[هيفولا]

شوربة بحرية
مندي دجآج
بيتزآ
كيكة الشوكولاتة
حلآ الكآسآت
بسبوسة




شوربة بحرية ’ لذييييذة حيييل كٍل مًن ذآقهآ حبهآ
و البعض يقول آلذ شوربة ذقتهآ
مٍن بنآت آفكآري

* المكونآت
بحريآت :
حبآر
روبيان
كاليماري<< ممكن الاستغناء عنه
جزر مقطع مربعات
ورقيآت مفرومة :
شبت .. بقدونس .. كزبرة
كريمة خفق
كمية بسيطة من الطحين الابيض للي يحبها ثقيلة نفسي
زيت زيتون
مكعب ماجي
و الأهممممم ’,’ وآيت صوص من Colmans,’.
وهاي صورته



فٍ البدآية ..
نتبل البحريات بفلفل اسود وليمون و ملح
ونتركه ربع ساعة
بعدهآ ع النار نحط زيت زيتون فٍ مقلى او تاوة
و نحط له المأكولات البحرية اللي تبلناها مسبقآ
بنلاحظ ان البحريات رح تطلع مآي
و هاي افضل عشان ريحة الزفرة تروح
بعدها فٍ قدر ثاني
نحمي زيت زيتون مع مكعبات الجزر
و نضيف له البحريات و نقلبهم مع بعض
و بعدها نضيف الثوم المهروس و نص كمية الورقيات
نضيف المآي
بعدهآ الكريمة
و مكعب المآجي
و وآيت صوص
ممكن تستخدموا اكثر من واحد حسب الكمية
اللي يحبها ثقيلة يضيف لها طحين ابيض كمية بسيطة
و نسكر عً القدر و نخليه عً نار هادية 3 دقائق
نفتح القدر و نضيف له باقي الورقيات
و نخليه 5 دقايق زيادة ونسكر عليه و بالهنآ

===========



مًندي دجآج

جربت طرق مندي وآآآيد بس هاي اللي اعتمدتها خلاص و اسهل طريقة بالنسبة لي

*المكونآت
عيش او رز
دجاج و ممكن لحم
بودرة الزعفران
خل ابيض
ملح
بزار [كالعادة استخدمت عمآني]
هيل / قرفة مطحون
كزبرة حب
رشة جوز الطيب

على فكرة ممكن نسوي نفس الطريقة بصينية الفرن وتطلع لذيذة
بس آني طبخته بالقدر

المهم ..
نبدأ نقطع الدجاج نصين و نغسله زييين من الزفرة
بعدها نتبله مع الزعفران المطحون
و جوز الطيب و الخل و الملح و الزيت و البزار ونخليه من ربع لنص ساعة
نغسل العيش و ننقعه مع ماي وملح

آحين يبدأ الشغل ..,
نولع فحمة ع النار لين ما نخلص الخطوات
على قدر نحمي زيت و نضيف له حب الكزبرة لين مآ تتحمر شوي وتعطي ريحة
نصفي العيش من الماي ونضيفه مع الكزبرة
ونقلب العيش ع الزيت ثواااني بس و نسكر ع النار
نضيف شوووية بزار و ملح حسب الرغبة
و نغطي العيش بمآي على حسب نوع العيش اللي تستخدميه
آني استخدم باب الهند و ارتفاع الماي عن العيش تقريبا 3 سم

ملاحظة :
ممكن تستبدلي الماي العادي بمرقة سلق دجاج ولأ لحم
مرة احتفظت بمرق سلق اللحم بالثلاجة
و استخدمته بدل الماي العادي لمندي الدجاج وطلع رهيب والله

نكمل ..

