بيت عطاء الخير الاسلامي - فطيرة الفراخ المشويه مع الخضار

فطيرة الفراخ المشويه مع الخضار
من وصفات شيماء سيف

بفضل ربنا الفطيرة دى فكرتى وهى عبارة عن تشكيلة من الخضار
وصدور فراخ مشويه ( فكرة لو عندك بواقى فراخ
واى خضار ومش عارفة تعملى بيهم ايه )

تقدرى تستغنى عن اى حاجة من المكونات حسب المتوفر عندك
ولو تحبى تزودى حاجة خير وبركه

يلا نبتدى على بركة الله
لا احلل نقل وصفاتى الا بذكر المصدر

https://scontent-a-sin.xx.fbcdn.net/...19504535_o.jpg
المقادير
2 كوب دقيق
2 ملعقة كبيرة لبن بودرة
1 ملعقة كبيرة سكر
3 ملاعق كبيرة زيت
1 ملعقة كبيرة خميرة
ربع ملعقة محسن خبز ( اختيارى )
رشة ملح
ماية دافيه للعجن

https://fbcdn-sphotos-c-a.akamaihd.n...99090428_o.jpg

طريقة العجين
بتخلطى كل المكونات مع بعض وتعجنى كويس اوى
لحد ما تكون عندك عجينه متماسكه وطرية زى القطنه
تدهنى طبق شويه زيت وتحطى العجين وتغطيها وتخليها تخمر ممكن ساعة او اقل

مقادير الحشو

2 صدر دجاج مشوى
2 معلقة كبيرة خرشوف سوتيه
2 معلقة كبيرة مشروم
3 معلقة كبيرة سبانخ فريش
2 معلقة كبيرة فلفل اخضر
2 معلقة كبيرة فلفل احمر
2 معلقة كبيرة فلفل اصفر
بصلة كبيرة مقطعة جوانح
2 معلقة كبيرة صوص بشاميل ثقيل
شرايح من الجبنه الشيدر
ملح - فلفل اسود - رشة كبيبة صينى - بودرة ثوم - بودرة بصل

https://scontent-a-sin.xx.fbcdn.net/...52507827_o.jpg

الطريقة
فى طاسة على النار فيها شويه زيت زتون تنزلى بالبصل الجوانح
ولما يدبل تنزلى بالمشروم والسبانخ وبعدين الفلفل الالوان تقليبة
وتحطى الخرشوف والفراخ والتوابل وتنزلى بالبشاميل تقلبتين وتطفى

افردى العجين فى صينيه تدخل الفرن حطى الحشو
وفوق الحشو شرايح الجبنه وغطى بباقى العجين
ادهنى اقل من ربع كوب لبن عليه ربع معلقة صغيرة نسكافيه وبيضة صغيرة
رشى سمسم ودخليها فرن سخن لحد مايكون لونها ذهبى

https://fbcdn-sphotos-d-a.akamaihd.n...88565332_o.jpg

https://fbcdn-sphotos-f-a.akamaihd.n...68438439_o.jpg

والف هنا وشفاااا

هيفولا:o