[هيفولا]

بسبوسة ساده طريه

اللهم صل وسلم وبارك على سيدنا محمد

البسبوسه البسيطه بطريقه سهله جدا

شوفوا شكلها الاول



ها ايه رأيكم
المقادير
كوبايه سميد
كوبايه سكر
نص كوبايه جوز هند ( بس انا مش حطيته عشان جوزي مش يحبه )
نص كوبايه زيت
2 بيضه
( ومتخافيش من البيض والله ولا ليه ريحه
وبيخليها جميييله وعلى ضمانتي )
علبه زبادي ( 170 جرام )
معلقه صغيره بيكنج بودر
رشه فانيليا



الطريقه
نحط المقادير الناشفه مع بعضها الاول


نضيف باقي المكونات ( الزبادي والزيت والبيض )



ونضربهم كويس بالمضرب




ندهن الصينيه سمن او طحينه سايله زي ما تحبي



وهنا بعد ما حطيتها في الصينه
طبعا هنا ممكن ترصي لوز او بندق او اي مكسرات بتحبيها




وندخلها الفرن علي حراره 180 درجه لحد ما تحمر معاكي
وفي نفس الوقت ده بقه نحضر الشربات
يكون سمكه مش تخين ولا خفيف
دي مقاديره
كوبايه ونص سكر
كوبايه مايه
نص لمونه
ونقلبهم كويس لحد ما يدوبوا وعلى النار لمده عشر دقايق
واخر حاجه نضيفها الليمون
وبعد ما خلاص جهز حطيت معلقه سمنه بلدي من عندي
بتخلي البسبوسه تلمع وجميللله



هنا بعد ما خرجت من الفرن معلش هي احمرت شويه
المفروض تكون لونها افتح من كده بتكون اشيك واحلي كمان
وملحوظه مهمه جداا يافتوكات
لازم نضيف الشربات وهو سخن على البسبوسه وهي سخنه

هنا بعد ما خرجت اهي من الفرن



وهنا بعد ما ضيفت الشيره بتاعتي
ممكن ترشي شويه جوز هند كمان ع الوش
بتكون طبعا تحففه


نغطيها شويه عشان تتشرب الشربات
هنا بعد التقطيع شوفوا حلوه ازاي



وكمان


هنا وقت التقديم

وكمان


زوووم بقه




شوفوا جميله من جوه ازاي


وكمااان
اتمني طريقتي البسيطه دي تكون عجبتكم
واتمني تجربوها وبجد مش هتندموا
وماتنسوش تدعولي دعوه حلوه من قلبكم

هيفولا