نجيب المنيوم و نغطي به القدر ونعمل به ثقوب
و نحط الدجاج فوقه ونخلي ف النص طاسة صغيرة فيها زيت
و قشور بصل و شوي بزار للنكهة
نحط الفحمة اللي ولعناها ف الطاسة و نسكره على طووول بألمنيوم
و نتأكد اننا احكمنا الاغلاق عشان لا تتسرب ريحة الفحم و لا البخار

نحط القدر ع نار عالية لين ما نحس انه بدأ الرز بالغليان
و بعدها نقصر ع الآخر و نخليه من نص ساعة إلى ساعة

بعد ما نكشف ع القدر بنلاحظ انه تصبغ من فوق من الزعفران
اللي نزل من الدجاج
و اذا حبيتوا الدجاج بتحمير وقرمشة شوي نحطه بالفرن يتحمر دقايق

المندي بدون الشتني مآ له طعم
طريقتي فٍ عمل الشتني :
طمآطم حمرآء-فلفل اخضر حار
بقدونس-بصل كمية بسيطة
ثوم
نعناع / اختياري
ملح-ليمون

تخلط جميع المقادير بالخلاط
و بالهنا



بييييتزآ
تتحدى بيتزآ هت ’ لذيذة و شهية

العجينة :
ثلاث اكواب و ربع طحين ابيض
كوب و ربع مآي
نص ملعقة صغيرة سكر
ملعقتين صغار خميرة فورية
ملعقتين كبار زيت زيتون بكر
ملعقتين صغار ملح
ملعقة كبيرة بودرة ثوم
نص كوب سميد ناعم
رشة اوريغانو ,,<< اختياري

الطريقة:
نخلط الماي مع الزيت و السكر بعدين نضيف الخميرة
و نص السميد وكوب من الطحين وبودرة الثوم
ونخلطهم لين ما يتجانسوا رح تتكون ويانا عجينة رطبة
الحين نضيف الملح
و باقي الطحين و السميد و نعجن ليييين مآ تتكون ويآنآ عجينة طرية

ندهن العجينة بشوي زيت زيتون ونغطيها تتخمر ..
و ممكن نخليها فٍ الثلاجة ليلة كآملة
آني آعجنهآ عند آذآن الظهر تقريبآ و اسويهآ العصر :$
حلآة الشي على مهله

طريقة صوص البيتزا :
صلصة طماطم=بودرة الثوم
بودرة الزنجبيل=ريحان مجفف
ملح-اوريغانو

نحطه ع النار يتجانس شوي وتطلع ريحته .,
و نحتفظ به بالثلاجة ونستخدمه وهو بارد شوي على العجين
اذا استخدمناه وهو حار بيخرب العجينة .,

الحشوة:
كفتة [اشتريت كرتون جاهز وتركته يذوب الثلج عنه
و عجنت كل كور الكفتة مع بعض بعدهآ نتفت قطع صغيرة منه
و وزعتها بشكل عشوائي عً البيتزآ ]
ببروني =طماطم مجفف
خضآر طازجة مقطعة شرائح
فلفل رومي =بصل
مشروم=جبن موزاريلآ=جبن قشقوآن

نفرد العجينة فٍ صينية دائرية مناسبة للبيتزا
افضل اللي بدون اطراف
نحشي الاطراف بنقانق و كمية بسيطة من جبن الموزاريلا
أو بطريقة ثانية نحشي الاطراف كلها بجبن موزاريلا

ونقفلها و نخليها تتخمر وترتاح عشان الاطراف تلصق بسطح العجينة
ألحين نحط بالترتيب على سطح العجين
صوص البيتزآ
كمية بسيطة جبنة موزآريلآ
نوزع بطريقة عشوائية
[كفتة .. ببروني .
شرائح المشروم و الطماطم المجفف و البصل و الفلفل الرومي]
جبنة موزاريلا ,,< كونوا كريمين
كمية بسيطة جبن قشقوان [اختياري]
زيتون اخضر واسود
و ندهن الاطراف بزيت زيتون و رشة سميد
ندخلها الفرن لين ما تتحمر من تحت وفوق
النتيجة رووووعة وفرحتني و للأمانة اللي ذاقها يقول كأنها من بيتزا هت
و بالهنآ
===========



