[بنت الاسلام]

الأخت / فـــــاتوووو

خواطر مُشرقة

( الخاطرة الرابعة )

اسم الله المجيب

خواطر مُشرقة ( الخاطرة الرابعة)

( بيِلهمك الدعاء وبيِلبيلك النداء)

هو المجيب .. حبيبك اللي ياما استجاب ليك ..

وكان أقرب إليك من حبل الوريد ومن أي إنسان بيعطيك ..

ياما وياما دعيته وحقلك اللي أتمنيته ..

لكن الشيطان ينسيك إن اللي حصلك هو إجابة من ربنا ليك ..

علشان تنسى إنك بتملك أعظم سلاح بيقويك ..

عشت يا صاحبي حياتك وحلمت وأتمنيت ..

وربنا قال لك اطلبني يا عبدي وأنا هعطيك لبيك ..

وساعات بتدعيه من جوات قلبك فبيستجيب منك ..

لأنه أقرب إليك من أي إنسان قريب حبيب ..

لكن ساعات بيأخر الإجابة عارف ليه يا صاحبي ؟

لأنه بيحبك وبيحب يسمع صوتك بتنادي عليه

رغم إنك بتعتقد وقتها إنه ترك استجابة دعوتك ليه ..

على فكرة! ساعات بيأخرها لأنه بيهيأك للي كنت بتحلم بيه ..

وبيضيق عليك في حياتك علشان ترجعله وتقول له يارب أنا كلي ليك وبيك ..

وأوقات بيجعلك تشعر بالوحدة والوحشة في حياتك !!

علشان تروح ليه وتعتر فله يارب أنا مالي أنس إلا بيك وقلبي بين أيديك ..

المجيب يا صاحبي بيحققلك المستحيل .. بس لح عليه ..

لأنك بالإلحاح حتحقق أمور تفوق التفكير ..

واجعل يقينك بيه وحسن ظنك فيه أكبر من أي حلم بتعتقد إنه صعب التدبير ..

وأخشع يا صاحبي .. لأن الخشوع في الدعاء من أسرار تلبية النداء ..

ولا تستعجل الإجابة !!

ياما ناس أوقفت الدعاء قبل آخر لحظة من استجابة النداء

فاتوووو