل وزيتون حلقات وسوسيس ونوع تاني حطيت عليه بيبروني http://static.hawaacdn.com/PE/2012/06/01/10/vHhFc-1.jpg ثم تخبز في فرن حامي واليكم النتيجة النهائيه اه نسيت اقولكوا بعد ماتستوي ف الفرن بضيف لها جبن موتزاريلا ويادوب بس تسيح من حرارة الفرن بطلعها http://static.hawaacdn.com/PE/2012/06/01/10/KJYHc-1.jpg http://static.hawaacdn.com/PE/2012/06/01/10/OTHes-1.jpg http://static.hawaacdn.com/PE/2012/06/01/10/0btv9-1.jpg ودي كب بيتزا كيوت وحلوة للأولاد ممكن ياخدوها معاهم المدرسه http://static.hawaacdn.com/PE/2012/06/01/10/S1UFz-1.jpg يتبع |
| All times are GMT +3. The time now is 04:28 PM. |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd.