[هيفولا]

الثريد القطري

اليوم بحطلكم اكله يسووها بقطر
بالذات فرمضان..!

الـــثـــريــــد

الـــمقادير:
لحم او دجاج
بصله مفرومه
ثلاث فصوص ثوم مفرومه
اربع طماطات حمر وطريات
كزبره مفرومه
شبث مفروم
خضره(فلفل اخضر حلو/بطاطا/كوسه/باذنجان/جزر) مفرومين فرم كبير
ولكم الحريه في اختيار الكميه
اربع حبات ماجي
ملح
بهارات مشكله

فلفل احمر وفلفل اسود وكمون

الطريقه:

اول شي تحطون البصل واللحم/ الدجاج وتحركونهم ع النار شوي لين يتشقر البصل
وبعدين تحطون فوقهم الطماط والثوم والكزبره والشبث
وتضلون تحركون لين تنحمس(تلين)الطماطات شوي بعدين تحطون الماي ثلاث ارباع الجدر
وتبدون عاد تحطون الماجي والملح ماتكثرون وايد لان الماجي مالح
وتحطون البهارات المشكله نص الملعقه والفلفل الاحمر والاسود والكمون بعد شوي
عشان ماتصير المرقه حاره..!
بعدين تحطون الخضره وتقصرون عالنار
وتخلونها تطبخ ع نار هاديه لين تستوي..! تقريبا تحتاج ساعه او ساعه ونص عشان تستوي..!
لما تستوي تجيبون خبز الصاج وتقطعونه عالصينيه اللي بتقدمون فيها
بعدين تصبون فوقه المرق وتقدمونه حار..!

وهذي صورته



وبالعافيه ع قلوبكم

اختكم/هيفولا