[هيفولا]

كل انواع البسبوسة

1-بسبوسة غير

تعالى شوفى ازاى تعملى البسبوسه من غير ما تنشف منك

النهارده حقولكم على طريقه لعمل البسبوسه
وبنتيجه كويسه وطريه ومش مكتومه

نبتدى بالمقادير
1 و 1/2 ك دقيق بسبوسه-
- 1ك سكر--1/2 ك جوز هند مبشور
1/4 ك سمن --1 ك زبادى -
- 1/4 م ص بيكربونات الصوديوم-
1/4 م ص بكنج بودر-- م ص فانيليا

الشربات
1 و 1/2 ك سكر-- 1 ك ماء--ع ليمون

الطريقه
يوضع الدقيق فى طبق العجن ونسيح ربع ك السمن
ونضيفه عليهاوننضيف البكنج
بودر والصودا والسكر وجوز الهند والزبادى والفانيليا
ونبس الدقيق مع كل المقادير
بالايد كويس جداحتى تتداخل السمن جوه الدقيق كويس
مهم قوى الدعك بالايد علشان تطلع البسبوسه طريه

بعدين نحضر صينيه الفرن وندهنها بالسمن كويس
القاع والجوانب
ونصب البسبوسه فيها ونسيبها تخمر 1/2 ساعه
قبل دخولها الفرن
نقطعها بالسكين حسب الرغبه
وندخلها الفرن المجهز على درجه 200
مده 1/2 ساعه لحد مايحمر الوش

اثناء التسويه نعمل الشربات بالطريقه المعروفه
على النار نغلى السكر مع الميه ولماتغلى نضيف ع اللمون
ولمانخرج البسبوسة من الفرن نسقيها بالشربات السخن
وهى كمان سخنه
خلوا بالكم من النقطه دى

بعد مانسقيها بالشربات ندخل الصينيه الفرن
وهو مطفى دقيقه واحده بس
علشان تشرب الشربات كله ويكون باب الفرن
موارب شويه مش مقفول

بعد كدا نطلعها من الفرن بسرعه
ونغطيها كويس علشان البخار يخليها طريه

ودى شكلها لما طلعت لاحظوا ارتفاعها كويس ازاىومش مكتومه

لانها اتخمرت كويس قبل التسويه

وتدعوا لى
لو جربتوا الطريقه دى
مش حتقولوا البسبوسه ناشفه ابدا
جربوا وماتخافوش


يتبع