طريقة عمل سبرينج رول
السبرينج رول بالخضار
و ممكن ينعمل بحشوات تانية لو تحبوا
بالدجاج أو اللحمة أو الجبنة
المقادير
الحشوة :
ملفوف أبيض و بنفسجي مبشورين و ممكن الأبيض بس ، جزر مبشور ،
بصلة كبيرة ، حبة كبيرة فلفل رومي ، قطعة زغيرة زنجبيل ،
تلت حصوص توم زغار ، و في اشي اسمو براعم الفاصوليا
بتلاقوه بالأسواق و إذا ما كان موجود مش ضروري ،
مكعبين ماجي ، ملح رشة بسيطة و فلفل أسود
و طبعا رقائق السبرينج رول و بيضة مخفوقة
عشان نلزق السبرينج رول لما نحشيه
و عشان زنخة البيض حطيت شوية فانيلا
ما بتأثر عادي و اللي ما بدو بيض ممكن
يعمل خلطة مكونة من دقيق و ميه
بتخلطوهم منيح لما تصير عجينة سائلة
الطريقة :
يفضل استخدام المقلاة الصينية ( الووك )
أولا بنفرم التومة و الزنجبيل
و بنقليهم بشوية زيت
و بنقطع البصل جوانح و بنحطو على التومة و الزنجبيل
و بنخليه يتقلب منيح لحتى يدبل
و بنقطع الفلفل الرومي
و بنحطو على الخليط السابق
و بنخليه يدبل شوية
بعدين الملفوف و الجزر و براعم الفاصوليا و بنخليهم يدبلو
بعدين بنفتت مكعبات الماجي هيك
و بنحطهم فوق الخضار
و رح يدوبو من مية الخضار
و بنحط رشة الملح و الفلفل الأسود
و هيك بتصير الحشوة أنا بحطها
في مصفاية عشان تصفي ميتها
بعدين نجي لطريقة الحشي
رح تشوفوا الخطوات بالترتيب
هنا ملاحظة صغيرة :
بندهن الطرفين بالبيض مش طرف واحد
و بتنقلى بالزيت و تقدم 
الف هنا وعافية
اختكم /هيفولا
