[هيفولا]

الخبز اليمني (الملوح) بالخطوات المصورة

حياكم الله على الخبز اليمني المعروف بالملوح

الصراحه طعمه خيال ويستحق التجربه

نبداء بالمقادير والطريقه
المقادير
2 كوب دقيق اسمر
2كوب دقيق ابيض
2 ملعقه حليب بودره
ماء للعجن
حبه سوداء (اختياري) زبده ذايبه
تعجنالمقادير السابقه مع بعض حتى تتكون عندنا عجينه قاسيه نوعا ما
وتترك ترتاح لمدة ربع ساعه
ثم تكور كور بحجم قبضه اليد وتترك عشر دقايق


وبعدين نبدا بعمليه الفرد نرش على العجينه دقيق



وهنا بعد الفرد ونرش عليها زبده بس قليل



وبعد منفردها نرشها بقليل زبده قليل بس يابنات علشان متصير هشه مره وبعدين نجيب الطرف اليمن ونحطه بالوسط مثل الصوره



وبعدين نلف الطرف الثاني بنفس الطريقه
بحيث تكون بهذا الشكل ونرش بعد قليل زبده




وبعدين نجيب الطرف العلوي نحطه في الوسط زي كذا




وبعدين نرش زبده ونحط الطرف السفلي على العلوي
وتصير العجينه بهذا الشكل




وبعد منخلص العجينه كلها نرجع نفردها مره ثانيه
وتكونين محميه الصاج ونبدا نفرد اول وحده بدينا بلفها




وعلى طول على الصاج الحاميه وتبغين تعرفين اذا عجينتك ناجحه ولا لا اول متحطينها على الصاج تبد اتنتفخ زي كذا



وبعدين نقلبها على الوجه الثاني ونقصر النار علشان تستوي براحتها



وبنفس الطريقه لباقي العجينه وهذولا الخبزات بعد مخلصوا



وصحتين وعافية

[هيفولا]

موضوع رائع وطريقة سهلة لعمل خبز لذيذ جداً
وانا احب هذا الخبز لذا حبيت انقل لكم الطريقة بالصور

حبيت احط لكم طريقة الخبز اليمني وهذا الخبز له عدة مسميات ويختلف على حسب المناطق
خبز يافعي وهو يرجع لمنطقة يافع في جنوب اليمن
والبعض يسميه خبز الطاوه او خبز ملوح

وهذا الخبز مشهور جدا في اليمن وخاصة اهل الجنوب ويعتبر عند البعض وجبة فطور يومية اساسية
لكن العبض يأكلها غداء او عشاء


المقادير

4 اكواب دقيق اسمر(البر)
4 اكواب دقيق ابيض
ملعقتين حليب بودره او نص كوب حليب سائل (( اختياري عشان يعطي لون حمار للخبز))
ذرة ملح
ماء على حسب العجين

الطريقة
تخلط المقادير مع بعض وتعجن بالماء حتى تصبح لدينا عجينه ملساء
ناعمة شوي نستطيع ان نتحكم بها وسهله في الفرد
ونتركها ترتاح لفتره كما تحبين وهذا اختياري

ونقسمها الى اربعة او خمسة اقسام على حسب الصاج الي عندك (الطاوة)
انا الطاوه حقي كبيره مره لهذا قسمتها الى اربعة اقسام
وبعد ان نقسمها نتركها ترتاح شوي يعني مثلا 10 دقائق
حتى نستطيع ان نفردها بسهوله


نحمي (نسخن ) الطاوة على نار عالية
ثم نااخذ قطعه ونفردها بشكل كبير ونمسحها بالزيت
ونثني جزء منها الى النص ثم ناخذ الجزء الثاني فوق النص الاول
ونحط شوية زيت
انا صورتها حتى يسهل عليا الشرح وتوضح لكم الطريقه


سوف نحصل على شكل مستطيل نعمل نفس الحركه
ناخذ طرف العجينه الى النص و اخذ طرف العجينه من الجهه الثانيه فوق النص الاول

ثم تفرد بشكل مربع ونحطها فوق الطاوة الساخنة

طبعا انا حطيت المنيوم تحت الطاوه من الاطراف عشان ما يتوسخ تحتها
او ينحرق لان فرني كهربا والطاوه تحرق القطع الحديد تبع الفرن

واول ما اشوفها بدة تتحمر اقلبها واخلي الجهة الثانيه تتحمر شوي

ثم احط شوية زيت على الجهة الاولى
وارجع اقلبها مرة ثانيه كي تتحمر واشوفها اذا شفتها حمرت
اقلب الجهة الثانيه بنفس الطريقه ثم واخرجها من فوق الطاوه

وتؤكل مع اي شيى تحبونة
(( جبنة ,بيض با أي طريقة , عسل , فاصوليا ,
فول مطفاية سمك اوسمك مشوي اومع شاهي حليب عدني او احمر الي تحبونه ))
طبعا انا طولت بالشرح لكن عشان اقدر اوصل لكم الطريقه
والا هي سهلة مره

احنا اكلنا الخبز مع سمك مشوي وشاي وحلبة
وطبعا هنا مافي تزيين ولا شيى صورة على عجل قبل في طاولة المطبخ
يعني لو كنت انتظر ازين كان ماشفتو الصور
لانهم كانو جوعانين وبالعافية امسكهم عشان اصور