[راجية الجنة]

هجمة مرتده
الأخت / شوقيه شوقيه

في لحظة صفاء وهدوء وجلسة نادرة يلفها الود
قال أبو احمد لزوجته :
الله يرضى عليك بكره الجمعة
ابغى اعزم أهلي من زمان ما عزمتهم خاصة اخواني .

تمتمت ام احمد بكلمات غريبة
ثم قالت له :
إن شاء الله . الله يسهل ويصير خير


خرج أبو احمد في الصباح مبكرا قاصدا دكانه .
وجلس حتى آذان الظهرثم ذهب إلى المسجد وعاد إلى بيته مسرعا .

ثم قال لزوجته :
هااه ياام احمد عساك جهزتي الأكل ؟

قالت : أي أكل ؟

قال :
انا قلت لك البارح ابغى اعزم أهلي !!! وانا كلمتهم وبعد ساعة جايين .

قالت :
يااخي مو غرباء , ياكلون من الموجود هذولا اهلك .

قال :
الله يسامحك ياام احمد
ليش ماعلمتيني من البارح انك ماتبغين تطبخين ؟
علشان اعتذر . قربوا يوصلون وش اسوي الحين ؟

قالت :
اتصل عليهم واعتذر ما فيها شي ليش هم اغراب ؟
هذولا اهلك !!!



أبو احمد طلع من البيت وهو زعلان
دقائق بعد خروج أبو احمد .
يطرق الباب وأم احمد تفتح الباب .
وتتفاجأ بكل أهلها و اخوانها وأخواتها وأولادهم !!
يدخلون البيت

وأبوها يسألها : وين أبو احمد ؟

قالت له : والله طلع من شوي .

قال أبوها : معقوله يعزمنا ويطلع ؟

وأم احمد بتنحاس
وتفرك بايديها وتقول :
اخس عليك يا ابواحمد
ليش ماعلمتني انك عازم أهلي ؟


وتتصل على أبو احمد علشان يجيب أكل جاهز .

يرد عليها :
والله انا بعييد شوي دبري حالك هذولا أهلك مو غربا
ياكلون من الموجود .

مقلب روعه تستاهل والله كفو عليك يابو احمد .