الموضوع
:
تشيز رولز
عرض مشاركة واحدة
#
1
12-05-2012, 03:24 PM
هيفولا
Super Moderator
تاريخ التسجيل: May 2010
المشاركات: 7,422
تشيز رولز
تشيز رولز
جميل جدا للفطار او العشاء
و سهل كمان
ودي صوره تجويعيه
يلا نبدا باسم الله
اولا انا عملته بعجينه العشر دقايق و اكيد كلنا عارفنها
و اللي مايعرفهاش هاقولها بردو
هي عباره عن مجموعتين
المجموعه الاولي تتكون من :
2 معلقه كبيره خميره فوريه
2 م ك لبن بودر
2 كوب دقيق
2 كوب ماء دافي
م ص ملح
ربع كوب سكر
و نخلطهم كويس ونسبهم عشر دقايق
دي صوره المجموعه الاولي من العجينه بعد 10 دقايق
المجموعه التانيه:
3 كوب دقيق
نصف كوب زيت
م ص بكنج بودر وده اختياري
وهاتضفيهم للمجموعه الاولي
وممكن تعمل ينص المقدار و بيطلع هايل انا بعمل نص علي طول
هاتسبيها من نص ساعه لساعه تخمر و بعد مانشكل هانيبها نص ساعه كمان
ممكن تشتغلي بيها علي طول لو تحبي و تسبيها تخمر بعد ماتتشكل ساعه
ودي بعد ماضفت المجموعه التانيه و خمرتبعد اقل من ساعه
كده خلصت العجينه
المطلوب للحشو بقي :
جبنه بيضا فيتا
جبنه رومي مبشوره
جبنه موتزاريلا
فلفل مقطع مكعبات
زيتوب اسود مقطع
حبه البركه
الطريقه بقي
هاناخد العجينه و نرش دقيق و نفردها علي شكل مستطيل بقدر المستطاع
بعد كده هانجيب جبنه فيتا و نفردها علي
العجينه بالشكل ده
بعد كده هانحط شويه زيتون مقطه و فلفل مقطع
و هانحط رشه جبنه رومي مبشوره
وبعدين موتزاريلا
وهانلفها رول كده ونبل طرفها بميه عشان تقفل كويس
و نقطعها بالشكل ده
ونرش فوقيها حبه البركه ونحطها في صينيه مدهونه سمن
و مرشوشه دقيق او علي ورق زبده
هانسبها تخمر شويه حوالي نص ساعه
وده شكلها
و هانحطها في الفرن علي 180 هاتاخد حوالي ربع ساعه او تلت ساعه
و بصي عليها كل شويه
ولو هاتسبيها تتحمر اكتر بالشوايه هاتبقي كده
وده شكلها من قريب
وده بعد ماقطعتها عشان اوريكم هشه ازاي و جميله
بجد رااائعه و هاتعجبكم اووووي
وده طبق صغير لاول فتوكه ترد
ملحوظه :
في بنات سألتني عن انها من تحت هاتبقي مفتوحه
و هاتتحرق في السوء و تنزل الحشو تحت انا جبتلكم صوره
اهو من تحت عشان تشوفو انها مقفوله عادي جدا
لانك لما بتسبيها تخمر بعد التشكيل بتقفل لوحدها العجينه
ومش بتقي الحشو طالع من تحت
هيفولا
هيفولا
مشاهدة ملفه الشخصي
إرسال رسالة خاصة إلى هيفولا
البحث عن المشاركات التي كتبها هيفولا