[هيفولا]

المفتول الفلسطيني بالصور



هذي اكلة شعبية اساسية في فلسطين
لكن ما حدا بيعرفها بسبب السياحة العامرة في فلسطين والامن والامان

: أولا اليخنة :
>> كل مكونات اليخنة تتقطع قطع كبار<<

تقشري القرع





تسلقي الدجاج أو اللحم
<-- يقدمونها في الافراح في فلسطين باللحم بس اليوم عملناها بدجاج





تشيلي الدجاج وتصفي المرق وتضيفي مكانه القرع
وباقي الخضار راح تستوي لحالها لأن في فرق في مدة الطهي
< القرع ياخذ وقت اطول علشان يستوي





في طنجرة ثانية
تقطعي كمية كبيرة من البصل جوانح وتقليها بشوية زيت
وتضيفي عليها بندورة مقطعة كبير





وتسلقي حمص << او تكوني سالقاه مسبقا في علب في الفريزر
< وتضيفيه على البصل والبندورة





وتضيفي ملح وشوية بهارات




اول ما يستوي (ينضج) القرع .. تضيفيه هوا ومرقته على باقي الخضار
وتضيفي ملعقتين طعام صلصة




: طريقة طبخ المفتول :

طبعا تيتة وماما بيعرفوا يفتلوا ويحضروا المفتول بالبيت
بس طريقته طويييلة وبتزهق
المهم هذا المفتول جاهز بنشتريه من البيت الفلسطيني

اول شي بتجيبي المفتول




بدون غسل أو نقع

بتضيفي شوية زيت + مي + ملح على المفتول (مي عادية مش مغليه)
كمية المي بس تغمر المفتول لا اكثر




فورا راح يمتص المي





بتقطعي بصلة متوسطة تقطيع نآآآعم وبتضيفي عليها شوية ملح وبتدقيها بالهون





عين جرادة على البصل <- نوع بهارات اسمو عين جرادة لا حدى ينشبلي

ملاحظة
مش ضروري ينضاف للمية ملح وملح الليمون والفلفل الاخضر
لانه مع البصلة المفرومة بنضيف قرن اواتنين فلفل اخضر وملعقة كمون مطحون وملح .


عين الجرادة
اللي هي بذور الشبت

هنا شكلو بعد الدق




بتحضري قدر المفتول
(الو طنجرة خاصة فكرتها انو المفتول بنطبخ على البخار)
القدر الاول مي مغليه + ملح خشن او عادي
+ حمض ليمون + قرنين فلفل





بتحطي الجزء الثاني من القدر (المصفاية)





بتحطي قطعة قماش رقيييقة ومخصصة للمفتول
علشان حبيبات المفتول صغيرة ما تنزل من المصفاية على المي
بتنزلي المفتول في مصافية الطنجرة




وبتدفني خلطة البصل وعين الجرادة في النص




وبتغطي الطنجرة لا تسي

بياخذ المفتول على النار ساعة << في طريقة لاختبار نضج المفتول
بتضربي بيدك على وجه المفتول بيصير يهتز بطريقة غريبة ماعرفت اشرح

بعدين بتنزليه بصينية كبيرة
وبعض حبيبات المفتول بتكون ملزقة في بعض مع الطبخ ..
بينضاف عليه زيت زيتون << تقريبا بيالتين ..
وببتفركيه شوي شوي بحيث يرجع حبيبات

عند التقديم المفتول وفوقيه اليخنة

وبالهنا والعافية

هيفولا