 |
|
|
|
|
 |
 |
 |
 |
 |
 |
|
|
 |
 |
 |
 |
 |
|
| ابحث بالموقع | تاريخ اليوم: | |||
 |
| المستشار نبيل جلهوم | ||
| المهندس عبدالدائم الكحيل | الدكتور عبدالله بن مراد العطرجى | بطاقات عطاء الخير |
| دروس اليوم | أحاديث اليوم | بطاقات لفلي سمايل |
|
تسجيل دخول اداري فقط |
| الرسائل اليومية لبيت عطاء الخير لنشر و إعادة الأخلاق الإسلامية الحقيقية للأسرة |
| انشر الموضوع |
|
|
أدوات الموضوع | انواع عرض الموضوع |
|
#1
07-30-2010, 11:25 PM
|
|||
|
|||
موجز الأنباء عن رحلة الإسراء
l,الأحباء الأعزاء السلام عليكم ورحمة الله حان الوقت للنظر بعين اخرى للإسراء والمعراج ، عين تدبر وتفكر ، عين بحث وربط الأحداث بعضها ببعض قديمها وحديثها وأظن قصيدتى المرفقه نالت شيئا ولو يسيرا مما اشير اليه ، اسأل الله تعالى أن يتقبلها بقبول حسن كما حبب فيها من رأها وقرأها ، وأسأله تعالى أن يمنحنا التدبير والتفكير ويجعله هدى ورحمة 00 أمين موجز الأنباء عن رحلة الإسراء شعر/ ناصر صلاح من ديوان حبة تراب المجموعة الرابعة من أغاني حرفوش المجذوب مهما قالوا 00 واختلف فيه الرواه بالروح رآه 00 وللا بعينيه ؟! هوا رآه هو اطمئن وزاد يقين واحنا برغم الإثباتات والمعجزات 00 يوم بعد يوم بيقل ونقول مسلمين عاوز اقول 00 نفسى اقول ما اعرفش انا لغة الحياد ما اعرفش اقف بين البينين السيف لوحده فى الوغى00 إيه راح يفيد؟! محتاج لفارس والجياد نفسى اقول 00 عاوز اقول خايف بجهلى أزعله ما هو برضه قال: إن اللى جاى 00 سىء وأسوأ راح يكون يعنى بلغتنا فى الزمن ده اسود وطين لكنه قال: إن احنا فى الأيام دى خلف المشركين شبرا بشبر بس اللى ماسك ع العقيدة مهما كان 00 من محدثات 00 من مغريات 00 من مرعبات 00 زى اللى قابض ع النيران00 بالطبع دولّ المنصورين &&&&& عاوز اقول 00 نفسى اقول إن النبى أسرىَ به وكمان عُرج مش بس ترويح للنفوس إصحوا بقى طال الكابوس !! راح النبى بأمر الإله00 الأقصى لجل يقول لنا إن احنا أهله وعزوته واحنا المدافعين عن كرامته وعزته دلوقتى لو قام مننا ليث جسور يمنع يهود الأرض عنه نسكته نلقى خفافيش الظلام00 بتقول له : حاسب فيه سلام خارطة طريق بينا وبين نسل القرود والعم سام حب ووئام والاتفاق ان احنا ما نروحش لهم لكنهم مرحب بهم فوق الخلايجه والمغاربه والشوام أما احنا متباعين لهم 00 ومن زمان أنظر على باب وهمهم مخطوط ومرسوم رسم داخل قلبهم م النيل مرورا باللى بعده لحد ما نوصل فرات بيقولوا دوت ملكهم بس العجب ان الرسول فى رحلته شاف أربعه نهرين وظاهرين له قوى نهرين كمان على بعد مش ظاهرين قوى لما سأل جبريل ، فقال: الظاهرين هما الفرات والنيل والغامضين 00 م الجنه دول نابعين ما تفكروا يا سامعين م الرؤيه دى إيه نفهمه ونربطه بوهم اليهود أجى برضه برضه وفى النهاية بأفول: علشان نفوق م الوهم ده ونبطله إحنا الحمايه والأمان لكل أمه وأرض جاها رسول إيمان &&&&& عاوز أقول 00 نفسى اقول صلى النبى بالأنبيا علشان يقول : احنا يا ناس أولى بهم من قومهم من أهلهم أمنا بيهم كلهم لا قولنا يوم عيسى إله وللا يا موسى اذهب وربك حاربا واحنا هنا 00 نصنع فى عجل ونعبده &&&&& أما اللى فوق كان العجب ذهب الحبيب لمن أحب لازم هناك تفرض صلاه هى العماد لازم تكون فى المنتهى ده لأنها هى بصراحه المنتهى قال الرسول: ( صلوا عليه ) لو شفتم العبد المطيع دوما يداوم ع الصلاه فلتشهدوا له بالإيمان هى بصراحه المنتهى هى اللى تنهيك عن فساد عن منكر 00 عن أى فحشاء أو مراء هى اللى ربطاك بالسماء &&&&& عاوز اقول 00 نفسى أقول بس المسائل مش قواله وجعجعه لازم نكون م العاملين العاشقين المعمعه علشان نكون خلف الرسول صحبه معه 
|
|
|
 |
العرض الشجري