[حور العين]

من: الأخت / غرام الغرام ( أم عزام )
المدرس والجزار


‏مدرس راح عند الجزار يشتري كيلو لحمة .
شافه الجزار ، خرج إستقبله ، وجابله كرسي ، وقال له إقعد إستريح شوية ياباشا ، وبعت الصبى يجيب له قهوة .
وقال لصبيه هات للباشا إتنين كيلو كباب ، وإتنين كيلو كفتة وإتنين كيلو سجق ، وإتنين ، وإتنين .
الجزار رحب بالمدرس كويس ، وقاله كل طلباتك أوامر ، من غير ماتدفع ولا جنيه .
إتفضل يا باشا هوصلك البيت بعربيتى .
في الطريق المدرس سأل الجزار :
إنت بتعمل معايا كل دا ليه ..؟
الجزار قال له :
أنا كنت تلميذ عندك ، وفى يوم من الأيام وقفتنى فى الفصل أسمع جدول الضرب ،
وماكنتش حافظه وهددتني انك هتضربني كل حصه ،
وهربت من المدرسة ومرجعتلهاش تانى .
وإتعلمت الجزاره ، والحمدلله بقا عندي عشر محلات جزاره ،
وبقيت أكبر مورد للحوم للفنادق والسوبر ماركت بتاعت المنطقة كلها ،
وعندي مزرعة بربى فيها البقر والغنم .
المدرس ظهر عليه التأثر الشديد و قال له :
أنا لو كنت أعرف إن ده هيحصل .
كنت هربت معاك من المدرسة .