[هيفولا]

طرق للفراخ المشوية



اولا انا تتبيلتى تقريبا واحده
بصل مطحون
-طماطم مش كتير حبايه او اتنين-
-توم--فلفل اخضر وورق لورى
وحبهان وبهارات فراخ
ومرقه دجاج وصويا صوص
وهى اللى بتخلى فراخى غامقه لانى بعشقها
وممكن متحطهاش والفراخ هتبقى تمام برضو
بس عوزة فراخك تبقى حلوة وزى الفل كترى الفلفل الاخضر والتوم
بتبقى نكهتها جميله
يعنى على الفرخه انا بحط قرنين فلفل رومى
وحوالى خمس او ست فصوص توم


1- فراخ على الجريل واللى معندوش طاسه جريل ممكن طاسه تيفال
بحط شويه سمنه والفراخ بكون متبلاها عدد الساعات اللى تحبيها
تسخن الطاسة وبروح نازله بالفراخ وبيكون فى شويه مرقه فى الطبق
كل اما تنشف الفراخ اسقيها بالتتبيله وبكون مزوده على التتبيله صويا مخففاها بالميه
واقلب الفراخ طبعا لحد ماتستوى لو دبابيس بتستوى علطوول
وطى عليها وسط مش اوى علشان تستوى من جوة
وفى الاخر بعمل موضوع الفحمايه ده
وبيبقى ده شكلها نهائى
اعذرونى علشان ولادى
والله مبعرفش ومبلحقش اصور الخطواات



واللى فوقيها ده الصوص طعمه والله حلو بشهاده اللى اكل

الطريقة التانيه

2-بتبل برضو الفراخ بنفس الطريقه
واحطها فى صينيه عادى جداااا بس بكون سيباها فى التلاجه ساعات
بصراحه وبتبقى روووعه
ودى صورتها وهى متبله وكل اما تنشف بزودها ميه



ودى بعد مااستويت ومتحرقتش والله هى لونها غامق
وبيغمق زياده فى الصور




التالته بقى جبت الشبكه اللى هى بشوى فيها الفراخ ع الفحم
وحطيت فيها الوراك وكنت متبلاها نفس الطريقه
وكانت بجد فظيييعه ضغطه الشبكه خلتها جميله
وحطتها ع شبكه البوتاجاز برضو وشغلت الفرن على 240
وحطيت تحتها صينيه فيها بقيت التتبيله
وكام واحده بطاطس كده لزياد ابنى عشان بيحبها
وادى صورها



وعملت موضوع الفحمه برضو
وكانت جميله والله

الف هنا وعافية

هيفولا