[هيفولا]

جمبري مشوي في الفرن


نيجى بقى للجمبرى
اهم حاجه تنظيفه واننا نشيل خط الرمل الى فى الضهر
نعمل ايه بقى نجيب السكينه ونفتح الجميرايه من الضهر
ونطلع طرف خط الرمل بالسكينه
ونشده براحه هيتشد معانا بسهوله
انا حطاه فى صوره عشان تشوفوه










وبعدين ننقع الجمبرى فى مايه وخل وملح وليمون
فتره طويله شويه عشان اى زفاره تتشال

ونحطه فى صينيه ونحط عليه تتبيله السمك عادى انا تبلته قبلها بيوم
ونحطه فى صينيه مع بصل وطماطم
انا بحب ابشرهم كده الجمبرى بيشربهم وبيبقى تحفه
نقلبهم عليه ونغطيه بورق فويل
وبعدين نعريه نشوفوه لو لونه بقى برتقالى اوى يبقى استوى
نولع الشوايه ونحطه شويه تحتها ينشف المايه الى فيه ويتحمر شويه




غطيته بالفويل



هنا استوى وبقى تمام
نرصه بقى تحت الشوايه لحد ما يحمر


الف هنا وعافية

هيفولا