بيت عطاء الخير الاسلامي

الحمام المحشى

سهل وسريع وكمان وجبة مغذية لجميع افراد الاسرة
http://im76.gulfup.com/Qbdmnn.jpg
http://im58.gulfup.com/aiHEXz.gif
{1} حمام متنضف الكمية اللى تكفيكى
{2}كوبايتين رز مصرى
{3}ملح وفلفل اسود
{4}بصلتين كبار

http://im58.gulfup.com/5ktyLf.gif
نغسل الحمام كويس جدا عشان الظفارة
بالملح والدقيق والليمون وفى الاخر برش عليه شوية فلفل اسود
وادعكه من برة ومن جوة بيه

http://store1.up-00.com/2015-07/1437775516632.jpg

نغسل الرز ونبشر البصل ونشوحه فى معلقة زيت درة او زبدة حسب الرغبة
ولما يتدبل ننزل عليه بالكبد والقوانص ونقلبها تقلبتين لحد ماتدبل وتسبيها شوية على الهادى

http://store1.up-00.com/2015-07/143777551673.jpg

ننزل معاها الرز ونقلبه ونضيفله الملح والفلفل كترى ماتخافيش
هو بيحب الفلفل الاسود بيخلى طعمه تحفة

http://store1.up-00.com/2015-07/1437775516491.jpg
ونسيبه دقيقتين على النار الهادئة مع التقليب عشان مايلزقش
وبعد كدة تنزلى الرز وتبدئى تحشى الحمام

http://store1.up-00.com/2015-07/1437775516835.jpg

وبعد مانخلص حشو الحمام نخيطها
وبعدين جهزت الماية تغلى لسلق الحمام تسقطى فيها بصلة وورق لورا وحبهان
وتنزلى الحمام فيها على ظهرها واول ماتغلى ماية السلق توطى النار
عشان مايتفتحش منك واهم حاجة انك تكونى مساوية الرز جواها
عشان يستوى ويطلع جميل وبياخد فى سواها حوالى نصف ساعة
انا حمرته فى الفرن دهنته معلقة صلصة ونصف معلقة سمن بلدى
ودخلته الفرن واتحمر وشه وظهره

والشوربة سويت بيها الرز الباقى بيبقى طعمه روعة
وطلع جنان شايفين شكله مفلفل وروعة بنحبه جدا

http://im58.gulfup.com/HxS4tM.jpg

الف هنا وعافية
هيفولا:o