كيكة الشوكولاتة
ب سرررر عجيب و غريب و رهيب

المقادير :
ثلاث ارباع كاس طحين ابيض
كوب كاكاو
كوب سكر
ربع ملعقة صغيرة بكنغ بودر
نص ملعقة صغيرة بكنغ صودآ
بيضة
ملعقة صغيرة فانيليا
ذرة ملح
ثلاث ارباع كاس مآي
و السرررررر
كوب مآيونيز
[استخدمت آمريكآنآ لأني أحبه ]
الاضافات :
قيمر 1
تقريبا 4 حبات جبن كيري
3 جالكسي سادة
ملعقتين حليب سائل

فٍ البداية نخلط كل المكونات الجافة مع بعض
و ننخلها

بعدها..
نخفق البيضة مع السكر و الفانيليا
لين نحصل على خليط ابيض كريمي
بعدها نضيف المايونيز ونخلط لين ما يتجانس مع المكونات

بعدين نضيف الطحين و الماي بالتناوب لين ما تخلص المقادير
و يتكون ويانا خليط لا هو ثقيل ولا خفيف ..
نصبه عً صينية منآسبة وندخله الفرن
آني استخدمت دائرية

بعد ما تجهز الكيكة نحطها تبرد
نقطع اطرافها ب عرض 2 سم تقريبا
ناخذ الاطراف و نفتتها بنلاحظ ان قوام الكيكة نااااعم وخفيف
نضيف له قيمر و جبن كيري
ونخلطهم بالخلاط
نصب الخليط فوق الكيكة

وندخلها الفريزر تجمد شوي
فٍ هالوقت نسوي الغنش : نذوب الجالكسي فٍ حمام مائي
ونضيف له ملعقتين حليب سائل
نطلع الكيكة من الفريزر و نصب الغنش ع الكيكة من فوق
و نزينها باللي نحب او اذا حبيتوها سادة , ع راحتكم

اللي بتسأل عن نكهة المايونيز ,, ترآ مووول مآلهآ أثر
مهمته بديل للدهن [الزيت آو الزبدة]
ويعطي طراوة و نعومة للكيكة
و بالعافية
===========



فكرة حلا الكاسات جات من مرة
كان قصدي اسوي نفس الطريقة اللي قلتها قبل شوي
بس و آني آفتت اطراف الكيك جا فٍ بالي افتت الكيكة كلها
و اسويها حلا كاسات

الطبقة الاولى |
كيك مفتت
الطبقة الثانية
قيمر + جبن كيري + حليب مركز
الطبقة الثالثة
غنش بس بدل ما اذوب الجالكسي مع حليب ضفت له قيمر




اللي تلاحظوه فٍ الصورة 3 انواع
نوعين بطبقة غنش و زينته بمالتيزرز نوع مكسر ونوع مطحون شوي
و نوع بطبقة كيك مفتت هالنوع اضفت له من فوق خليط :
ملعقة كبيرة حليب + رشة فانيليا و نسكافيه
و نخليه بالثلاجة يبرد و بالهنآ
======



بسبوسة بالقيمر
[ سهلة ولذيذة وتذوب فٍ الفم ]
المقادير :
بيضتين
رشة فانيليا
علبة قشطة
بيالة زيت ( ربع كوب تقريبا )
كوب جوز هند
ملعقة صغيرة بيكنج باودر
ثلاث أرباع الكوب سكر
نص كوب سميد
نص كوب طحين

للتزيين :
قيمر
شيرة او قطر

تخلط جميع المقادير مع بعض بالويسك اليدوي او الكهربائي ماعدا السميد والطحين
بعد ما تتجانس نضيف الطحين و السميد ونخلطهم
و بعدها نصب الخليط فٍ صينية بايركس صغيرة
و نزين الوجه بالقيمر على شكل خطوط
تخل الفرن من 20 ل 30 دقيقة
و نطلعها و نسقيها شيرة ونزينها باللي نحب



فٍ الصورة قطعتهآ دوآئر وزينتهآ لزوم التصوير
آني آصلآ آفضلهآ بدون تزيين .. لذيييذة وهشة مع القيمر..
أحبها حارة و باردة