|
كيكة الشطرنج بفكرة مختلفة وبسيطة
كيكة الشطرنج بفكرة مختلفة وبسيطة ** اخواتى الحبيبات لعلكم بخير جميعا وبافضل حال ** ::::::::::::: كلنا عارفين كيك الشطرنج وشكله الجميل وبما ان له اكتر من طريقه اخترت اسهلها ونفذتها والفكرة للشيف اسامه السيد بارك الله فيه وكمان الشيف منال العالم بتعملها بصوانى مخصصه وبتكون متقسمه من الوسط 3احجام عشان كده بحثت على اليوتيوب ولقيت اسهل الطرق وغيرت فيها كتير انا اخدت الفكرة فقط من الشيف اسامه وعملت كيك اسفنجى لانه كان عامل مقدار كيك دسم وكمان الكريمه مختلفه انا اقتبستها من التيراميسو وحلى الطبقات اما الشوكولاته فهى من حلى البسكويت من النت يعنى اخدت من كل وصفه فكرة وجمعتهم هنا بالشكل ده ان شاء الله تعجبكم و تنفذوها لانها فعلا رائعه الخطوات بسيطه بس الصور كتير عشان تكون واضحه للجميع نبدأ بسم الله المكونات كيك اسفنجى ابيض ساده كيك اسفنجى شوكولاته فى نفس الصينيه نكرر المقدار ولازم الصينيه مستطيله كبيرة الكيك الواحد ب 4بيضات كبيرة ونص كوب سكر او اكتر معلقه و3/4 كوب دقيق فاخر واقل من ربع كوب ماء دافى وم ص بيكنج بودر وفانليا و م ص خل ابيض ومكانش عندى نشا وافتكرت ان مامتى ربنا يخليهالى دايما بتعملنا الكيك الاسفنجى واحنا اطفال بدون نشا وبيكون تحفه 1كوب شربات خفيف 2 باكيت كريم شانتيه علبة قشطه 170جم نصف كوب حليب بارد 1باكيت كريم كراميل البودرة فقط http://files2.fatakat.com/2012/1/13268150605037.jpg نخفق الكريمه مع الحليب المبرد او المثلج حتى تتضاعف ثم تضاف القشطه والكريم كراميل البودر والفانيلا ونستمر بالخفق حتى نحصل على خليط كريمى متماسك الكريم كراميل بيخلى الكريمة متماسكه جدا ومائله للون الاصفر وبيساعد على تماسك طبقات الكيك فيما بعد لكن بامكانك وضع كريم شانتيه فقط مع الزياده ل 3 مغلفات او كريمة الزبده زى تورتتى السابقه هنقسم الكيك المستطيل بالنصف بالطول يبقى 2شريحة كيك ابيض و2 شريحة كيك بنى بالفرشاه نسقى الشريحة الاولى بالسيرب مش لازم تخلصى كوب الشربات كله يعنى على حسب ما تاخد الكيك المهم توزعيه كويس من البدايه للنهايه على كل طبقه وبعده كريمة وبعدين نفرد الكريمة وزى ما حضراتكم شايفين الكريمة متماسكه جدا وممكن تستعمليها فى اى كيك او تزيين نهائى وكمان طعمها رائع واخف من كريمة الزبده http://files2.fatakat.com/2012/1/13268154966399.jpg هنا هنبدل الطبقات يعنى الاول كيك ساده وبعدين كيك شوكولاته ونسقيه بالسيرب ايضا ثم كريمه ونكرر ابيض وننتهى باخر واحده رقم 4 شوكولاته او العكس زى ما تحبى بالسكينه المشرشرة هنساوى الاطراف خفيف جدا وندخلها التلاجه ساعتين او الفريزر لو مستعجله لمده ساعه عشان الكريمه تتماسك مع الكيك ونعرف نقطعها فيما بعد http://files2.fatakat.com/2012/1/13268197677023.jpg بعد ما الكيك تماسكت مع بعضها هنقطعها تانى استنى طولى بالك هى دى اهم خطوة ... هنقطع الكيك على 4 بالطول وحاولى تحددى المسافه بالسكينه الصغيرة ولو عندك مسطرة يكون افضل انا مش عندى لان ابنى فى حضانه وعملتها عشوائى وكانت مايله شويه بس مش مشكله كله هيتاااااااااااااكل نكرر طبقات الكريمه تانى بين كل راق وكتريها عشان تمسك المربعات سوا .... ركــــــــــــزززززززززززى ..... هنحط الكيك بالعكس اللى اخرها ابيض يبقى عليها كيك اخرها بنى هتقلبيها بس سهله جدا http://files2.fatakat.com/2012/1/13268201302492.jpg كده خلصنا وغطيتها من فوق بلمسه خفيفه من الكريمه الباقيه وقطعت الاطراف تانى ودخلتها التلاجه عشان احضر الصوص وممكن تعملى كريمه ساده او اى صوص شوكولاته بتحبيه وتزيينيها براحتك حسب افكارك http://files2.fatakat.com/2012/1/13268203821144.jpg نكمل بسم الله اسهل واجمل صوص شوكولاته تقدرى تستعمليه فى وصفات كتير وطريقته على نفس مبدأ البشاميل المكونات 2م ك زبده او سمنه مع معلقه زيت 3م ك مليانه دقيق نحركهم على نار هاديه لغايه ما يبقى دهبى فاتح3 دقايق بس وبعدين نبعده عن النار ونضيف 1و1/2 كوب حليب (انا استعملت كوب حليب الشوكولاته الجاهز بالشاليمو ونص كوب حليب ساده فيما بعد ) 4م ك سكر +4 م ك كاكاو نخلط المكونات ونرجعهم تانى للنار ونستمر فى التقليب بالمضرب السلك http://files2.fatakat.com/2012/1/13268235362824.jpg لغاية ما يبقى الخليط ناعم ومتجانس ولو تقيل خففيه بالحليب بالتدريج ويكون بالشكل ده http://files2.fatakat.com/2012/1/13268235935081.jpg الصوص مغطى الاسباتولا وفى نفس الوقت بينزل منها بشكل منقار وهو ده القوام المطلوب لاهو تقيل اوى ولا خفيف اوى وكل ما يبرد يجمد اكتر http://files2.fatakat.com/2012/1/13268236535901.jpg نصبه على الكيك مباشرة وهو سخن عشا يتجمد عليها ويتماسك ونوزعهباسباتولا على السطح والجوانب ونشيل الزياده وندخلها التلاجه بسكوتة تصبيرة بحشوة الشوكولاته اللذيذه لانى مش باقدر اقاومها تقدرى تعمليها لولادك حلو سريع وتغطيها بالمكسرات او الفارماسيلا الملونه او جوز الهند او ساده زى كده http://files2.fatakat.com/2012/1/13268238662832.jpg عملت مغلف كريمه بس كمية الحليب اقل من المكتوب على العبوة وزينت الاطراف انا زينتها وكتبت عليها وباقى نص كمية الكريمه احتفظت بيها فى الفريزر بكيس الحلوانى النايلون لوقت اخر بمشيئة الله نكمل بمشيئة الله الكيك بعد ما نغطيه بالشوكولاته ونزينه بالكريمه لازم يسقع فى التلاجه قبل التقطيع عشان الطبقات تتماسك مع بعضها وما تتفكش اثناء التقطيع انا عملتها قبلها بيوم نقلتها بالراحه من الطبق الاول وحطيتها على كرتون مستطيل مغلف بالفويل وهنا لما اتقطعت طبعا هى مش مظبوطه لانى عملتها بدون مسطرة وايدى مالت اثناء التقطيع الف هنا وعافية هيفولا :o |
| All times are GMT +3. The time now is 05:43 AM. |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd.