|
نصائح لكل ست بيت لتستعد لشهر رمضان الكريم
نصائح لكل ست بيت لتستعد لشهر رمضان الكريم كل عام وانتم بخير السلام عليكم ورحمة الله وبركاته كل عام وانتم بخير بمناسبة قرب قدوم شهر رمضان وانا عارفه شهر رمضان يعني إيه بالنسبه لستات البيوت يعني وقفه طول النهار في المطبخ http://www.mazikao.net/vb/imgcache/22680.png وتعب على اخر الليل من المجهود اللي بتعمله وطبعا الشهر بيعدي ومبتعرفيش تتفرغي لقراءة القرآن ولا لأي شئ احنا هنقول مع بعض بعض الأفكار اللي تخلينا نلاقي وقت نتفرغ فيه لطاعة ربنا في الأول عايزه بس اوضح حاجه ان إهتمامك بيبتك ومجهودك في الشهر ده يعتبر جهاد اذا عقدتي النيه انك بترضي بيه ربك ثم رضا زوجك استعيني بالله واكثري من الدعاء ان ربنا يقويكي في الشهر ده على طاعته نيجي بقى لموضوعنا فاضل على رمضان حوالي 22 يوم بإذن الله إيه رأيكم نستعد ليه من دلوقتي هتقولولي ازاي هقولكم اول حاجه بتضيع وقتنا في المطبخ تقشير التوم والبصل انا هقولكم على طريقه حلوه اوي قلتها لأختي من اول ما اتجوزت وهى لغاية دلوقتي بتعملها هاتي من دلوقتي كمية توم تكفيكي لشهر رمضان وقشريهم وافرميهم في الكبه فرمه بسيطه http://demos.smaris.net/pro/trade/pr...1238370976.jpg ما تخليهمش عاملين زي العصير وحطيهم في علبة محكمة الغلق اوي وحطيهم في الفريزر واستخدميهم طول شهر رمضان وصدقيني هتلاقيهم فريش جداً زي ما يكون لسه عاملاهم حالاً يعني متخافيش وعلى فكره مش بيخلي ريحة الفريزر توم لانك بتحطيهم في علبه مقفوله اوي بس تكون علبة نضيفه ومفيهاش اي مايه نفس الحكايه بردوا للبصل تاني حاجه بتضيع وقتنا المكسرات اللي بنستخدمها في الخشاف وفي حشو الحلويات احنا هنبتدي من دلوقتي نعمل علبتين واحده نجهز فيها الحشو والتانيه لمكسرات الخشاف وبردوا متخافيش مش هيحصلهم حاجه طالما انهم في علب نضيفه وناشفه وهنقطع من دلوقتي كميه بلح عشان نستخدمها طول الشهر بالنسبه للخضار ممكن نسلق الخضار سلقه بسيطه ويتحط في اكياس في الفريزر ليه متعمليش لنفسك من دلوقتي جدول للاكلات http://2.bp.blogspot.com/_rvrznRC07B...ra_Cartoon.gif اللي هتعمليها في رمضان وخصوصاً العزومات ولو في حاجه ممكن تحضريها من دلوقتي وتعينيها في الفريزر ده هيوفرلك وقت ومجهود في رمضان معلشي يمكن كل ده يتعبك دلوقتي لكن هترتاحي في رمضان وهتلاقي وقت تقري فيه قرآن وتصلي قيام الليل http://sfiles.d1g.com/photos/99/92/3139299_normal.jpg طبعاً النصايح كتير بس عايزين نشوف افكاركم انتم كمان لنستعد لهذا الشهر الكريم |
| All times are GMT +3. The time now is 10:41 PM. |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd.