خلية السينابون
السلام عليكم
خلية السينابون حلا جدا شهيه وطعمها الذ من السينابون العادي
وكمان مره سهل ما يحتاج لف ولا مجهوووود
اخليكم مع المكونات
خليه السينابون
1-اي عجينة انتي معتمدتها
هذي مكونات عجينتي المعتمدة
(كوب وثلاث ارباع دقيق+ربع كوب او اقل زيت +نص كوب حليب دافي
+ملعقة اكل خميرة+ملعقة صغيرة ملح+نص ملعقة صغيرة بكينج بودر+ 3ملاعق اكل سكر )
نعجن المكونات السائله اول وبعدين نضيف الجافه ونعجنها ونخليها تتخمر
2-كراميل (نص اصبع زبدة مع 5ملاعق سكر بني استخدمت سكر ابيض
تذوب على النارونسيبها على جنب)
3-الصلصة البيضاء (نستله وجبن كيري )
............................................
اول شي تكور ممكن نحشيها جبن انا ما حشيتها تصف في صينيه مدهونه بزيت
ورشة دقيق وبالفرن حتى تستوي بعدين نطلعها ونصبلها الزبدة
إللي ذوبناها مع السكر ونرش قرفة بعدين نصب الصلصة البيضاء
فوقها ونرش قرفة ونقدمها بالعافيه
طريقه تحضير الحلا بالصور:
اولا مكونات العجين
نعجنها ونخليها تتخمر على جنب
نحضر الصلصه البيضاء نخلطها ونسيبها على جنب
اللحين بحضر الكراميل الزبدة والسكر
احركها اللين ما تذوب السكر تقريبا زي الشيرة
اللحين بعد ما اختمرت العجين بجهز صحن الفرن
امسحها بزيت وارش عليها شويه دقيق
اكور العجين واحطها في صحن الفرن
ممكن تحشوها بجبن بس انا ما حشيتها
هذي شكلها بعد ما تخرج من الفرن
اضيف عليها الكراميل الي سويناها من اول بالزبدة والسكر
وارش عليها قرفه
اول ما يمتص الكراميل هنا اضيف عليها الصلصه البيضاء
الى سويناها من قبل وارش عليها قرفه
هذا شكلها النهائي
