[هيفولا]

أحلى كيكة زبادى




لها طرق كتير
بس اظبط طريقة فيهم هي الطريقة اللى بتعايرى فيها الدقيق و السكر و الزيت
بنفس كوباية الزبادى

الطريقة دى انا كنت اخدتها من منتدى تانى من زماااااااان
ربنا يجازى صحبة الوصفة خير يارب
و فكرة الحشوة اخدتها من واحدة تانية خالص برضه من زمان
و ربنا يجازيها الجنة بجد غيرت فى طعم الكيك
و خليته احلى اكتر ما هوه حلو اصلا

فعلا فيها طعم السنيكرز عشان الحشوة فيها زبدة الفول السودانى

اولا الحشوة :
المقادير:

باكيت كريم كراميل
6 حبات اوريو
من 2 الى 3 معالق صغيرين بس مليانين زبدة الفول السودانى
شوكولاتة هيرشى ( حسب الرغبة )
فستق و جوز بيكان

هناخدهم كلهكم و نحطهم فى الفود بروسيسور

ونضربهم على سرعة متوسطةو ده بقى شكلهم

و اخدتهم حطيتهم فى طبق تانى

نيجى بقى للكيك

المقادير

المقادير كلها فى حرارة الغرفة

3 بيضات
معلقة صغيرة فانيلا
علية زبادى
( استخدمت اللى هيه 170 جرام لو مش عندكوا غير الصغيرة
اللى هيه 90 جرام او 80 يبقى جيبو اتنين )
نفس العلبة سكر
نفس العلبة زيت
2 من نفس العلبة دقيق منخول
( انا بنخله و لما اجى احطه على المقادير فى الفود بروسيسور )
معلقة كبيرة بيكينج باودر

الطريقة :

هنا حطيت الزبادى فى طبق و غسلت العلبة
و نشفتها عشان اعاير بيها باقى المقادير

الاول نحط البيض و السكر مع بعض 5 دقايق كده
و نضربهم كويس فى الفود بروسيسور

هنا بعد ما انضربوا كويس
( ممكن تحطى الفانيلا مع السكر و البيض بس انا عادة بعملها كده )

و بعدين تحطى باقى المقادير ماعدا الدقيق

و نضرب كويس هنلاقى الخليط تقل شوية كده

و بعدين نضيف الدقيق المنخول على دفعات واحد واحده
و دى كانت اخر دفعة

و د شكل الخليط فى النهاية

ندهن الصينية اللى هنستخدمها بزيت او زبدة و نرش الصينية بالدقيق

انا جبت صينيتين صغيرين و رشيتهم الاسبراى اللى فى النص ده

هنا بعد ما رشيتهم

و نحد نص الخليط بتاع الكيك

و بعدين نحط نص الحشوة

و دى صورة للصنيتين

و بعدين نحط باقى خليط الكيك



و دى برضة صورة للصنيتين قبل دخول الفرن



و دخلتهم الفرن الساخن من قبل كده على حرارة 180 لمدة نص ساعة تقريبا
و قبل ما نطلعها نتأكد من سواها بعود الشيش طاووق العود الخشب ده

و ده كان شكلها بعد ما طلعت



وده شكل الكيكتين



و طبقا زوقتها عشان طعمها يبقى احلى طبعا
جبت 6 كيرى و تقريبا نص نستلة ( حليب مكثف محلى )
و خلطتهم فى الخلاط


و صبيتهم على الكيكتين



و زينتها بهيرشى شوكلاتة و كراميل و واحده حطيت عليها
شوية جوز بيكان مجروش كمان
و التانية شوية فستق مجروش

و دى صورتها النهائية



و التانية بشوكولاتة اقل



الاتنين مع بعض



الكيك د على التلاجة عدل
كل ما اتساب فى التلاجة كل ما طهمه كان اطعم
بس لازم يتغطى بغطا الكيك ده عشان ماتنشفش من الجوانب
لما تقطعى منها و تدخليها تانى التلاجة

المهم
دى كانت صورة الكيك من جوه بعد التقطيع



و دى كانت قطعة من الكيك



يارب تجربوها و تعجبكم باذن الله

ولا تنسوا تدعولي
هيفولا