[هيفولا]

مـكعبات التوست




من اقدم الاطباق
واللي اذكر اني تسطلت عند صورته
بكتاب رابحه حافظ يوم شرته امي وانا بالابتدائي
بس طبعا غيرت فيه لانها هي عاملته بشكل كيكة كبيرة
، وتقدرين انت تبدعين فيهم مثل ماتحبين ..

المقادير ::
توست طري ../.. مايونيز ../..
اي حشوة عندك -
انا صلحتها بحشوة دجاج حقت السمبوسه
لبنه ../.. وللزينه تفنني من عندك : جزر مبشور
../.. زعتر ../.. بقدونس مفروم ../.. سماق ...... الخ

الطريقه ::
قطعي التوست اما دوائر
وانا استخدمت علبة البيكنج باودر لقيت حجمها هو الانسب
او مربعات مع قطع اطراف التوست



ادهني طبقتين بالمايونيز وحطي بالوسط شي خفيف من الحشوه
ورصيهم فوق بعض - يعني بيكون المكعب ثلاث ادوار -



بعدين ادهنيهم بلبنه من الاطراف الجانبيه
وقلبيهم بالزينه اللي تبغين



وارجعي ادهني باللبنه من فوق
وحطيهم بورق البليسيه وزينيهم من فوق
واذا كنتي عاملتهم بدري غلفيهم زين مره ودخليهم الثلاجه
وطلعيهم قبل التقديم بساعه تقريبا
وبالعاااااااااااااافيه




وقدميها لضيوفك
الف هنا وعافية

هيفولا