بيت عطاء الخير الاسلامي - طريقتين لعمل المسقعه بطريقة مميزة

طريقتين لعمل المسقعه بطريقة مميزة

المسقعه .. طريقتين لعمل المسقعه بطريقة مميزة

والطعم ياسلام بالصور

http://i.imgur.com/PVgDX.jpg

http://i.imgur.com/MkLqu.jpg

http://i.imgur.com/yIzH1.jpg

أسعد الله أوقاتكم بكل خير
طريقتي للمسقعه مختلفه ولها طعم جميل
متسبكه ومتحبشه(اشرحي معني الكلمتين)
لا بجد طعمها لذيذ وتفتح النفس
وأي حد ياكلها عندي لازم ياخد طريقتها
المهم عندي نوعين او طريقتين للمسقعه وهما الاثنين. روووعه
1 - مسقعه بالطريقة العاديه
2 - مسقعه رووووول
المقادير :
باذنجان
طماطم
ثوم
حمص مسلوق
ملح وشطه وبهارات
الطريقة:
للمسقعه العاديه نقطع الباذنجان دوائر
وللمسقعه الرول نقطعه شرايح طوليه
وننقعهم في مايه وملح عشان مش يشرب زيت كتير
ثم يقلي ف الزيت

http://i.imgur.com/Hll7e.jpg

ونجهز الصوص المميز برائحته وطعمه
نفرم الثوم ونشوحه في شوية زيت
ثم نضيف الطماطم المعصورة
وكمان بقطع حبتين طماطم مكعبات واضيفها لما بتستوي بيكون الصوص سميك وقطع الطماطم
باينه وطعمها واخد من كل النكهات
ثم نضيف الملح والكمون والشطه المجروشه والفلفل الاسود
ونسيبها ع النار لغاية ماتتسبك والصوص يتقل ويكون سميك
وللمسقعه الرول بضيف لها حمص مسلوق
بيدي طعم خطير
وعلي فكرة انا الاول كنت بحط التوم مع الطماطم والبهارات واسبكهم ع النار وكانت حلوة
ولكن قلت خليني اجرب أني اشوح الثوم في الزيت الاول
لقيت النتيجه مبهرة لان ريحه الثوم بتظهر ونكهته اوضح
الصراحه طلعت اجمل واجمل

http://i.imgur.com/801gl.jpg

بالنسبه للمسقعه العاديه
نرص في صينيه طبقه من الباذنجان المقلي
ثم طبقه من الصوص
ثم باذنجان وبقطع طماطم واضيفها
وع الوجه الصوص
وتزين بشرائح من الفلفل العادي او الحار حسب الرغبه

http://i.imgur.com/V5SVq.jpg

http://i.imgur.com/5UNBr.jpg

وندخلها الفرن
[ المسقعه الرول]
نقطع شرايح بطاطس رفيعه ولو كانت سميكه حطيها مع الصوص تستوي شويه
انا قطعتها سميكه شويه وحطيتها مع الصوص
نرص ف الصينية طبقة بطاطس وفوقها شوية صوص
ونضع جزء من الحشو ع الباذجان المقطع بالطول ويلف رول
ثم يرص فوق البطاطس والطبقه الاخيرة الصوص
والصور توضح

http://i.imgur.com/XXW3G.jpg
http://i.imgur.com/jcQW1.jpg

وندخلها الفرن

http://i.imgur.com/ZS0LG.jpg

دي النتيجه النهائيه

http://i.imgur.com/MkLqu.jpg

http://i.imgur.com/ilZwZ.jpg

وهنا قدمتها مع الخبز ومخلل الليمون

http://i.imgur.com/rxsJ0.jpg

ودي المسقعه الرول

http://i.imgur.com/3kqPF.jpg

وهنا من الاعماااااااااااق

http://i.imgur.com/ygViX.jpg

اقرب واقرب

http://i.imgur.com/91dzl.jpg

واااو
الصراحه المجموعه الميكس طعمها رهيب
يعني تخيلي كده وانتي بتاكلي بطاطس مع الحمص والباذنجان والصوص
والله الطعم متناسق ومتناغم مع بعضه
وهنا لما بكون عامله دايت
بحب اكلها بالمعلقه
ياسلام

http://i.imgur.com/rnNJp.jpg

رهيبه

http://i.imgur.com/91dzl.jpg

والطبق ده لكل البنات الحلوين اللي هاينوروا موضوعي

http://i.imgur.com/oWQij.jpg

أتمني تجربوها
لانها بجد تستحق التجربه ومتأكدة انها ان شاء الله هاتعجبكوا
وف الختام

ولاتنسوني من دعواتكم الصالحه
في أمان الله