[vip_vip]

الحلقه الثالثه من حمله لآجلك ربي
الحلقه التالته
السلام عليكم
وعليكم السلام ورحمه الله وبركاته
حلقه اليوم
(توبي وربنا هيتوب عليكي)
عامله ايه دلوقتى مع ربنا؟
اسكتي ..اشتغلت شويه وكل
شويه افتكر الذنوب اللى عملتها
واقول ازاى ربنا هيغفرها لى
خلى بالك ده شيطان عاوز
يخلى كل اللى عاملتيه
تهديه بايدك تانى
و ماتنسيش الحوار اللى حصل بين
الله عز وجل
و الشيطان لعنه الله
لما كان الشيطان
خارج من الجنه بيقول
لربنا
(وعزتك وجلالك لاغوينهم اجمعين)
وربنا بيرد عليه وبيقوله
(وعزتى وجلالى لاغفرن لهم ما دامو يستغفروننى)
ايه رأيك !!
يعنى ده شيطان عاوز يبعدنى
عن ربنا
وربنا بيقول لو استغفرته هيغفر لي
ماشى ندخل فى حلقة النهارده
ماشى
3..2..1..
السلام عليكم
وعليكم السلام
حلقتنا النهارده عن ازاى نتوب
فى البدايه ..
نعرف ايه اللى بيحصل حولينا
كل يوم
ان الله ينزل الى السماء الدنيا كل
يوم فى الثلث الاخير من الليل
ويقول
هل من مستغفر فأغفر له
هل من تائب فأتوب عليه
هل من داع فأستجيب له
(انتي فين بقى فى الوقت ده)
..........
وخلى بالك ان الله ينزل الى
السماء الدنيا
بالنهار ليتوب مسئ الليل
وبالليل ليتوب مسئ النهار
(والله مالكيش حجه)
ايه ده ...كل دي بقى فرص
موجوده قدامى وانا مش اخده بالى
وخلى بالك
ان ربنا من اسمائه
التواب وليس التائب
عارفه ليه
ليه ..؟
لان لو ربنا اسمه التائب
لو عملتي معصية وتبتي هيتوب عليك
مرة واحده بس
ولكن اسمه التواب يعنى مهما تتوبي
هيتوب عليكي
انه الله
ونعم بالله
وخلى بالك ربنا مش هينقص
من ملكه شئ لو ماغفرلكيش
ومش محتاجلك فى حاجه
ولكن..
انا اللى محتاجاه ..عارفه
بس ماعرفش هو هيقبلنى
ولا لأ
طيب بصي لو انتي عاوزه تتوبي بجد
وبصدق من قلبك
هيتوب عليكي
وما تنسيش ان
الله كريم جدا
واكبر من ذنوبك
لذلك ادعى
اللهم ان ذنوبى عظيمة ولكن
عفوك مغفرتك اعظم فاغفر لى وتب على
صدقنى لو انتي عاوزه تتوبي بجد
روحي لربنا واترجيه وربنا
بيستحى اني يردك وانتي خائبه فى دعائك
وثقي بالله ومالكيش دعوه
وبس ...
ايه ده حلقة النهارده
قصيرة جدا
انا عارفه لان ما يتضمنه حلقة النهارده
كله قلته ومن الاخر
صلى ركعتين توبة وادعى فيهم
وثقي فى الله
وما لكيش دعوة وسيب الباقى على الله
طيب وحلقة بكره هتبقى عن ايه؟
ان شاء الله
هتبقى ازاى تلحقي نفسك من النار
مش كده وبس
امال ايه
برده عن ازاى تحرمي جسدك على النار
وازاى تخلى النار تتدعى ربنا
انه يبعدك عن النار
الى اللقاء فى الحلقة الرابعه من حملة
( لآجلك ربي )
بأذن الله تبارك وتعالى